u/Ok_Inspector8556

اي الحاجة اللي انفرجت عليها وفرجت همك وكربك يا ريت تشارك بيها حد يستفاد ...لو حاجة دينية يبقي كويس اوي

انا انسانة بطبعي بحب الناس بس قليل اوي اللي بقرب منهم وبيبقوا صحابي بجد ولما تكون صحبتي هي ملاذي الوحيد في الحياة من همومها وتعمل حاجة تضايقني أو تقلل مني في يوم من الايام دا بيخليني مش عارفة اروح فين ولا اشتكي لمين غير للي خلقني .

انا خجولة بطبعي مش بتعامل مع الناس اصلا ومش عندي معارف وأصدقاء اد كدا بس اتعرفت علي صاحبة ليا في الجامعة ودي خلاص بقت اعز حد عندي لدرجة اني بعزها عن نفسي وبعمل اي حاجة ترضاها بس هي بتعمل حركات كدا بتضايقني يعني مثلا احيانا بتتجاهلني في الكلام أو تقلل من كلامي وتقلل من اهتماماتي وانا عندي اهتماماتي دي اعز علي من أن شخص يقلل منها بس بسكت واعدي عادي ....حاجة كمان دشملت مشاعري حرفيا أنها بتتجاهلني لما نكون في الجامعة بلا سبب واضح يعني كأنها وبالحرف كدا بتستعر مني اكمني عندي رهاب اجتماعي ومش بتعامل مع حد بسهولة ودا اللي حسيته من طريقتها.... وهي عندها اي شخص مختلف في التفكير دا كارثة والقاء الأحكام علي الناس عنها زي سلامو عليكو وحرفيا مش عارفة لحد الان هي ليه بتعمل معايا كدا الموضوع دا بالذات آذاني نفسيا جدا لدرجة أن سنوات الجامعة دي كانت تقيلة علي قلبي بشكل مش طبيعي وهي عارفة اني مش بقرب من حد خصوصا الناس اللي في قسمنا عشان ناس ما يتعاشروش وكل اللي في الكلية عارف كدا اهو حظ بقا الحمدلله ...ومع ذلك عارفة اني مليش حد وبتعمل الحركات دي وبرا الجامعة احنا حبايب وسمنه علي عسل.

اللي مخليني مكملة معاها أنها فيها خصلة الوفاء جدا عمرها ما تسبني لو احتجت حاجة هي للأمانة دا من طبعها مع كل الناس وأنها صاحب صحبه جدا ومش بلاقي دا في ناس كتير.

الشاهد اني مقدرش ابعد عنها من الجمايل اللي عملتها معايا وهي من نوعية البشر اللي يشيل الناس جمايل كتير ويقوم بالواجب معاهم بزيادة عشان يشيلهم وقت عوزة مش اكتر وهي بتلعب علي الحته دي جدا معايا.

انا مش عارفة هل دي حساسية زيادة مني ولا اي لكن تعبت نفسيا وعاوزة حل ...هل الحل في البعد عن البني آدمين خالص والتوجه لله تعالي ولو دا الحل اعمله ازاي لأني مش قريبة لربنا بشكل كفاية انا بصلي الحمدلله وساعات كمان قيام الليل ومشوفتش استجابة له لأي من الدعوات علي الوحدة الفظيعة اللي انا فيها مش عاوزة ابقي وحيدة لاني بحب الناس حقيقي بس ومقدرش اعيش بدون التعلق بهم عاطفيا

اعمل اي ؟!

أجد صعوبة شديدة في قراءة المقدمة لابن خلدون حتي اني لم افهم شيئا من الصفحات الأولي وتركته لأجل غير مسمى وأحاول أن أكمل قراءته بعد رواية المقامر لكن لا اجد الحافز

هل من حافز يشجعني علي قراءة الكتاب ....حمسوني !