صديقاتي يبوني اروح معهم شاليه وعندنا هذا الشي محرم بس رح احاول اقنع ابوي رغم اني خايفة مرة من ردة فعله هو مارح يضربني بس بيهاوش او يطنش رغم ذا ابي احاول وابي اكسر الخوف ساعدوني وقولولي كيف أقنعه انا ابي اروح هذي اول مرة لي

من انا صغيرة كنت اعتبر الحبس بالبيت واني ماقدر اطلع واروح واجي وبس انظف على اخواني مجرد مرحلة واذا كبرت بتنتهي واقدر اخيرا اعيش حياتي الحقيقية بس انا كبرت وصرت بالعمر الي كنت احسب اني بكون حرة فيه وللاسف مافي شي تغير بالعكس الوضع صاير ازق ، انا اكبر البنات ماعندي الا واحد فوقي وكل حياتي اقنع نفسي انه كبير وشي طبيعي يروح ويجي على كيفه والشي الي مصبرني على عيشتي ان الكل بالبيت زيي وهو الوحيد الي ماخذ حريته لانه يعتبر كبير (بيننا سنتين فقط ) ايه جالسة احمي نفسي من الجنون بهذي الطريقة بس خايفة من اليوم الي اخواني الاصغر يصيرون يروحون ويجون وعندهم حريتهم وانا الي اكبر منهم بكثير للان محبوسة وحتى البقالة ماقدر اروح لها خايفة الشي الوحيد الي مخليني اتقبل حياتي وانسى اني كبرت وللان محبوسة بالبيت يختفي احب اهلي بس اذا جت ذي المرحلة احتمال انجن ومارح اقدر اتحمل

مر شهر تقريبا من بداية الاجازة وانا ساحبة على ام القدرات مسويتلها حذف من حياتي رغم ان اول محاولة جبت درجة تسد النفس وهي ٧٣ واحس من بعدها طار الشغف ومو قادرة ارجع اذاكر وبدخل ثالث قريب وباقي ماقفلت النجدة كيف اغصب نفسي اقفل قبل هم التحصيلي

​

لو تشوفون الكلمتين مع بعض اول شي يجي ببالكم التضاد ف كيف اثنين بالغين فقراء ويالله يقدرون يعيلون نفسهم يقررون ينجبون عدد كبير من الأطفال بكمية استهتار وتجاهل لوضعهم المعيشي السيء وللاسف انهم يروجون للفعل هذا تحت ستار ان كل ماكبرت العائلة يزيد الترابط او رح يشيلونا اذا كبرنا او الجملة الشهيرة يجي ويجي رزقه معه وبديهيا ولاشي من هذي الأشياء بالنهاية تحقق رح يرجع الزوج البيت بعد عمل نصف يوم مرهق جسديا ونفسيا ويفرغ غضبه على الزوجة الي بالتالي تتأثر نفسيتها وحسها السليم بالتربية والحنان الي المفروض توفره للاطفال لان مع الضغط من جهة الزوج والضغط بالبيت نفسه بسبب كثرة الأطفال المتقاربين بالعمر الي من المستحيل تقدر تهتم فيهم كلهم بشكل كويس رح تتشكل شخصية ضعيفة مهزوزة عنيفة تحاول النجاة بأي طريقة بإختصار الابوين يفرغون كل ذي المشاعر على الاطفال مما يسبب تفكك اسري واكتئاب وأمراض نفسية تجلس العمر كله معهم عدا ان الطفل يضطر يهتم بنفسه من عمر صغير لأن الام تخلفه من هنا وتحمل من هنا فما تعطيه فرصة انه يستشعر بالاهتمام والحب من الأبوين بالعكس بيضطر يضغط على نفسه بس عشان يساعد امه لانه جالس يشوف عائلته تنهار بسبب قرارت اتخذوها بنفسهم وهذا الشي عاجلا او اجلا رح يستوعبه و يكتشف انهم ماكانو مجبورين على ذي العيشة ورح يحاول يخرج ويتخلى عن الأسرة اول ماتصير عنده الفرصة لانه ببساطة ماعنده مشاعر غير اليأس تجاه الأسرة وماعنده رابطة اسرية تجاههم تخليه يجلس معهم. فيه كلام كثير زيادة ودي اقوله وجوانب ما ذكرتها او اعطيتها حقها بس بوقف هنا واختمها ب [ تجربة شخصية ].

