انا غالبا مو شخص يتكلم كثير او يشارك كثير وصراحه احب هالشي وذا طبعي غامضه ف لمن اقرر افضفض ولا اسولف عن شي احس بشعور الاستنزاف وكان طاقتي كلها راحت وفوقها اقول ليتني ساكته
السلام عليكم انا موظفه جديده لي شهر ونص كذا وبرضو فيه كثير جداد معي من ضمنهم مدير قسمنا هو حليل يعني لو استأذن يوافق ومو راعي مشاكل كذالك زميلي الي معي بالقسم مايقصر اذا سألته عن شي، المهم من فتره سحبوا علي تماما عطوني مهمه كذا زي ادخال البيانات وبس ولا شغلي مهم و فيه مهام كثير بس هم ماقاعدين يقولون لي شي عنه وتخيلوا فيه اجتماعات لقسمنا تصير كم مره بالاسبوع ولا ينادوني فيها، وانا عرفت عن هاذي الاشياء لان فيه شخص من الاداره انتبه على الموضوع وناداني قالي انتي ليه ماتدخلين اجتماعاتهم قلت ماقالو لي ولا كنت اعرف وسألني عن شغلي وقال معقوله يافلانه بس هذا الي تسوينه ماعلموك عن باقي الاشياء قلت لا قال تمام وراح ناداهم جابهم مكتبه وقال من اليوم ورايح تدخلونها معكم الاجتماعات لانه من ضمن التيم وبرضو علموها على باقي الشغل، المهم دخلت ميتينق واحد وبعدها سحبو مرت ثانيه واخر مره قالو لي احنا مشغولين مابندربك اليوم وبنفس اليوم قبل اطلع قالو تعالي بغرفه الاجتماعات تدرون ليه؟ لان الشخص الي من الاداره كان موجود ويعنني شفنا ترانا ندربها، نسيت اقول نقطه مهمه ترا التيم هنود
كلامي عن الناس الوحيدين ويحسون إن ما عندهم أصحاب مقربين يعني يطلعون معاهم دايم وما شابه، من وجهة نظري إن كل شخص يحتاج وقت يكون فيه وحيد بحياته، وقد لا يكون هالشي باختياره مرات. كذا مكتوب لك إن هالفترة من حياتك راح تكون علاقاتك محدودة أو شبه معدومة، لأن لازم تركز على نفسك وتشتغل على أهدافك وتتعرف على نوع شخصيتك واهتماماتك.
طبعًا** أنا ما أقول إنك ما تقدر تسوي هالشي إذا عندك علاقات**،** لا أبد**،** لكن العلاقات تاخذ حيز من حياتك خصوصًا العاطفية بعد، فممكن ربي يبيك تنشغل بنفسك أول، بعدين يجيب لك ناس حولك يشبهون **لك.
يمكن ربي ما حط ناس بحياتك لسى لأنهم يمكن يضيعونك، سواء صحبة سوء أو فقط كل وقتك بيضيع معهم وما بتسوي شي لنفسك. كذلك العلاقات العاطفية، أقدر اختصرها بأن قد تكون مو جاهز للشخص الي أنت تبيه.
حتى بالشغل شعور غريب مالي خلق اسوي شي ابد احس كل شي ثقيل مااشوف هااشي طبيعي
عطونا قصصكم🙏🏼
هذا مو مديري الفعلي لكنه تحت مدير المشروع علطول، مفروض يسمونه مدير القفطه لان كل ماننحاش نفطر او نطلع بدري يرسبن عندنا يقفطنا يناظرنا ويسكت، بصراحه هو شخص كويس وهو اكثر شخص شاد حيله بالشغل وبرضو يساعدني مرات، قد شافني مداومه السبت لحالي وقالي ارجعي بدري الصبح، وبرضو لاني جديده حريص اتعلم هاوش التيم حقي لانهم ساحبين علي مايعلموني، المهم يعني فشله فشله لو اسوي شي مايعجبه تخيلو اصلا المفترض يخلص دوامنا ٥ بس كلنا البنات نطلع ٤ واخر مره طلعت ٣ ونص وطبعا مكمله ساعاتي بس تخيلو يوم طلعت لقيته جالس برا وشافني وسكت ومو هنا الصدمه يوم ركبت السياره لقيته مرسل من ساعه ومارديت عليه بيحسبني قاريه رسالته ومتجاهلته وفوقها طالعه بدري ياارض انشقي وابلعيني اكيد بكرا بيجيب طاري الموضوع اععههه
يناس مو طبيعي من موقف واحد صغير انضغط وازعل ويتنكد يومي على غير سنع وغالبا بسبب اشخاص يعني يااهلي او شخص زباله من الشارع عذرا على المصطلح بس هذا اللائق
