الطريقة المعروفة لولادة السبيس مارينز هي اصلا مو ولادة بل هي عبارة عن عملية تبدأ من اختيار مرشحين من كواكب ويتم زراعة ال Gene-seed داخل اجسام الاطفال حتى يكبرون ويصيرون سبيس مارينز (احتمال راح انزل شرح لطريقة تكونهم) لكن اني ما راح احجي عن سبيس مارينز عاديين بل راح اتكلم عن واحدة من ابشع اذا ما كانت ابشع عملية وابشع شي ممكن تقراه بحياتك والي سووها محاربي الحديذ

ال Demonculaba

بسبب النقص الهائل لمحاربي الحديد خاصة الي كانوا بكوكب Medrengard لجأ الوورسميث هونسو بابشع طريقة ممكن تتخيلها حتى ينتج محاربين بشكل اسرع بدون الرجوع الى العملية الطويلة والمتعبة لانشاء iron warrior

بحيث انه يتم اختطاف نساء من مختلف العوالم وزرع انابيب محشوة بسحر الوارب والفوضى والتكنولوجيا الميكانيكية الملعونة ونقلها الى جسد المرأة

بعدها يتم حقن النساء بهرمونات تجعلهم يتضخمن بشكل مقزز والشيء الوحيد الذي يتضخم هو "الرحم" الى ان تتحول الأ رحم صناعي

وحتى تكون العملية بدون ازعاج يتم اسكاتهن عن طريق تغليف اوجههن بقناع حديدي يمنع اصدار اي صوت ولا يوجد سوى الظلام والم الولادة المستمر

الان كيف ينتجون الاطفال؟ من المعلوم ان السبيس مارينز كلهم لا يمتلكون عضو تناسلي لذلك قام هونسو باحضار الاطفال الصغار المختطفين وادخالهم داخل الارحام بعدها يتم ضخ ال Gene-seed الخاص بهم من داخل احشاء المرأة حتى يغذي الطفل وبتالي يخرج ومعه Gene-seed محاربي الحديد دون عناء العمليات الجراحية المعقدة

لكن العملية لا تنتج جندي مثالي بل تنتج بشر بلا جلد "Skinless" بل واغلبهم يخرج مشوه لدرجة الرعب مشوه بالفوضى كانه شيطان بل حتى اسوء من الشيطان نفسه!!!

فماذا يفعلون محاربوا الحديد بهم اذا؟ يتم تجنديهم؟ لا

بل اسوء

يتم إلقاء الطفل المشوه في مزابل الكوكب ليموت أو ليتحول إلى كائنات مسخ مرعبة حزينة تُسمى الـ Unfleshed،والتي كانت تمتلك مشاعر طفولية ويبحثون عن "أمهاتهم" أو يتذكر آلام الرحم يعيش حياته باحثا عن امه

ماذا يحدث للامهات اذا؟ بما ان الامهات ليسوا سبيس مارينز فهم لا يملكون قوى التحمل وبتالي سيموتون بعد فترة

لكن موتهم يكون ببطء

موتهم يصاحبه ألم الولادة المستمر

ألم انتاج اطفال في يوم واحد

في نهاية القصة قام ال ultramarines بقيادة أوريل فينتريس بلتسلل الى قلعة Medrengard حيث التقى بالمشوهين الذين كانوا لا يزالون يملكون ارواح البشر البريئة قام اوريل بقيادتهم لعمل هجوم انتقامي لسحق محاربي الحديد وبعد سحق جيوش هونسو وقتل جميع الجراحيين الملعونيين قام اوريل وبطلب من المشوهين ورحمة لهم بتدمير جميع المختبرات وال gene seeds وتم تحرير الامهات الواتي كانوا على وشك التعرض لهذه العملية وقتل الامهات الآتي تعرضن لطاقة الفوضى كنوع من الرحمة والتخليص من المعاناة واما المشوهين فكنوع من الرحمة قام أوريل بنفس الطريقة وقام بتكريمهم واعتبارهم محاربين بدلاً من نفايات عند غيرهم كنوع من التقدير

اذا كنت تظن ان عالم Warhammer تعيس فأنت لم ترى شيئا بعد

على كل حال انا اكرر كلامي بان هذا مختصر سريع وشيق اذا تريد او تحب تتعرف اكثر انصح وبشدة قرأة