تعرفون شنو يقول الشاعر ابو ريشة ؟

اخوي الكبير كيف يشوف نفسه بعد ماعفن بغرفته اسبوع كامل ويوم طلع هاوشني لاني مو مغطية اخوي الصغير وانا ماكلته ومغسلته ومشربته واهتم فيه كل اليوم بس هو مقتنع انه المسؤول والبيت اكيد رح ينهار بدونه وهو لو احترق البيت وفطسنا كلنا مادرى ومع كذا امي تموت فيه وتقول محد قايم بالبيت غيره ولو راح جاب قشطة بسيارته المكيفة للبقالة الي جنب بيتنا تبوس رجوله . كندا تتصل بي 🙏

اهلي بشكل عام مو عنيفين ولايسبون ولايعنفوني جسديا بس قدرو من انا صغيرة يحطون قاعدة ان مكاني البيت ووظيفتي التنظيف بس لدرجة ما استوعبت ان حياتي غلط بغلط الا بالمتوسط بعد ماشفت الي حولي كيف حياتهم ووقتها عاد الف هوشة وهوشة وصياح عند امي بس ابوي ماقدرت ابدا حتى المح له اني مابي اجلس بالبيت بس واخدم الذكور اخاف منه من جهة الموضوع ذا لان يصير وقتها يسب فعلا رغم انه لطيف وطبيعي بس هي زي الافكار الراسخة بمخه الي لو حاولت اكسرها بكون صايعة وادور الرجال وادور الزنا الخ ، اليوم صديقاتي حجزو شاليه ويبوني اروح معهم وانا بحياتي من الخوف ماقد اقترحت على ابوي اطلع او اروح زي ماشرحت لكم فوق ، ما اكذب عليكم قمت ارجف من الخوف بس لفكرة اني اناقش الموضوع مع ابوي واقنعه خفت خوف مو طبيعي بنفس الوقت ابي اكسر ذا الخوف لعل وعسى شي يتغير الله يسامح اهلي ويهونها علي

الحين معروف ان مذاكرة القدرات يبيلها تشترك بدورات وأفضل المصادر مدفوعة بس انا ماعندي المادية اشترك او ادفع فلوس لايهاب وغيره بس ابي اجيب درجة كويسة ، كيف ؟ والله تعبت ادور مصادر مجانية ومالقيت ولو لقيت تكون باين غير موثوقة وماعندهم سالفة . ابي القى حل ولو فيه بنوك ولا أقسام مسربة يكون حلو وان شاء الله ان زانت اموري ادفع

كيف ابدأ اتعلم برمجة ؟ ابي اتعلم البرمجة والحاسب بشكل عام من الصفر ابي حسابات او مواقع او قنوات باليوتيوب تشرح الموضوع من البداية وماتفرق معي عربي أو انجليزي ولو انت عندك خبرة وتقدر تفديني يكون أفضل

وش الفرق بين علم النفس وطب النفس ، يعني وش لازم اتخصص عشان ادخلهم ووين اتوظف ووش طبيعة الوظيفة بالضبط ، مادري لو فهمتو علي بس ابي شرح لكل تخصص والفروقات بينهم بشكل دقيق

بما ان الاجازة الصيفية بدأت ورح اكون اغلب الوقت في البيت مع اهلي ٢٤ ساعة ف ابي نصايح كيف افصل نفسي كليا عن اهلي واتجنب التعامل معهم عشان نفسيتي لاتتعب اكثر مما هي تعبانة ، لحد يقولي خليك بغرفتك ولا تطلعين لاني شغالة البيت ما ادخل غرفتي الا وقت النوم ، ابي شي يفصلني عنهم نهائيا سواء لعبة مسلسل فلم او حتى تصرفات معينة اسويها اي شي يخليني بعالم وهم بعالم

ابي اشتري نينتندو بس انا دبة سمينة بريالين مايكفيها سروالين اصرف كل فلوسي عالاكل ، عندي حصالة وابي ابدأ اجمع فلوس الناقص بس احد ياخذ فلوسي مني ويحطها فيها لأن مصروفي صار مصروف راعي البقالة والمطاعم مو انا ، المهم عطوني طرق اقدر امسك نفسي من الصرف واجمع مبلغ محترم .

