u/Shine478

طول عمري كان عندي وزن زايد. اذكر يوم كان عمري ١٢ سنه طلعت عالميزان وكان وزني 60 كيلو…ماكانت متينه مره مثل الاطفال الان ولكن كان شكلي بداية سمنة مفرطة. اليوم عمري 41 سنة ووزني 115 kg … المشكله عندي هرمونات. وفوق هذا كله اضرب ابر هرمونات زيادة. اخذ مونجارو من ثلاث سنوات واعلى جرعة واخذ حبوب منع الحمل (سنقل) لتنظيم الهرمونات وحط على هذول كلهم الكورتزول دايم عالي والنوم ملخبط مااقدر انام واذا نمت يكون نوم متقطع كل شوي اصحى. واذا صحيت خلاص اصحى وانا دايخه فيني نوم. ونوم قليل وباقي الوقت فالسرير منسدحه ومعاي الجوال. حتى وصلت مرحلة اتعيجز افتح اللاب توب اشوف فلم. مع اني قاعده بالسرير. الويك اند اطلع غصب واقابل اصدقائي وايام الاسبوع اطلع برضه ايام كثير اخلص اشغال. عندي حيوانات اليفه اعتني فيهم بشكل يومي. اكلي والله قليل بس صارت تجيني ايام ابي اكل حلى. ماادري وش فايدة المونجارو…
مااحب حد ينصحني لان محد فاهم وضعي. اكره حد يقولي روحي النادي ولا يراقب اكلي! ياجماعه اتركوني بحالي! اللي فيني مكفيني! ماابي نصايح…واصلا ماعاد اشتكي قدام حد من وزني. لاني اعرف الناس على طول تحب تتدخل وتسيطر. التدخل هذا يزود القلق عندي ويضايقني…
عشان كذا جيت ريديت عشان اتكلم براحتي محد رح ينصح…ياجماعه والله النصايح ماعمرها فادتني ولا عمرها رح تفيدني. مشكلتي نفسية لاني طولت وانا بنفس وضعي…صارت التغيير صعب صعب…لا وازيدكم معلومه مع ان يمكن مالها فايده. صرت احب اروح لاونجات الويك اند عشان ادخن. طول الاسبوع ترا ماادخن ولا شي بس الويك اند. يعني يومين بالاسبوع. واعتبره كثير…بس صار الدخان يهديني ويشتتني خصوصا بالسوالف مع اصدقائي…اصير اقدر اسولف كويس واحس شوي بارتياح….

واضيفوا على هذا كله فيتاميناتي نازله. ونقص الفيتامينات يسبب كسل وضعف فالطاقه وبرضه يمنع الوزن ينزل…
مب موظفه مع اني كفاءه عالية وماقدمت على وظيفه بسبب وزني. ترا الوزن متعب احس اني مااقدر اداوم خمس ايام بالاسبوع. مااقدر اجلس على كرسي ثمان ساعات باليوم. قبل كم سنه يوم كنت موظفه كان وزني 95kg وكنت اقدر البس كعب واقدر اشتغل. ومع هذا نهاية اليوم كنت اموت من رجولي. توجع بسبب الوزن. فا مابالكم الان ووزني اعلى!

على فكره اذا سافرت وكان فيه مشي يومي، ارجع الاوتيل بالليل اموت من رجولي. توجعني من الحمل اللي شالته. لازم اسوي مساج لرجولي واحرك ومرات اذا ماقدرت اسوي مساج اصحى من النوم من قوة الالم واسوي مساج بنفسي عشان يخف واقدر انام. جسمي ثقيل :(

طولي 156 cm وصدقوني لو تسألوني عن التغذيه او الرياضه او اي شي صحي بقدر اكتب لكم كتاب. عندي معلومات يمكن اكثر من الرياضيين. اعرف المكملات واعرف التغذية واعرف الكيتو واعرف البروتين واعرف الصيام المتقطع والكارنفور وغيرهم وغيرهم وغيرهم. كل شي اعرفه وبالتفصيل…لكن احس اني عالقه ومب قادره اسوي شي يوم الموضوع يخص وزني…

اخر مره اشتركت بنادي يمكن قبل اكثر من خمس سنوات…ولا استفدت…كنت امشي قبل سنتين وثلاث في عز الحر فالعصر في اغسطس لكن بعدها يوم اللي كان يمشي معاي بطل، بطلت اروح. مااقدر امشي لوحدي..انا افكر كثير overthinking

برضه شغله زياده…مريت بفترات غير جيده في حياتي بسبب الوزن وكنت اسوي اشياء غلط بسبب وزني ولكن تعلمت بعدها وتركت هالاشياء. كنت احرم نفسي من الملابس واشياء كثير كعقاب لي عشان كنت مفكره اني بهالطريقه رح اجبر نفسي انحف. لكن سوت اثر عكسي ودخلتني بنفسيه سيئه. بعدين عرفت ان هالطريقه غلط وصرت مااسويها وبعدها تحسنت نفسيتي…على فكره مع كل البلاوي اللي اخذها انا مااني عصبيه او مزاجية…دايم مسيطره على نفسي…اشوف البنات غيري يقولون دايم (مالنا خلق). انا ماعندي هالجمله. بالعكس اطلع واروح واجي واقابل قروبات من الاصدقاء فالويك اند. بس يوم اشوف نفسي بتصوير او بالمرايه اقول هذي مين؟ شكلي مب زين…بشع…
ومرات اشوف وجهي جميل خصوصا اذا حطيت ميك اب واقول كيف هالوجه مع هالوزن…حرام