Dead Sky Black Sun

راح تعيد النظر بكل شي سوداوي قريته بحياتك

بداية هو شنو ال warp او ال Immaterium؟

هو بشكل سطحي ومبسط عبارة عن بعد موازي داخل المجرة الي تقع عليها احداث عالم Warhammer

لا يتكون بفعل اندماج عنصريين او خريط الكيمياء انما يتكون ب الطاقة الروحية لمليارات المخلوقات

الوارب لم يكن جحيما في البداية

قبل احداث war in heaven كان يعرف ب (بحر الارواح) حيث كانت الحياة هادئة وماكو مشاكل والكل عايش بحاله الا ان صارت واحدة من اعنف واقوى الحروب بتاريخ Warhammer المعروفة ب war in heaven بين ال old ones والنيكرونتين (نيكرونز) مع الكاتان حيث تم استعمال اقصى وافتك واعنف الاسلحة بلمجرة

بسبب الالم والغضب وصرخات الابرياء التي امتدت اليهم الحرب بسبب المشاعر السلبية الحزن الغضب الكراهية الغيرة الشهوة للقتال عالم الارواح تحول الى معقل للارواح التي تشبعت بهذي المشاعر السلبية بدلا من ان يذهبوا وهم سعداء ذهبوا وهم مملؤين بلمشاعر السلبية فتحول الوارب الى عاصفة مخيفة تلتهم كل من حولها

بسبب المشاعر السلبية تكونت كيانات من الفوضى التي صارت تبحث اكثر واكثر عن الي تريده ومن ضمن هذه الكيانات كانوا Chao's gods كورن ونيرغل وزينش (الغضب والمرض والخداع) منشوؤين من صراخ الارواح يعيثون الفساد في العالم بحثا عن ما يريدون

الان احنة فهمنا شلون تكون لكن ليش وشلون يستعملونه كطريق سريع؟

لان ال warp على الورق هو عاصفة فبتالي لا يخضع للفيزياء والمنطق (لا يحكمه العالم المادي) استخدمته إمبراطوريات عظمى لاختصار وقتهم في السفر عبر المجرة مثل الاليداري الي عرفوا يسوون طرق حيوية الهم داخل الوارب ويسافروا اسرع من باقي المخلوقات

والبشر الي عرفوا يتكيفوا وية الوارب عن طريق ال Navigators

ولان عالم الوارب لا يخضع للعالم المادي فهو دائم التغيير وماكو فايدة لرسم الخريطة فالحل الاستعانة ببشر مشوهين من الوارب اسمهم ال Navigators الي بسبب تنقلهم في الوارب تشوهت جيناتهم وصارت عندهم القدرة على اكتشاف طرق امنة داخل الوارب مما يسمح لهم وللامبراطور السفر بدون مشكلة

لكن هذا مو بس الي تحتاجه حتى تسافر بالوارب وتختصر عليك مسافة

شنو الي تحتاجه بلضبط حتى تدخل هذا البعد الشيطاني الي الفوضى بيه هو قانونه؟

مبدئيا انت تحتاج تكون شخص عنده عقل من حجر او Psyker عنده قدرة عالية وقوية على استيعاب المشاعر السلبية وعدم الرضوخ للوارب

لان اذا مو واضح هذا بعد ملوث وما راح تطلع منه طاهر القلب والعقل الا لو كنت قوي القلب والعقل

تحتاج تنشئ حقل نفسي للسفينة وتضل تراقب الحقل اي غفلة اي خطأ اي زحلكة منا مناك راح تدخل الشيطاين للسفينة وتدمركم بافضل الاحوال

واسوء الاحوال انك تكون عبد للفوضى (وانت تعرف شنو الي يصير من تكون عبد للفوضى)

ليش اذا يستعملونه اذا بيه كل هاي المخاطر؟؟

اذا اني عندي جبهة على بعد 10 سنوات ضوئية واحتاج اوصل بسرعة حتى الحك انقذهم هل اخذ الطريق العادي ام استعمل حظي بالوارب الي يوصلك بغضون يومين او حتى اقل؟ طبعا اكيد جواب واضح انك راح تضطر تواجه هاي العاصفة النفسية

مع ذلك حتى لو دخلت وانت مجهز نفسك احتمال تضيغ داخل الوارب نفسه وتتحول الى مادة او كائن اخر تماما وتصيرلك طفرة غريبة