ك شخص مجبور على جلسة البيت من الصغر طبيعيا تكونت عندي عادة سيئة وهي أحلام اليقظة ، لازم يكون جزء من يومي من نص ساعة لساعة اسمع اغاني بشكل متواصل وادور بالغرفة وانا اتخيل سيناريوهات وهمية ، حياة افضل أحلام ماتحققت أشخاص وهميين تماما ومحادثات غير حقيقية ، الزبد احس ذا الشي جالس يأثر على واقعي عدا اني صرت مدمنة بشدة لي سنين احسني مو جالسة أنجز الا بالاحلام واحس بمتعة الإنجاز والدوبامين الوهمي لاشياء ماصارت ولا رح تصير ، السؤال هو كيف اوقف الإدمان ذا ابي أوقف ابي اعيش الواقع مو الأحلام ابي أحقق الإنجازات مو اتخيلها تعبت والله تعبت بس وضعي مايساعد للأسف لو كنت ابي اتعافى احتاج التزام ورغبة قوية وللاسف ماعندي بحكم وضعي احتاج مساعدة .

الحين انا نطاقي محدود ولا كل تطبيقات الصحة النفسية بفلوس ؟ انا فاهم ليه ممكن تكون الخدمات المقدمة من أطباء واخصائيين عندهم شهادات مدفوعة بس ماقد احد فكر يصنع واحد مجاني ؟ خصوصا ان اغلب المرضى النفسيين غالبا تكون ماديتهم سيئة وغير قادرين على تحمل تكلفة العلاج النفسي ف المفروض يسوون تطبيق مجاني لهذي الفئة لان كل ماعالجنا المتضررين زادت التنمية والوعي في المجتمع ورح يرجع بفائدة كبيرة للبلد وانا متأكد فيه أطباء واخصائيين مستعدين يقدمون خدماتهم مجانا احتسابا للأجر بس لو عندهم الفرصة والي هي ذا التطبيق بليز انظرو للموضوع والي يفهم فيه يبادر ولو فيه تطبيق انا مو داري عنه قولو لي

ابي اغير رقم حسابي بالتيليجرام بس يوم اجي لخانة تغيير الرقم يكتب لي فيه حساب مسجل بالرقم ولازم احذفه ، الحين لو حذفته مابقدر اسوي حساب بالرقم الجديد خلاص ولا عادي اقدر اسوي ؟ وش اسوي بهذي الحالة خايف احذف ويطير علي كل شي

الترم الأول هربت جوالي المدرسة وانقفطت بشكل غبي واعترف اني كنت غبية وشبه استخدمته بشكل مباشر قدام الاستاذة المهم مو موضوعي الأساسي موضوعي ان الاستاذة الي قفطتني تدرسني ومن بعد الموقف صارت كأنها حاقدة علي وتعاملني ببرود واعتلاء وهي تصرفات عكس شخصيتها تماما لانها معروفة انها تمون وتضحك مع الطالبات وشهدت ذا الشي كثير ، صارت تدور الزلة علي ولو سويت اي شي تستقعد لي عرفتوا البعير اذا حقد ؟ هذي تصرفاتها حرفيا والمشكلة ليتها تظلمني بشكل مباشر عشان اقدر اشتكي عليها هي جالسة تطبخني عالنار ببطئ المواقف الي تسويها صغيرة بس كثيييرة تعذبني نفسيا بالمعنى الحرفي ، كل الي اتمناه السنة الجاية ماتدرسني لان هذا الحل الوحيد الإنسانة ذي تعذب بخبرة وتكره الشخص حياته مرض والله مرض حركات أطفال وهي بتطق الخمسين

عندي اقتناع لو الإنسان مايحتاج للأكل و موقفة حياته عليه كل مشاكلي بتنحل . if you know what I mean