u/Ok_Debate_8457

لسه راجع من امتحان بجد كنت مذاكرلو جامد اوي، و مراجع فوق ال ٥ مرات على كل المحاضرات ال داخلة، و اتفاجئ أن حوالي ٥ اسئلة جم في حاجات انا حرفيا مقريتهاش و بين السطور، و حرفيا انا متأكد مليون في المية ان انا اكتر واحد مذاكر في صحابي عشان كلهم اصلا بدأو يذاكرو قبل الامتحان ب كام يوم و انا بذاكر من اول السنه، ليه يحصل فيا كده، ليه اكون انا اكتر واحد باذل مجهود و كلهم يجيبو أعلى مني، الموضوع مزعلني، هو اه الحمدلله على كل شئ بس انا من ساعة ما دخلت الكلية و انا مش متوفق في الدراجات خالص، و بجد حرام حوالي ٣ درجات من حاجات موجودة في الكتب بس عيني مجاتش عليها، ليه كده يارب، ده انا حتى دعيت كتير اوي اوي اوي.

الحمدلله على كل شئ

يجدعان محتاج اي مكان أو اي صفحة حد جربها عندهم perfumes كويسة و بتثبت و سعرها ميكونش مبالغ فيه.

استخدمت eye contour بتاع dermactive و مجابش نتيجة، حد عنده بدايل احسن؟

لسه من شوية و كانت الساعة ٩ بليل و كنت ماشي في الشارع راجع من برا، المهم شوفت بنت كانت ماشية عادي قدامي، المهم جيه تروسيكل من وراها و و مشي جنبها و كانو قدامي ب حبة، انا مسمعتش اي حاجه اتقالت بس تقريبا متأكد ب نسبة ٩٩٪ أن التروسيكل ده دايقها و كانو اتنين راكبين، المهم قبل اصلا ما افكر اعمل اي حاجه لقيتهم مشيو، انا بجد مضايق فشخ أنهم مكانوش جمبي أو اني اقرب منهم، و مضايق اني شوفت كده قدامي و مقدرتش و ملحقتش اعمل حاجه، هي اه البنت لبسها و شكلها كان ملفت اوي بس ده مش مهم اصلا و مش مبرر للأشكال الوسخة ال زي كده أنها تعمل كده، بجد محموء فشخ و مضايق من نفسي.

جالي دور برد و مستسلمتش و نزلت الجيم و كمان ذاكرت ال عليا

بحب نفسي لما اكون productive

So I discovered that I actually suck at hand independence, I do some practices here and there but it would be great to start learning a good song ( that sounds good ) and also would be great to make me learn hand independence.

مش عارف أقرر إذا كنت عايز امشي في طريق المعادلة الأمريكية من دلوقتي ( انا في تالتة) و ابدا فيه، و احاول امشي فيه لغاية اما ربنا يكرم و اسافر و كل ده، ولا افكني من الموضوع و استنى لما اتخرج و اعمل زمالة بريطانية و ادور على فرصة في الخليج مثلا، انا مش عارف اعمل ايه و خايف و قلقان من المستقبل، شغل الدكتور هنا في مصر معروف بالمرتبات القليلة، و خايف اضيع عمري في قرار غلط، و في نفس الوقت مش عايز اضيع الوقت ال عندي دلوقتي ده و معملش المعادلة الأمريكية، و حاسس اني لازم ابدا فيها عشان على الاقل اكون بعمل حاجة لمستقبلي

انتو رأيكو ايه؟ و هكون شاكر لو حد عرف يطمني ب اي حاجه، انا بجد بييجي عليا فترات بكون مرعوب و محتار من المستقبل مش عارف ليه.

Discipline > motivation

انت مش محتاج تحفيز عشان تقوم و تعمل الحاجة ال عايز تنجزها

قوم و أسعى و اتعب و حاول لو بجد عايز توصل، حتى لو انت في القاع، فوق لنفسك و متخليش اي حاجه تحسسك انك متقدرش تعمل الحاجة دي، صدقني وجع السعي حلو اوي، هتحس ب قيمة نفسك، و هتكون مبسوط اصلا انك بتتعب عشان نفسك، و مش هتفضل كل شوية تستنى نتيجة، و لما اخيرا توصل للهدف، هتلاقيه جيه كده و انت مش واخد بالك و هيكون ال cherry on top

قوم و أسعى و حاول و متخليش اي حاجه في الدنيا دي تحبطك عشان والله ما في حاجه مستاهلة.