ومرات حتى سفن علساس جان مفروض توصل من اسبوع وصلت ورة 100 سنة وهم ما مستوعبين

وصلوا وهم متحولوين لكائنات اخرى تمام

وحتى لو انت طلعت منها بسلامة وعقلك صاحي بس الفرق اجتك طفرة راح يتم ابادتك من المفتشين لان اي طفرة تعتبر هرطقة ويجب محوك بلكامل (الشاهد فصيل Flame Falcons) يعني فوك ما انت تتجاوز الوارب وطلعت منه بسلامة حتواجه المفتشين الي راح يحققون وياك واذا ما عجبتهم كبل تصفية

شنو وضع الوارب حاليا؟

بسبب سقوط كيديا الي جان كوكب يتحكم بطاقة الوارب ويحصرها وتدميره الوارب خرج عن السيطرة وتسبب بصدع ضخم قسم الإمبراطورية وصار الوارب عبارة عن فوضى من مستوى مخيف حيث ابتلع كواكب عن بكرة ابيها ومحى جميع فصائل الحياة سواء موالي او مهرطق

حتى اقوى السحرة نفسهم صاروا يتفادونه ويحاولون يحجمون من الصدع لكن بدون جدوى

الحياة داخل الوارب

لان الوارب لا يخضع للعالم المادي فالعالم داخل الوارب هم اما عبارة عن عوالم اختفت وهي موجودة داخل الوارب لكن بتشوهات اكثر وشياطين

او ممالك لل chaos gods مثل كورن ومعاركه داخل الوارب الي ما تنتهي

او نيرغل حيث الطاعون هو اهون شي عليك هناك

او سلانيش حيث ال 18+ والصخب والعنف الجسدي المفرط او كلهم سوا

انت تقدر تعيش بلوارب كشخص موالي لكنك ما راح تطلع بدون تحول

لان التعامل مع الوارب هو مثل التعامل مع غريب ما تعرف شراح يسوي وشنو الي راح يسوي؟ مثل بورتورابو الي يكره شياطين تحول لامير الشياطين لان الوارب تسلل داخله

وبرتورابو بنفسه يعرف ان التعامل وية الوارب هو اسوء شي لانك ما راح تتوقع هو شراح يسوي

اني ارشح اكثر ان تشوفون فيديوهات مدتها ساعة تشرح الوارب لان هذا شرح سطحي عن اسوء واعنف منطقة بعالم وورهمر المليء بالاماكن السيئة

End

مسامير الجزار استئصال للروح وتعيين بديل لها بالدماء

وجودها هو تمييز لاكثر فرقة متوحشة ومتعطشة للدماء بتاريخ وورهمر "اكلي العوالم"

البداية كانت لما ابوهم اينغرون هبط في كوكب نوكيرث الكوكب الي كان يحكمه الطبقية وترفيهم كان تعذيب البشر وقتلهم عن طريق جعلهم يتقاتلون

اينغرون الطفل المسكين الذي هبط على هذا الكوكب تم تحويله من طفل بريء الى سفاح قاتل متعطش للدماء

لما شافوه الحكام وهو يقاتل الوحوش للبقاء على قيد الحياة قرروا يستعبدوه وكمحاولة لجعله الة قتل قرروا يحشرون مسامير داخل راسه وصولا الى اعصاب مخه

اينغرون قرر بشكل سوداوي وموحش ان ينقل هذا الالم لأبنائه حتى يحسسهم بألمه ايضا

الاف من ابنائه تحولوا بيوم وليلة من فصيل يقاتل بشكل نظامي الى وحوش غير منتظمة بسبب الالم الذي يسببه مسامير الجزار

الوصف الموحش لهذي المسامير داخل دماغهم هو عبارة عن صرير لا يتوقف كأنه المسامير يعاد تركيبها داخل دماغه بنفس مقدار الالم والحرارة

نعم! لان مسامير الجزار تعتبر ايضا ساخنة داخل رأسه

مجرد تخيل هذا الامر لوحده يخلي الرأس يتألم

فما بالك بشخص يعيش 10 الاف سنة ومسامير داخل رأسه ما تتوقف عن ضخ الغضب بدلا من الهدوء؟ لا يوجد

لان هذي المسامير تعمل كمصفاة!

