ف فتره كنت بقعد اشيل الحبوب دي لحد ما لاحظت ينهار اثار حبوب بقيت ملمسهاش
بس يادوب الحبايه تروح التانيه تطلع!!!! من اللي هما ذوات الرؤوس البيضاء
دا في كمان حبوب بتوجعني!! قبل ما الحباي بتطلع بتعلم مكانها محمر سِنه** وبيوجعني بعدها تطل**ع
😤😤😤😤😤😤😤😤
لو حد كان كدا اتعالج ازاي!؟ ولا ايه اللي اكتشفه غلط بيعمله
انا مش ملاحظه اني باكل اكل يعني صعب ومليان زيت او كدا عشان ياثر عليا
بكتر شوكولاته بس يعني وشويه شيبسي احيانا
زي الكلام الغير مبرر اللي ملوش علاقه انه يتقال ف الموقف دا او غلط او تصرف بدون وعي او حاجه هبله عملتها ازاي بقا نتخطي كل دا!؟ عشان الواحد بيقعد يفتكر مواقف من سنين و اصوت
حد كان كدا!؟
اعاني من النوم المفرط وبصحي ف مواعيد غريبه وببقي عايزه انام
ومده فوقاني مش بتستمر ساعتين و ارجع ابقي عايزه انام
الحوار مش مخليني عارفه اعيش يومي اخلص اللي ورايا اعمل اي حاج****هً
ممممم مش باخد ادويه يعني عشان اقول دي السبب باخد مكمل بس وكمان مبشربش حاجه يعني شاي قهوه الكلام دا
وش اسوي!؟
حد كان كدا و عرف يتصرف صعبان عليا وقتي
لونت الصوره مره كانه ليل ومره كانه نهار
في محاوله ازاله الصدا
محدش يحكم ع التلوين انا فنانه بس دي الوان اكريلك ماركر يدوب كدا كام قلم
يعني بقو راسمين صوره نمطيه للشباب من اول سن ١٥
انه معاه هوايه وشغال و معرفش ايه
و فسن العشرين خلاص سن البزنس وال freelance
الموضوع حاطط لود عليا فظيع كاني دخلت سباق وانا مش عارفه
الحكايه طيب انا ادركت ان في وقت اهلي مش هيدركو بيسالوني ها هتعملي ايه بعد التخرج من دلوقتيتتيتييتيي
هدو الدنيا يا ناس
الواحد لما يتخرج ف سن ٢٢/٢٣ يعني لسه بدري لسه يقدر يتعلم ويشتغل فيه ايه بقا التوتر دا ومش انا بس صحابي خايفين يتخرجو وميكونش معاهم حاجه يشتغلو بيها
😖😖😖😖😖
Dynamic programming
برمجه
Competitive programming
دلوقتي انا كنت عايزه ادخل سايبر بدات م الاول نتورك وبقالي مده كبيره بوخت مني عشان بقطع المهم اخدت ccna مع مكان هنا ف مصر ولقيت شرح احسن مع استاذ jermey it lab راجل قدير والله وبمشي معاه اخلص اللابات والكلام دا ومعايا كتب لابات بحلها عشان كدا مطوله ف النتورك
بسال مهندس بقا اني عايزه تدريب ف النتورك بعمل بروجكت كبير حاليا ابين فيه مهاراتي
احطه ف ال سي في
قالي انا بضيع وقت وطالما البروجكت مش بفلوس محطهوش اكتب مهاراتي بس
طالما البروجكت مش شغل حقيقي
انا مش فاهمه طيب هجيب شغل ازاي طيب يجدعان!؟ وانا مش معايا الشهاده الدوليه!؟ بتاعت ccna ع الاقل يعني
انا عايزه امشي الطريق سيلف استدي امشيه ازاي طيب!؟ اثبت اني متعلمه ازاي !؟
كمان لو حد شغال انا عايزه اسال بس عشان مش متخيله هو الشغل باكت تريسر فعلا!؟
ف اخر الكورس كان في عملي والراجل معملش بباكت تريسر لا وصل ب االراوتر باللاب ع طول وعدلنا ف الكونفجريشنز
انا عايزه اتخيل الشغل الحقيقي عامل ازاي السوق ايه!؟
وكمان حتت اشتغل او اخد تدريب ازاي يجدعان و بتكلم ع النتورك بس يعني لسه مدخلتش ف سايبر و مش عارفه الخطوه الجايه ايه
يعني بذاكر a+ كمان من راجل محترم يوتيوب عشان افهم الجهاز اللي بتعامل معاه دا
بس هوثق دا ازاي من غير شهادات و هجيب فلوس شهادات من غير شغل ازاي
طب انترن شيب حتي نفسي ف انترن شيب حقيقيه مش زي بتاعت البنوك اللي بتبقي اون لاين كام كورس انحليزي وكويز دا كلام دا
ان ان ااااااه
حاسه كل ما اكمل ف البرمجه اكتر والتراك وال ecpc والحوارات دي يرجعلي شغفي للرسم و الايتامين اللي كنت بعمله عايزه اسيب كل دا وارجع ألون مثلا
ربنا يتوب علينا قربت اتجنن
صحيح قبل الكليه كان عندي هوايات والكلام دا الواحد حاسس انه لما بطل يرسم والله دماغه صدت
مبقاش عندي صبر ع حاجه
الواحد كان يلون بالساعات و الصلصال الحراري دا كانت اعمل حلق ف سبع ساعات مثلا الكلام دا ف اولي حامعه من اول ما بطلت حاسه دماغي قدراتها قلت ممكن دي السبب اللي مبقاش مخلي الواحد يقدر يقع ع حاجه ربع ساعه حتي
