جماعة في حد هنا زيي دايماً بردان وأطرافه (ايديه ورجليه) ساقعين طول الوقت؟!

أنا ببرد بسرعة جداً حتى لو الجو عادي بالنسبة لكل اللي حواليا لدرجة ب البس جاكت وشرابات وجوانتي زي اللي في الصورة (مع ان مش شتا اصلا) وفي نفس الوقت إيديا ورجليا بيعرقوا بسهولة حتى لو الجو مش حر!

حرفيا مفيش مرة حد مسك ايدي الا وقالي ايدك ساقعه كده ليه حتى اتحطيت في موقف اهبل بسبب الحوار ده في فترة الكورونا 😭 المهم عملت تحليل دم وطلع معنديش فقر دم زي ما توقعت بس عندي نقص فيتامين د وبقالي فترة باخده وطبعاً أكلي مش صحي أوي (مش باكل فاكهة خالص والخضار باكله في المناسبات) 👽

لو حد مر بنفس حالتي وراح كشف أو عمل تحاليل تانية غير فقر الدم طلع معاكم إيه؟ أو إيه السبب؟ لان مش طبيعي الوضع اللي انا فيه ده ويتقالي مفيش حاجة 😑

I know Kal Penn had to leave the show because he got a job at the White House, so the writers needed a quick way to write his character out. But the way they did it was just terrible.

​Kutner was the most spontaneous, lighthearted, and funny character on the team. He brought a great energy that broke up the serious, complex atmosphere of the show with his goofy actions and jokes. Making him end his own life felt completely out of character and rushed.

Do you think if Kutner had stayed on the show, his presence would have changed a lot of the major events that happened later?

His death shocked me, and I still haven't gotten over it 😭 💔

عايزة أناقش معاكم ظاهرة نفسية غريبة وهي متلازمة "أنا اقدر اصلحه" (I can fix him/her)

​في نوع من البشر بكامل إرادته بيجري ورا العلاقات المرهقة ينجذب لشخص شخصيته معقدة وعنده عقد نفسية أو شخص ظروفه صعبة جداً ومستحيلة أو حتى شخص مريض بمرض خطير والنهاية باينة من الأول ويدخل في علاقة جادة ويحارب عشان "يصلحه" أو "ينقذه" ولما العلاقة تبوظ أو تحصل النهاية المتوقعة، يزعل ويكتئب!

​الظاهرة دي موجودة في الدراما زي مثلاً شخصية "دكتورة كاميرون" في مسلسل House:

للي شاف المسلسل "كاميرون" اتجوزت شخص مريض جداً وهي عارفة إنه هيموت وبعد ما اتوفى فضلت فترة زعلانه وبعدها حبت "هاوس" بكل عقده النفسية الصعبة عشان تغيره وفشلت الصدمة بقى فين؟ لما دخلت في علاقة صحية ومستقرة مع "تشايس" (شخص سوي ومعندوش مشاكل) خافت من القرب وبوظت الجوازة وهربت!

​الحقيقة اللي مش بناخد بالنا منها إن الشخص اللي بيلعب دور "المنقذ" ده هو اللي عنده المشكلة الحقيقية!

​هو غالباً بيهرب من مواجهة مشاكله وعيوبه بالتركيز على مشاكل غيره

​بيستمد قيمته وثقته في نفسه من دور "البطل" اللي بيضحي والناس بتصقف له

​بيخاف من العلاقات السوية المستقرة لأنها بتجبره يواجه نفسه ومفيهاش "دراما" يستخبى وراها

​شاركوني رأيكم هل شفتوا النمط ده في الواقع حواليكم؟

وللناس اللي شافت مسلسل House ايه رأيكم في تحليل شخصية "كاميرون"؟ تفتكروا لو "هاوس"كان اتجاوب مع كاميرون ودخل معاها في علاقة حقيقية هل كانت هتكتفي وتتغير؟ ولا أول ما تلاقيه بقى شخص طبيعي وسوي معاها كانت هتزهق وتبوظ العلاقة وتهرب زي ما عملت مع تشايس؟

​

عايزة أشارككم فكرة بشوف إنها بتأذي بنات كتير

المجتمع والإعلانات أقنعونا إن فيه شكل جسم واحد هو "المثالي"وإن أي بنت مختلفة عنه لازم تتغير عشان تبقى جميلة ومع الوقت اتحولت الفكرة دي لتجارة بتكسب مليارات

لدرجة إن بعض البنات بيوصلوا إنهم يتبعوا أنظمة قاسية جدًا أو يصوموا لفترات طويلة أو يسيئوا استخدام أدوية زي الأوزيمبك بدون احتياج طبي أو يمارسوا الرياضة بشكل مفرط ومؤذي وكل ده عشان يقربوا من قالب قال لهم المجتمع إنه "المثالي"

الغالبية العظمى من الشركات مش بتبيع مجرد منتج أو خدمة هي بتبيع شعور بالثقة بالنفس والإحساس بالقبول والفكرة هنا انهم بيقنعوكي إن فيكي عيب وبعدها يبيعوا لك الحل زي اللي بيخلق مشكلة مش موجودة اصلا عشان يقدم لك حلها بمقابل

