اخوان اني دفعة 27 واريد اقدم انتساب, تسألوني ليش اكللكم مدرستي فد مره تعبانه ولعبان نفس (من ناحية الطلاب) والمدرسين مو حيل سيئين لكن هم مايكملون منهج واني الطلاب ذوله ما اتحملهم ولا اطيقهم يعني هيج توصل وياي مرحله كل يوم متعارك لهذا شتكولون اقدم انتساب لو لا؟ المشكله الكل يكول الانتساب يخليك ترسب ومتلتزم ومدري شنو واني اقرا وحدي على اليوتيوب
اخوان اريد مدرس عربي مضبوط + مع العلم عندي ملزمة عقيل عادي ادرس على ملزمته وشرح مدرس ثاني لو ميصير؟
اخوان السنه الجايه ادخل جامعه ومدري شسوي, ياتخصص ادخل شراح اسوي خلال الجامعه شنو المهارات الي لازم اتعلمها شسوي ماعرف! انوب اني اريد استقل واخلص من اهلي ومداعرف شلون احقق هذا الشي
اكو هنا احد مر بهيج تجربة وهل ندمت او لا؟
اخوان البرمجيات بمختلف فروعها بيها شغل بالعراق؟ اني ماعندي مشكله اتعلم واتطور اساسا اني حاب المجال من زمان واميل اله بس سؤالي يعني انتوا محصلين شغل بالعراق لو الموضوع مضيعة وقت؟
حياتي مليانه طن مشاكل ولعبان نفس وبشر حتى حرامات اسميهم بشر ونفسيتي تعبت وصرت طول الوكت مكتئب وبارد وحتى صرت ما اتونس بالاشياء الي احبها! يعني اشوف افلام مسلسلات اروح اطلع كلهن هيج مداتونس بيهن وهسه اني سادس 2027 خلصت الفصل الاول من كل المواد تقريبا وهسه اريد اقرا مداكدر حرفيا عقلي مو يم الدراسه ابد!
هل كل شخص يكدر يخلي صوته حلو بالتدريب لو صوتي راح يضل تعبان؟ صوتي شوي خشن 😃
اخوان اني احس نفسي حاب مجال البرمجيات واني اساسا ما احب باقي المجالات غير التقنية واشوف البرمجيات والكلاود والشبكات وهالامور تناسبني اكثر, بس المشكلة هي هواي داسمع من ناس داخلين للمجال يشكون من السوق وانو فرص ضعيفه حيل وهذا غير عن الذكاء الاصطناعي وتأثيره, الناس المتخصصين شنو نصيحتكم وشنو واقع سوق العمل؟
اخوان طاح حظي واني اريد اختار تخصص! تفكر تروح طب يكلك تعيين ماكو تروح هندسة يكلك قطاع خاص سيء وواسطات تروح برمجيات وتقنية يكلك لو الذكاء الاصطناعي ياخذ مكانك لو سوقها بالعراق سيء! WTF! من الاخير كولوا بطل احسن