أي لحظة هدوء اي لحظة حب او تعاطف مباشرة تقرأها المسامير انها خطأ جيني وجب اصلاحه فتقوم بتعذيب الاعصاب داخل الدماغ حتى تستأصل هذا الشعور وتحوله الى ما هو عليه

مسامير الجزار تجعل صاحبها يعيش في حالة من الاحتراق الغضبي الأبدي لا مجال للراحة ولا مجال للهدوء

حتى اعتى الفصائل الموالية لديها لحظات هدوء

اما اكلي العوالم لا يعرفون اصلا ما هو الهدوء

فقط صوت صرير لا بتوقف داخل عقولهم وهي تجعلهم يصرخون بالقتال لكي يهدؤا هذا الشعور

فلا علاج لهذا الشعور الا بصراخ الاف الضحايا يقتلون تحت اقدامهم او ينقتلون وهم يحاولون

المسامير هي أقصى درجات "الديستوبيا البيولوجية" أنت محبوس في جسد يرفض أن يهدأ ووعي لا يرى العالم إلا كهدف للقتل

مسامير الجزار هي اقل شي سوداوي راح تحصله بوررهمر يخليك تستوعب لاي درجة هذا العالم مليء بالقسوة المفرطة

الاورك يعتمد على مبدأ "هذا الشي صحيح لان الكل يؤمن بهذا الشي" يعني مثال اذا اورك قال اذا تلون ملابسك بلون ازرق راح يجيك حظ

واذا لونت دراجتك بلون احمر حتصير اسرع

واذا لونت نفسك بلون ارجواني راح تصير غير مرئي لان ماكو اورك لونه ارجواني

زين شلون اشتغل عندهم هذا المنطق؟ معقولة ولا اورك يفكر بمنطقية؟

الموضوع وما فيه ان الاورك ما يفكر مثل البشر اصلا

هو يتبع الكبار وبتالي الكل يتبع الكبير يعني مستحيل هذا شي غلط بالمنطق الي هو يشوفه

واصلا اذا اكو اورك حاول يقول ان هذا شي غبي فاغلب الاحيان يتم ضربه لانه احمق

وايضا لا ننسى ان الاورك عقليته WAAAAAAAAGH يعني اصلا ماكو مجال للتفكير بعقلانية اهم شي سوي هاي الشغلة بطريقة الي امنا بيها لان المعركة جاية ويريد بس يقاتل

وما دام السلاح يشتغل ودراجة تمشي ما يهم اصلا شلون المنطق يشتغل اهم شي الشغلة الي يريدها تشتغل

بورتورابو كان عقلية حسابية غير همجية جانت كل خططه تدرس بحسابات رياضية معقدة ولهذا السبب يسمونه سيد الحصار لان راح يدرس كل زواية وكل طريق امدادات يمر من والى الهدف

واكبر دليل على الرعب الهندسي الي يسويه بورتورابو هو حصار هيدرا كورداتوس لما دمر حصون ودفاعات قوات imperial fists بأيام بعد ما الناس كانوا عبالهم ان اي شخص يريد يكسر حصنهم يرادله سنوات! كل هذا بفضل تخطيط وإدارة بورتورابو

مع ذلك في حصار تيرا ورغم انه اثبت كفائته الهندسية والحسابية وعقليته المرعبة في قطع الامدادات ودحض سرايا الامبراطورية من كل حدب وصوب لانه وكان يقود قوى غير مسيطر عليها بحساباتها وخططه وهنا تكمن العقلية العظيمة لبورتوابو محد جان بقوته العسكرية وعبقريته القيادية الا ان الحصار فشل ليس لان حسابات بورتورابو كانت غير دقيقة بل لان الي وياه ما اعطوه راحته في قيادة الحصار

حورس بدال ما ينطيه قيادة الحصار كليا خلا قوى الفوضى وخصوصا اخوانه يقودون الحصار لان عبالهم بورتورابو يخليهم كأنهم دمى بينما في الواقع هو كان يقودهم حسب دراسات وعمليات حسابية هو سواها وفوق هذا حورس ما انطاه السلطة الكلية وخلاه كأنه الرجل الثالث

الشي الي خلا بورتورابو يستوعب ان اخوانه صاروا حمقى ويعبدون قوى الفوضى بدلا من التفكير بعقلانية ومنطقية