حاجه تقرف، ليه في دائما احتياج للحب و الحنان كده؟ الحوار بيوصل بيا اني بعوز اتكلم مع أي حد مهما كان عشان بس اقدر انسى و لو لشوية وقت، بجد تعبت

قولي و هسمعك و هحاول اساعدك، زهقت من الوحدة ال انا فيها و عايز اتكلم مع أي حد

بحس اني لسه ممرتش ب التجربة ال تجيبلي تروما و تعملي character development و تخليني اركز في نفسي و في حياتي اكتر و تخليني احرس بعد كده من الناس ال هتخش حياتي

كواحد عمره ما مر بالتجربة دي او بالعلاقة دي بحس اني لازم امر بيها عشان يحصل تغير كبير في شخصيتي أو في تعاملي مع الناس عموما

عموما هو كده كده انا الدنيا ماشية كويس و مش محتاج حد يخشلي يدمرلي حياتي و يجيبلي اكتئاب و بتاع عشان انجز في حياتي أو ابدا اتحسن، بس حاسس انها جاية قريب

يعني يا جدع ولا لذة الدنيا ولا رحمة الآخرة ربنا يهديهم

حاليا بحاول انزل دهون و أحافظ ع العضلات، بنيت نسبة عضلات مش وحشة، حوالي ٤٣ كيلو و انا ١٠٢ كيلو توتال دلوقتي، المهم انا بشوف تطور بس بسيط شوية، ازاي اسرع التطور؟ و كمان هيبقى فيه مشكلة لو كذا يوم مش بقدر اكمل احتياجي من البروتين كله، بس محافظ على العجز في السعرات و ال high intensity training, و الحمدلله اوزاني شبه ثابتة أو مش بأقل خالص، ده معناه برضو أني مش بخسر عضل صح؟

ازاي في ناس مش بتحب البنت او الشخص ال معاه يكون clingy أو يكون عايز يتكلم معاه طول الوقت؟ دي احلى حاجه في الحياه ان الشخص ال انت بتحبه يكون دائما محتاجك و حتى لو هيزن عليك، انت المفروض تقدر النعمة دي

يارب ارزق

بتكون حاجه حلوه لما يكون عندك حد بتكلمو بشكل شبه يومي و بشكل متواصل، تحكيلو و يحكيلك و تفضفضو لبعض و كده، بالذات لو انتو الاتنين شبه بعض و بينكو حاجات مشتركة الكلام بيبقى حلو اوي

و طبعا اكيد احسن لو من الجنس الآخر عشان الجفاف العاطفي بينهش في الواحد

عموما لو حد محتاج يتكلم في أي حاجه أو يحكي أو يفضفض انا موجود و ممكن الموضوع يكون بشكل يومي كمان عشان الواحد بقى وحيد في حياته بزيادة

اي حد عايز يتكلم أو يحكي في أي حاجه انا مستمع كويس و هحاول اساعد، و بالمرة انسى الوحدة و الجفاف ال عندي

مهما انشغل و الدنيا تاخدني، و احاول املا فراغي طول اليوم، بتفضل برضو الساعة ال قبل ما انام فيها كمية تفكير و وحدة غير طبيعية، ليه انا لوحدي؟ هفضل لوحدي كتير كده لغاية قد ايه ؟ ليه معنديش حد في حياتي يسمعني؟ ليه ببص ل غيري و بتمنى اكون زيهم في حاجات هي اصلا غلط؟ ليه الاحتياج ل حاجة مش كويسة دائما مش راضي يفارق بالي؟ ليه عندي كمية مشاعر مش طبيعية و ليه لو جيه اي حد ممكن ياخدها مني؟ و ليه انا مش قادر ابطل تفكير و تقريبا عمري ما هقدر ابطل تفكير في الوحدة حتى لو حواليا ناس.

لو انت او انتي من الناس ال بتكتم جواها عشان مفيش حد في حياتها او عشان مفيش حد بيسمعك ف انا مستعد اسمع اي حد في أي حاجه هو عايز يقولها، متقلقوش انا مستمع كويس و هحاول اساعد ب قدر الإمكان و ممكن نبقى صحاب على المدى الطويل كمان

ال كنت بتابع معاه و بنذاكر مع بعض عملي جوست ف ال عايز حد يتابع معاه و نشجع بعض و بتاع يبعتلي، انا هشد جامد الفترة الجاية أن شاء الله

اي حد في كلية علمية هيكون قشطا، انا في بشري