انا ماابي نصيحه ولا كتبت هالكلام ادور نصيحه…ماادري وش ابي…يمكن ابي ناس اتكلم معها…ماادري

وعلى فكره جربت اسوي جلسات علاج نفسي لعلاج التسويف (لان عندي تسويف حاد) دايم اقول بسوي هالشغله لكن بكره او الاسبوع الجاي او بعدما تصير الشغله الفلانيه…والايام تمشي وماانجزت اي شي…المهم اني ماكملت الجلسات والصدق مااشوف اني استفدت اي شي. انا مشكلتي اعرفها..مشكلتي وزني ساجني. انا مسجونه داخل هالجسم. مااقدر اتحرك براحتي…مااقدر اركض واروح مع اصدقائي العب بادل واركب سيكل. اصلا ماعندي طاقه حتى…طاقتي المتوفره احاول اقتصد فيها عشان ماتخلص واتعب….

اتمنى اللي يقرأ هذي البوست يتفهم حالتي واني مااقدر اروح النادي بكره او اشتغل على مشكلتي…ياما سويت اشياء كثير ونهايتها الاحباط. مع تكرار الاحباط راحت العزيمة وصابني البرود والتجاهل…

هذي المرحلة اللي وصلت لها بعد تعدد المواقف السلبية مع اقاربي. اقاربي ماهم اسوأ ناس وفيهم جزء كبير كويسين ولكن تجربتي معهم ماهي افضل شي. لاحظت البرود القاتل فيهم مافيهم حياة ولا تفاعل ولا يسألون ولا يتواصلون. حتى اذا حاولت اعزمهم في مطعم او كافيه يجيبون لي مية عذر. احيانا يحضرون واحيانا يقولون مشغولين بنرد لك وينسون مايردون وانا ازهق من هذا التصرف وماعاد اتواصل معهم.

احيانا تجي مناسبات كبيره بين فتره وفتره واذا حضرت اناظر بالحضور…القى ان هذي تطلع مع اختي ومايقولون لي وقاطعتهم وهذي كان عندنا مريض فالعائله وماكلمتني وهذيك ماسويت لها اي شي ولكن يتجنبوني ومايبوني لاسباب غيره وحسد…وهذيك كنا صديقات مقربين وفجأه سحبت يوم استغنت…وهذيك دايم تحاول تسوي لي مشاكل مع اهلي..

الاغلب قطعت علاقتي فيهم بسبب عدم تواصلهم…حتى السناب كنت انزل سنابات ويناظرون ومحد يعلق. المجتمع ميت مافيه حياة ولا انا فيني شي؟ وليش المواقف هذي ماتصير معاي وانا متعرفه على اجانب. ليش بس التعوسيين اللي عندهم هالحركات…صراحة زهقت وطفشت واخر شي قررت اني اعتزلهم. هم يعيشون حياتهم وجمعاتهم بدوني وانا اعيش حياتي مع الاشخاص اللي اختارهم.
الحمدلله حياتي الاجتماعية كويسه ولكن دايم افكر انه ليش اقاربي بهالطريقه…الان اسمع انه فلان تعبان وما ازورهم ولا اكلمهم. مع ان شخصيتي جدا اجتماعيه واحب الناس ومااتركهم بوقت الشده. ولكن اللي مايعرف رقمي وقت الوناسه مااعرفه وقت الشده. مالي علاقه فيهم ولا بحياتهم…اللي يعيش يعيش واللي يمرض يمرض واللي يموت يموت مالي دخل…

جاهل ومتخلف تختلف عن مصطلح غبي. هم جاهلين ومتخلفين لاشك ولكن الغباء اللي فيهم حكاية لاتروى. مرات اقول لنفسي معقول هم اغبياء لهالدرجة ولا يمثلون؟ لان الغباء قوي جدا تشك انه كيف واصلين هالمرحلة…مااقدر اعطي امثلة لاني لازم اوقف التفكير حالا….شي عجيب ماعمري شفت نفس المستوى فالعالم كله. الIQ فالحضيض

في جميع انحاء العالم، يصاحب كاس العالم احتفالات فالمقاهي والمطاعم والبارات وغيرها. الناس فيهم حياة ويتابعون الحدث التاريخي عن قرب. الكل يطلع ويتابع المباريات والافتتاح و الاماكن يكون فيها تزيين احتفالا بكأس العالم وعروض ترويجية فالمقاهي والمطاعم وحجوزات وحماس ومتابعة واصوات الشاشات عالية في كل مكان…والكل مهتم…
عكس تماما الناس هنا. وصلنا اللاونج قبل حفل الافتتاح. الاونج كان شبه فاضي وبعد فتره الناس بدأت تحضر تشيش ولكن مافي ناس جاية تشجع ولابسة تي شيرتات فريقها المفضل وترفع اعلام وغيرها…ولا اي تزيين للاونج علما بأنه لاونج يعتبر عالي المستوى. اساسا قبل كم يوم كلمت اللاونج لحجز طاولة لان توقعت مانلقى اي مكان. الموظف كان يسأل فيه مباراة؟ قلت له ايه كاس العالم!!😂 هذول بأي كوكب عايشين…عموما نرجع لمحور الموضوع. ليش الناس وكأن ارواحهم ميته ولا عند اي حد اي اهتمام لهذا الحدث الضخم…حتى اللي تابعوا المباراة مالهم صوت…اصواتهم mute مثل حياتهم…