السلام عليكم مساء ويكند جميل عليكم ان شاءالله
اولا انا فتاه في بدايه العشرين وافكر اتزوج بالسنوات القريبه الجايه ان شاءالله لان الان صراحه مشغوله بحياتي، على العموم حصل نقاش بيني وبين اختي عن انا مين ابي اتزوج وقلت لها ماابغى اتزوج شخص نجدي مثلي ابي حجازي من الاخير وهي تقول لي ترا صعب بما انك بالرياض واغلب حياتك هنا ونادر احنا بدائرتنا نشوف حجازيين وبديت افكر بكلامها يعني فعليا للاسف الزواج صاير صعب هالايام من ناحيه انك تلقى شخص مناسب فكيف لو انا ابي شخص من بيئة معينه وبعيده عني بعد، وفوقها ماما قبيليه يعني يمكن تدقق بالموضوع لان زي ماتعرفون اغلب الحجازيين مو قبايل ف هل فعلا صعب الموضوع؟ انا احبهم منزمان واحس بالالفه معهم ودايم عائلاتهم لطيفه عموماً** انا مؤمنه يوما ما ان النصيب بيكون من هناك حتى لو بعي**د☝🏼
سواقنا الشخصي صار له فتره اشك انه يسوي العاده وهو يسوق ايه نعم وقرفاته لاني مضطره عليه والخسيس يسويها بطريقه ماتبين لكن واضح انه يسويها وصار الموضوع عاده عنده كل مايرجعني والطريق زحمه يسويها، ادري بتقولون قولي ل اهلك حرفيا امي عندها تعلق مرضي فيه تقول مانبي نجيب غيره خلاص هو عارف مشاورينا وشوارعنا ولا هو ترا خير شر قليل ادب يرفع صوته ويهاوش امي ويهاوشنا وامي راضيه متخيلين؟ غير كذا امي من النوع الي تسكت عن الغلط يعني لو اقولها عنه بتحسبني كذابه ومهوله الموضوع وبتقفل السالفه بتسوي نفسها ماسمعت، عموما والله اني قرفانه ماني ناقصه شي بحياتي زي كذا ولا عندي احد اقوله عن الموضوع** **
Update
الي** يقولون قولي ل اخوانك وابوك اولا** ابو**ي متوفي**** الله**** يرحمه**** واخواني**** هم**** يعرفون**** انه**** يرفع**** صوته**** بس**** مو**** دايم**** يلعنون**** خيره**
والله شعور شيين اجلس اغلب الوقت افكر بذا الشخص مع اني مشغوله بحياتي وفوقها هالشخص مااضن انه يبادلني الاعجاب حتى شي محزن بس لسى افكر فيه رغم انه معد صار معنا
من كل جهه ثقيله مافي متنفس لا عائله لا شغل لا اشخاص لا مدينه اول مره بحياتي احس ماودي اكمل اعيش
احس غريب وش السبب انهم مايتكلمون معي الا اذا احتاجو شي ومع باقي الزميلات ينقلون لهم سوالف دايم اسمعهم يقولون اليوم صادفت فلان وجلس يسولف عن فلان وكذا سوالف تنقيل علوم الادارة مرات، حتى بعضهم يسولف عن حياته الشخصيه لوحده منهم وللمعلوميه لايجي ببالكم انهم بكميات ولا يدورون علاقات لا ترا علاقاتهم رسميه وهم كبار متزوجات والي يسولفون معهم يكونون صغار بالعشرين مثلي
احنا بشركه رواتبها متوسطه وتقدرون تقولون انها تنفع لشخص لسى ببدايه عمره يعني هاذي ثاني شركه له وماشبه لاحظت كثير عندنا ماشاءالله خاطبين (مملكين) ورغم انهم متمرمطين من ناحيه تجهيز العرس وهالاشياء الا انهم مبسوطين ومكملين وكلهم صغار بالعشرين لكن اغلبهم عوايلهم حجازيه ليش احنا عندنا فكره لازم الواحد يكون مستقر ومحقق كل شي بحياته قبل يتزوج ليه مو منتشره فكره اذا انا اقدر اخطب بخطب وكل شي ربي بيسيره مع الوقت ليه الواحد يحصر نفسه يبي كل شي مثالي قبل يتزوج
مدري وش ذا التمسيكه الي جتني ابي اطلع حساب شخص من اللكندن حقه كيف مدري المشكله حتى مهارات ستوكريه ماعندي