بغض النظر عن الميول، شرايكم بمستقبل التخصص؟ وكيف بيئة العمل فيه؟ وهل في طريقة ادخلها غير اني اقدم عليها بشكل مباشر من قبول؟ لان بس فيه تقديمين على هندسة البرمجيات لكن يمديني اقدم على السنة الاولى المشتركة حقت الهندسة او التأسيسية ومدري وش ذي بس ممكن لها علاقة، فا هل لها علاقة؟
اعرف انه بمنصة قبول لازم نؤكد القبول بالجامعة الي نبيها بس بخصوص كلية الملك فهد الامنية وجامعة الملك فهد هل لازم نفس الشيء؟ ولا اول ما اقدم وانقبل يكون قبول نهائي؟
ناوي ادخل علوم اكتوارية ومحتار بين الجامعتين وما اعرف عنهم الا انه سكن الملك فهد افضل وان تقييمها عالميًا افضل، فا وش تشوفون؟
وطبعًا انا بقدم على الملك فهد مسار الالحاقي ويقولون المسار ذا صعب القبول فيه بس نقول ان شاء الله
الاسئلة الخمسة بنموذج التقديم، هل اجابتي فيها تؤثر على المفاضلة بيني وبين غيري؟ واذا لا فا ليش حاطينها؟ واذا ايه فا وش الاجابة الي هم يبغون يسمعونها؟ اجابة نموذجية مثلًا او متميزة او وش بالضبط؟
درجات التحصيلي كنت متوقع انها تنزل ببداية العشرين من ذا الشهر، بس تأخرت شوي وكل يوم يمر وما تنزل او تتكلم قياس عنها احس حماس وبنفس الوقت رغبة اكبر اني اعرف الدرجة، بس ما اشوف احد يتكلم عن الدرجة او اي شيء، انتم مثلي ولا بس انا كذا؟
كيف اسجل فيه؟ ومتى ينزل القبول؟ وبرضو اذا عندكم اي معلومة اتمنى ما تبخلون علي فيها لاني مره صفر بالموضوع وما اعرف ولا شيء بخصوصه
في حاجة بتأكد منها، اكيد الدرجة بتنزل قبل يوم 3 شهر 7 صح؟ لان وقتها بتكون المفاضلة فا اظن من المنطقي اننا نعرف درجتنا قبل ما تبدأ مرحلة المفاضلة
من ناحية الدرجة ما اظن راح يؤثر كثير بس الي يهمني هو درجة الرسوب، ناسي بس اذكر لو اجيب تحت 60 راح ارسب ولا؟
Edit: اشوا عدلها حطلي 100
توني شفت خبر عند منارة مكتوب ان جامعة الملك فهد تعلن عن مواعيد التسجيل في مسار القبول الالحاقي، وش ذا المسار؟
وبرضو هل ارامكو عندها برامج مفتوحة للتقديم حاليًا؟
كنت مو ناوي اروح الحفلة لاني مو متوقع ان المدرسة بتعطيها حقها، بعدها قلت بروح بس ما بلبس بشت، بعدها قررت البس بشت
وفي افكار ثانية كثير قاعده تتغير رغم اني كنت مقتنع فيها لسنوات لكن بسبب قلة تجاربي فا ما راجعت الافكار ذي
السبب الي غير ذي الافكار فيني هو اني كلمت كم شخص اثق بكلامهم وكلامهم كان جدًا مقنع وغير منظوري لكثير اشياء بخصوص الحفل والاحداث الي ممكن تصير فيه
كمية الافكار الي عندي وودي اتعمق فيها مو طبيعية واحس في فوضى بعقلي، مره مره افكار كثير لدرجة احس لو اقعد ساعات افكر فيها ما بتخلص
اعرف اني افكر كثير مره بس احب الموضوع، احب افكر واحلل واحصل سبب لكل شيء واثبت كل شيء بالمنطق عشان بالنهاية اتخذ افضل قرار ممكن
جامعة الملك سعود ما فيها تقديم على تخصص العلوم الاكتوارية للمتميزين اكاديميًا؟
احسني سمعت فيها بس ما اذكر وين
الفضول ذابحني مو قادر انتظر حتى تنزل الدرجة
انا طالب ثالث ثنوي وتوني سمعت ان الجامعات تعطي اولوية للطالب الي من نفس مدينة الجامعة، يعني مثلًا لو في طالب من مدينة الرياض فا راح يكون له اولوية بجامعات الرياض على طلاب المدن الثانية، فا هذا معناته انه صعب ادخل جامعة خارج مدينتي؟
انا درجاتي كويسة وكل شيء تمام بس اخاف ان ذا الشيء يمنعني من القبول او يقلل فرصتي