وكأشارة على الاعتراض والغضب امر بورتورابو قوات ال iron warriors بالانسحاب من مواقع الحصار

الشي الي خلا قوى الفوضى تستوعب غبائهم من اهملوا بورتورابو وانه كان فعلا عقلية هندسية لان الحصار الي كان ناجح نسبيا ويستنزف الامبراطورية صار يفشل لما تركه بورتورابو

انت متخيل ان احداث الحرب كلها تغيرت بس لان بورتورابو انسحب؟؟ يعني لو هو ضل جان قوى الفوضى من زمان نجحت باحتلال الارض وجان تغيرت المعادلة باحداث وورهمر

وانت للان ما مستوعب ان اعظم حصار بتاريخ المجرة جان يقوده بورتورابو

حتى تستوعب لاي درجة سيد الحصار كان فعلا اكثر قائد خطير بتاريخ وورهمر

في كوكب بارد اسمه سكالاتراكس دارت حرب أهلية بين قوى الفوضى التي انقلبت على الامبراطور وتبنت الفوضى كمفهوم للايمان

بين emperor Children's ضد world eaters دارت معركة اهلية دموية استمر فيها القتال بلا توقف نظرا لان ال world eaters ليسوا مجرد جنود عاديين بل هم قتلة متشبعين للدماء والعنف وعلى رأسهم كارن القائد الاعلى لفيلق ال world eaters

لكن في ليلة باردة اشتد فيها القتال قرر الطرفان اخذ هدنة بسبب العاصفة الثلجية القاتلة فقرر الطرفان الاختباء في الملاجئ حتى تنتهي العاصفة ويستكمل الحرب

لكن كارن رأى جنوده وقال صارخاً بأن يرجعوا لساحة القتال فوراً غير ان الجنود ضلوا يتعذرون له بان الاجواء اصبحت باردة ولا يستطيعون التحمل

عندها قرر كارن وبغضبه الالهي من كورن وبدون أسف او حزن او ندم بأحراق الملاجئ امام اعين اخوته وحتى احراق الملاجئ التي كان يختبئ فيها اخوته

كارن لم يهتم كارن كان يقتل تنفيذا لارادة الهه كورن اله الدماء والحرب والفوضى لا يهم من اين تدفق الدماء وتأتي الجمام طالما انها تدفق

كارن رداً على الجبن قام بقتل اخوته وتقطيهم الى اشلاء بفأسه المنشاري وكأنه يقاتل اعدائه

بغضب ابيه انغرون ومسامير الجزار علأ رأسه كارن لم يكن يرى امامه اخوته او رفاقه بل كان يرى حفنة من الضعفاء والدماء التي يجب ان تدفق

كارن ليس خائن لانه خان الامبراطور

كارن خائن لان خان عهد الاخوة وخان ثقة القائد بجنديه خائن للاخاء في مقابل سعادة الهه كورن الذي رأى غضب كارن وطريقة قتله لاخوته بكل سعادة

اللقب يصف حقيقة أن كارن لا يرى فرقاً بين عدو وصديق فالكل بالنسبة له مجرد "مصدر للجماجم والدماء لالهه كورن"

[للاطلاع تقدرون تقرون رواية Khârn: Eater of Worlds]

مرات احمد ربي ان غيلمان ما تربى على ايد الامبراطور الي يعاقب حتى الي ينصحه

اكبر دليل هو تعامله مع ابنائه الي يحاولون يحذرونه من الاشياء الي ممكن توديه بخطر رغم انهم ليسوا حتى برتبه ليناقشونه

رواية Godblight

لما حاول فيليكس يحذر غيلمان من عدم التحالف مع الاليداري

فيليكس (الورد جينرال) ؛ "انت لست غاضباً لأنني جئت؟" يقولها بهدوء متوقعا توبيخ

غيلمان يرد بنبرة هادئة : "وهل ينبغي لي ذلك؟"

يرد عليه فيليكس : "لقد جئتُ لأنصحك بألّا تفعل ما أظن أنك بصدد القيام به!"