والحقيقة؟ معايير الجمال بتتغير باستمرار اللي كان يعتبر جسم مثالي من عشر سنين بقى مختلف النهارده وممكن بعد كام سنة يتغير تاني فليه نزهق نفسنا ونكره أجسامنا عشان معيار بيتغير كل فترة؟

اهتمي بصحتك لو حبيتي تغيري من جسمك لكن متخليش المجتمع أو الإعلانات يقنعوكي إن قيمتك مرتبطة بشكل معين الأجسام بطبيعتها مختلفة ومفيش شكل واحد هو الصح أو الأجمل

متسمحيش لحد يبيع لك ثقتك في نفسك

تنويه:ده مش معناه اني بنتقد او بقلل من اي بنت غيرت او عايزة تغير في جسمها

For me, I believe that a person who tries to keep their distance from everyone doesn't do it because they hate people, but because they are afraid of getting hurt the closer they get, the more pain they experience.

أنا لما غفران قتلت نديم بعد حب تسع سنييييين قعدت اعييييط 😭

يعني الهبله الغبية دي لا انقذت نديم ولا حافظت على شغلها هي بس قررت تخسر كل حاجة مرة واحدة واللي غاظني اكتر انها محستش ان ده غلط وهي ندمانة غير بعد ما قتلته 💔😭

فضلت مصدومة وقفلت الكتاب عشان استوعب اللي شفته وكملت بعدها لآخر الكتاب عأساس يطلع عايش في الآخر لكن محصلش عشان كده قلت والله ما مكمله وسبت الجزء التاني والتالت

رواية قواعد جارتين للكاتب عمرو عبد الحميد ارشحها لاي حد عايز جرعة نكد عالية 🙂

اكتر صفحة بحبها عشان ال ستايل بتاعها مختلف وبتدي فايب حلو وعشوائي كده عملتها بالتعاون مع صحبتي في المدرسة ✨

ايه رأيكوا في شخصية تي باغ؟

انا بعتبره صرصار مش شتيمه بس لان حرفيا مش بيموت كنت متوقعة يختفي من اول او تاني موسم بس هو كمل حبة حلوين وصح مكنتش بطيقه خالص في الاول بسبب انه حد زباله و واطي وحقير واسباب تانيه كتير بس لما عرفت عن طفولته وماضية صعب عليا بس ده مينفيش ان اللي عمله غلط او له مبرر

موضوع انه الشخص في مرحلة ما من مراحل حياته ايا كان عمره بقى يتعرف لحد يبقوا مقربين من بعض جدا لدرجة عارفين كل حاجة عن بعض كل صغيرة وكبيرة الفضايح والاسرار وواثقين في بعض ثقة عمياء وطول الوقت سوا خارجين داخلين واكلين شاربين سوا لدرجة انه عيلة ده بتعرف ده وعيلة ده بتعرف ده ومعتبرينه فرد من العيله والناس لو شافوا ده لوحده يسألوه عن صاحبه ولو اتقال اسم ده بيتجاب سيرة التاني على طول الكلام ده مش قادرة أصدق ان الكلام ده بجد

طول عمري وانا بسمع البنات حواليا بيتكلموا عن البست وازاي بيثقوا بعض وبلا بلا بلا إلى آخره وكنت استغرب انه ليه انا كمان معنديش بست فرند زيهم واقول يمكن اقابلها بعدين يمكن مش دلوقتي لحد ما كبرت ووصلت ل ان مفيش حاجة بجد اسمها كده اصل يعني اثق في حد بالمنظر ده واعرفه كل حياتي عادي كده

بعشق الرياكشنات وبحب الناس اللي بتعبر عن نفسها برياكشنات 😭

بيكون عندهم ذوق في اختيار ال رياكشن المناسب للموقف المناسب

وبحس دايما انه الرياكشن معبر اكتر من الكلام لو اخترت الرياكشن الصح للموقف الصح✨

وبما إني بعشق الرياكشنات، يلا نعمل فعالية. 😭

كل واحد يكتب موقف أو جملة، وكلنا نحاول نرد عليها بأنسب رياكشن ممكن.

نشوف مين هيختار أكتر رياكشن معبر للموقف. 👀

هبدأ أنا:

صحبتي بعتتلي: الحقيني... أنا في مصيبة وحطيت اسمك فيها

عشان أنا عن نفسي مؤمنة بيه بس بعيدا عن العلاقات الرومانسية يعني شايقة انه في حب حقيقي بين الام وابنها او بنتها او بين اتنين اخوات او حتى اتنين صحاب او اتنين صحبات الحب اللي بتكلم عنه هو الحب البريء النقي انك تكون بتحب الشخص اللي قدامك وعايزه دايما يكون مبسوط ومعندكش مشكله تتنازل او تضحي علشانه بس اللي انا اقصده في تاسؤال هل فعلا ممكن الحب ده يكون موجود بين اتنين بينهن علاقة عاطفية ويكون حب من الطرفين؟ انا مثلا مش متخيلة اني حب حد بالمنظر ده ولا متخيلة برده انه ممكن حد يحبني للدرجة دي