صح ان السؤال ممكن يكون تجريبي لكنه محيرني وغير كذا ودي اضمنه لو جاني بالفترة الثانية
المهم ان الموضوع انه بالفترة الاولى حقت التحصيلي جاني سؤال رياضيات بالقسم الاول عجزت احله ولمن بحثت وسألت الذكاء الاصطناعي ما حصلت اجابة وسؤال واحد من اصحابي وما عرف يحله
السؤال كذا:
If f(x)=3x, what is the inverse function of [f(x)]
بس طبعًا السؤال مو بالانقليزي، المهم الخيارات كذا:
• 3x
• -3x
• x
• -x
الي انا اعرفه ان لو نبي نجيب الدالة العكسية نحول الضرب لقسمة بس مافي ولا خيار فيه قسمة، وبرضو gemeni يقول ان مافي دالة عكسية للدالة الدرجية
في طريقة ما جات فبالي بسبب قلة الوقت وهي اني اجرب اجيب تحصيلهم الاثنين ولو طلع الناتج في الاثنين هو x معناته كل وحدة دالة عكسية للثانية، بس مدري لو يضبط او لا بصراحة
في حاجة نسيت اقولها، ما حصلت السؤال بالتسريبات وما فحالي ادوره بنماذج اينشتاين لان ما خلصت الا نصها
ضيعت وقت بغشام عالفاضي وبعدين دريت ان اينشتاين ويلو اشمل منه، والي يقهر ان فيه خمسة او ستة اسئلة مو موجودة لا بغشام ولا بالتأسيس، المهم الاختبار سهل وشدو حيلكم وذاكروا اينشتاين وغشام غيرهم لا، واي استفسار انا موجود
والي اختبروا الخميس مثلي علموني وش صار معاكم؟
طبعًا انا ما اعرف عن الايبادات الا مصطلح " ايباد " نفسه، فا عطونا نصايحكم
توني مختبر وما عندي فكرة متى ممكن تنزل الدرجة
اول شيء والي خلاني انقص ثلاث اسئلة، اللسننق المقطع حقه مقسم جزئين، الجزء الاول يقرألك التعليمات الي تنكتب يسار الشاشة ( يسار الشاشة تعليمات ويمين الشاشة اسئلة ) وبعدين يسكت كم ثانية بعدها يبدأ المقطع، انا كنت احسب لازم اضغط next عشان اروح للمقطع الاساسي واقدر احل الاسئلة وضغطت next وراحت علي الثلاثة اسئلة ذي، فا انتبه ان المقطع واحد لكنه مقسم جزئين، ثاني شيء ترى مافي قسم مراجعة باللسننق لانك بتسمع المقطع مره وحده وخلاص، آخر سؤال تحله باللسننق وتضغط next ترى خلاص معد بترجع لاي سؤال بقسم اللسننق، ثاني شيء فيه اسئلة كريهة بالريدنق حاول تركز عليها بالتجميعات او حاولت تفكر بطريقة تحلها بسرعة بالاختبار، الاسئلة ذي عبارة عن يقلك which phrase is an opinion؟ وانا جاتني ذي الاسئلة بآخر عشر اسئلة من الريدنق وجاتني مع قطع طويلة حيل يعني عشر فقرات او ٩، فا ذي الاسئلة مره غثيثة واخذت مني وقت وانا ما ذاكرت تجميعات كفاية بحيث امر عليها او اصادف ذا النوع من الاسئلة لان مستواي B2 وكنت واثق بزيادة وانه سهل ومدري وش، آخر شيء بقوله ان القرامر بصراحة طلع اسهل قسم عكس الي توقعته، لو انت متوعد على اللهجة الاجنبية وطريقة كلامهم وكذا فا القرامر ما بيكون مشكلة كبيرة، وواحد قال ان اسئلة ال word order, capitalization, punctuation تتكرر ويجي منها بالقرامر عدد مو بقليل، اخيرًا لو برتب الاقسام من حيث الاكثر صعوبة فا اولًا ريدنق ثانيًا لسننق ثالثًا قرامر، برضو حاول تمارس او تسمع كثير عشان تتعود على اللغة لان التعود بيفرق معاك مره، وبالتوفيق ان شاء الله للجميع
تبون اعلمكم الدرجة وقت تنزل؟ ما عندي فكرة كم ممكن اجيب
باقي حول اسبوع للاختبار، وش شعوركم؟
بالنسبة لي طفشت ابي اختبر بسرعة وافتك، والي يقهر زيادة ان بين المحاولتين فيه 20 يوم تقريبًا