ابتسامة غيلمان كانت كأنها مسموعة في نبرة صوته عندما رد: "ألهذه الدرجة ترفض أفعالي حتى إنك لا تطيق حتى ذكرها؟ كيف لي أن أعرف أننا نتحدث عن الأمر ذاته؟"

يرد عليه فيليكس : " افعال كهذه لا ينبغى حتى النطق بها"

يرد عليه غيلمان : "ربما. لكن ليس عليك أن توافقني الرأي في كل ما أفعله يا بني، فلك أن تؤدي واجبك اذا رأيت الصواب بفعل ذلك. أنت لستَ رجلاً يفتقر إلى التفكير، ولا تخشى مخالفتي، ولهذا السبب تحديداً منحتُك منصب "التيتراخ" بل على العكس، يسعدني أنك جئتَ الى هنا لتوبيخي"

فيليكس يرد : "وماذا لو بقيتُ في ألفيرو بدلاً من ذلك؟" (يقصد لو ضل بمكانه بألفيرو وما اجة يحذر غيلمان)

يرد عليه غيلمان: "كنتُ سأسعد بذلك أيضاً، لكنك هنا. حدسك سليم، ما نحن بصدد القيام به قد يكون مخاطرة، وأنت تدرك ذلك وأتيتَ لتحذيري. لا ينبغي معاقبة النوايا الحسنة"

[الترجمة ليست رسمية وحاولت انقلها باسلوب مفهوم بعيد عن التعقيد]

فكر بيها

الامبراطور امر بحذف سجلاتهم نهائيا بعد الشي الكبير الي سووه وما نعرف عنهم ولا شي او شنو الي سووه اصلا (محو كااامل) حتى لما برايمارك مثل هورس حاول يجادل مالكدور على اخوانه الثنين مالكدور بسرعة قاطعه وراد يخنقه الى حد الموت

غيلمان بنفسه المعروف عنه بحفظ الانظمة يرفض يحجي عن شنو صار عنهم

بل الموضوع مريب ومرعب لما تستوعب ان الشي الي سووه الفيلق الثاني والحادي عشر مقارنة باحداث هورس ولا شي

لان احداث هورس هيريسي يتم التداول بيها والكلام عنها بعالم وورهمر اما انك تنطق ولو بحرف عن شصار على الفيلق الثاني والحادي عشر لوحده يكفيه ان يرسلك للاعدام لان الموضوع خطير الحديث عنه

اكاجي (مو كايجي) هو عبارة عن انمي مقامرة يدخلك اجواء من التوتر النفسي والجنون

المراهنات والعبقرية الي تصير والخطط الي يبنيها اكاجي تخليه حرفيا شيطان مستحيل احد يغلبه

شخص يقدر يقرا افكارك ويقدر يتوقعك انت بشنو حتلعب وشنو استراتيجيتك

بل حتى اذا حاولت تغش راح يلكفك

اذا بيه كل هاي الميزات ليش اذا محد سمع بيه؟ بكل بساطة الانمي هذا يعتمد على لعبة اسمها (ماجونغ) هاي عبارة عن مثل دومنة صينية بس بيها استراتيجيات

يرادلك فقط ساعتين حتى تفهم قواعد اللعبة

وهاي بس تفهمها مو تتعمق شلون تحترفها

لكن هل يسوة تضيع ساعتين تتعلم بيها هاي اللعبة حتى تباوع بيها هذا الانمي؟ اكيد وتستحق

لان الانمي هذا اجوائه مستحيل تلكاها بأي انمي (الا كايجي)

مع ذلك هذا الانمي بلذات عنده طابع واتموسفير مميز عن كايجي

واكاجي راح يصدمك بعبقريته

اي بلمناسبة عيب الانمي انه بلنهاية (وكعادة انميات مادهاوس) ما تنتهي نهاية كاملة لان المانغا وكتها اصلا ما خلصت

الموجة البريطانية لموسيقى الهيفي ميتال عبارة عن صوت صراخ جان مكبوت بزمن كثرت بيه البطالة والفقر الشباب بذاك الوكت الي غلب عليهم الامر الواقع من تردي الاوضاع والجو الكئيب خلقت مشاعر من الفوضى والغضب

الموسيقى كانت الملجئ الوحيد لأي شاب كان يعاني من هذي المشاعر

بريطانيا بسبب تميزها بانها دولة مطيرة جانت الحانات موجودة بكل حي وفرع لانها كانت اماكن لتجمع الناس وقت الامطار الى ان تخف

الشباب كانوا ابعد ما يكونوا عن مشاعر الرومانسية والحب الي كانت منتشرة باغاني هذيج الفترة فكرد فعل انطلقت مجموعة شباب بلحانات تغني وتصرخ بطبقات محد سمعها قبل

طبقات عبارة عن غضب وكراهية للحياة

غيتار يصرخ ودرمر يهز الاذن والدماغ وبيز يوجه هذا الغضب للجمهور العاطل الي كان مليء بكره الطبقية والبطالة التي دمرت حياتهم

توني إيومي الاب الروحي لموسيقى الميتال والغيتار المزعج ابن برمنغهام الي شائت الظروف ان يتحول من عامل مصنع تقطعت اصابيعه وعطلت مسيرته الى احد رواد والقادة الي أسس بفضل غضبه على الظروف الي احاطت بيه الى ولادة موسيقى الهيفي ميتال البريطانية وفرقته العظيمة بلاك سابث الموسيقى الي هزت شوراع بريطانيا وحاناتها الموسيقى الي كانت صوت المجتمع الغاضب صوت العامل الحقيقي صوت المشاعر المكبوتة صوت السواد والمطر والتي لولاها فرق عظيمة بالميتال وغير الميتال ما راح تكون موجودة ليومنا هذا

الشباب البريطاني عرف يتمرد على تقاليد الموسيقى التقليدية واصبح عندهم ملجئ ومكان ينتمون اله للتعبير عن هاي المشاعر ومن هنا بدأت الموجة الكبرى لموجة موسيقى الهيفي ميتال البريطانية الي دمرت قناع بريطانيا المزيف

​

But anyway

شنو افضل فرقة NWOBHM ؟

​

بس مثل الكليات الاهلية ما شفت حرفيا اذا مو افشل مؤسسات تعليمية ما اعرف شنو الاسوء منها

ابسط شي توزيع النتائج عبارة عن فوضى من الغباء الاداري وعدم احترام الطالب

بلمرحلة الاولى جنا نستلم النتائج بمسار بولونيا بعدين بلمرحلة الثانية يجبروك على نطبيق هيبيك وبثالثة تعال انت بنفسك استلم النتيجة ورقيا بعد ما جان الموضوع الكتروني

ولازم تثبت انك دافع بتطبيقهم الزبالة الي ما يقدم ولا شي

حصص تعليمية وهذا الخريط حبر على ورق

نتائج حتى ما تنشاف

لعد علشنو دافعين وخابصين روحكم بال (الرؤية) اذا انتوا بعدكم على الانظمة المتخلفة

فوك هذا استلام نتائج عبالك بالابتدائية اكعد بقاعة وسجل اسمك وانتظرهم يذيعونه

هذا كله بصفحة ونظام تدريسي والمشاريع الي يطلبوها من الطلاب وتنظيم الامتحانات بصفحة لخ

​

اتذكر من رحت لطبيب نفسي حتى بس اشوف شنو العلة بية مرات اشك عندي نوع من الوساس القهري واتذكر صدمات بحياتي تخليني ما انام اليل والمهم ما اريد ادخل بتفاصيل

رحت حجزت عن طبيب علساس معروف ومن هاي السوالف الي يبيعون لك مثاليات علساس شهادة عليا وبلاه بلاه

اروح للعيادة هيج حتى الحك على الحجز مالتي جنت حاجز ساعة 4 اجيت بل 3و 50 دقيقة

اشوف نفسي انتظر اسمي لل ساعة 9 بليل واكف يم مراجعين حرفيا عبالك جايين من حرب ايران او وكعت يمهم قنابل تخليك بس تريد تنتحر

وانوب العيادة حارة ماكو بس مكيف واحد وحتى مكان للكعدة ماكو تسمع صياح زعاطيط وناس تكعد وياهم شكولهم استغفر الله من كد ما ذاك اليوم جان زبالة اريد بس انساه لان تعذبت نفسياً وجسدياً ومن تدخل للدكتور عود علساس تشرح له مينطيك مجال تحجي او ينفرك وانوب وقته كلش كصير لدرجة حتى من انطاني وصفة علاجية خفت لا استعملها ويزرب بية طلعت من العيادة واني كلشي ما استفاديت بس جبت مرض نفسي جديد

هاي اذا عيادات هيج مستقلة لعد الحكومية شلونها؟؟؟

بالنسبة الية عاطفيا أوتادا هيكارو بس هسة بالجديد ado