اسئله ال cp دي بفصل بعد عشر دقايق محاوله دا حتي الجاهز بفصل لما يكون اعلي من دماغي ب سنتي "سم" واحد مثلا
هببلللل
عايزه ارجع نشاط دماغي بجد الواحد بقا حاسس دماغه اتحط عليها ليمت بسبب الزمن دا و ال ai والانشغال عن الانشطه الطبيعيه او الهويات بتاعت البني ادم
يارب
بعد اسبوعين معانا العملي والضغط وقله النوم احيب منين بيتزا اكلها من غير تأنيب ضمير بس!؟ الواحد عايز ينبسط بالمكافأة هقعد أنب نفسي ع السعر و الوقت و السعرات استر يارب
هقول لكم ليه أساسا أو وجهة النظر بتاعتي إن أنا و مش بقول كلمة ما عرفش + مش قصدي بهبد لا بضيع وقتي ادور ع الحاجه عشان اقولها بدل ما اقول معرفش واللي عايز حاجه يدور
بحس إن أنا لو قلتها كتير هبان في مية البطيخ وده ما يعجبنيش إن أنا أبان في مية البطيخ قصاد ناس ممكن نشتغل مع بعض بعد كده
تاني حاجة رد الفعل من كلمة ما عرفش بحس اللي قصادي فاكرني رفضة الرد أو بمثل أو بقوله متسالنيش تاني
هقول لكم من مواقف حصلت لي يعني
أول موقف مثلا كنا ليلة امتحان وبنت سألتني على سؤال في المادة أنا ما عرفتش أرد قلت لي أمال هتدخلي الامتحان بكرة إزاي
اللي هو وصلني صورة تكذيب يعني أو إن أنا كأني خايفة من الحسد منها مثلا
موقف تاني وده لبسني في إن أنا سهرت 8 ساعات عشان لبست في الموقف ده عبارة عن إحنا كنا بنعمل مشروع عملي المشروع ده عبارة عن إن إحنا بناخد النص ونحطه على أي ذكاء اصطناعي يطلع لنا كود فأنا كنت مقسمة النص ده على ثلاثة وأنا بعمل الجزء بتاعي واحدة قالت طب ما تحطيه كله على شات اللي هو حرفيا عبارة عن copy paste فأنا لو رفضت حاجة جهدها تافه زي دي هحس إن أنا كأني بقول لهم أنهم مالهمش صحوبيه عندي اللي هو ده أصحابي في ال team وطلبوا مني بدل ما أنسخ نص النص أنسخ النص كله وأحطه على شات بما إن كده كده اللي هيشتغل Gemini وشات GPT أنا وافقت قلت خلاص يا جماعة هعملها بعد ما عملتها وشغلتها اكتشفت إن في errors فاللي هو طب كملي كده وبعتي ال error لشات بعتت ال error لشات error ورا error ورا error سهرت 7 ساعات مع بنت منهم بنصلح errors دي اللي هو أنا لو كنت عملت الجزء بتاعي من الأول ونمت كان أحسن لي
وحاجات تانيه بقا لما حد بيسالني وانا مش عارفه ف حاجات تافه عاديه بروح ادور عشان ارد
واحده مثلا سالتني ع حاجه انا بستخدمها كل يوم وحرفيازانا معرفش الاسم روحت ادور وقولتلها وبعد يومين عرفت انه غلط اللي هو ما كنت اقول معرفش وخلاص
بضيع وقتي ف التدوير غير زي موقف المشروع اللي لبست فيها سهر ٧ ساعات دا
تخيلو مثلا بتطلبي من صحبتك الانتيم ف المشروع اللي كدا كدا هيعمله ال ai ابعتي النص بتاع المشروع كله وخلاص بدل جزء جزء يعمله مره واحده وهي رفضت هتتقفلي منها
انا لاحظت ان عندي سوء تقدير حاجه زي دي انا فكرتها كوبي بيست بس ف الاخر لبست ف سهر عليه
نفسي ابطل العاده دي ولما معرفش اقول معرفش بس حرفيا هتبقي كتيره تخلي صورتي مثلا البنت دي ف ماسه البطيخ ودا مش عاجبني
وكمان مثلا زي المواد. والهبل دا قولت للبنت معرفش وبعدها او وانا راحه الجامعه عدت عليا الحته عرفتها جت حلتها هي بقا اتفاجئت من درجتي هيبان اني كدابه او خايفه م العين
حاجه تحير يعني صراحه
انا السؤال عاملي ازمه ف حياتي وبحسه عشان ف مجال التيك
انا طالبه حاسبات سنه تالته خلاص هدخل رابعه يعني
انا معرفش انا شاطره زي ما اللي حواليا بيقعدو يقولو ولا لا بيجاملوني!؟
انا طول مدتي ف حاسبات بقول ع نفسي بالونه هتفرقع مع اول موقف جد هتفرقع لو مفيش نت او شات جي بي تي
ممكن عشان قعدت فتره كبيره عليه ولسه بيحل عني وبيعملي حاجات كتير ف قدام الناس بيسقفولي ع حاجه مش قدرتي الحقيقيه ودا بيزود شعور البلونه عندي
بس ف نفس الوقت اتعرضت لمواقف اني اقدم سيشن شرح حاجه مثلا نهايتها كانو بيشكرو فيا
قولت دي مجامله لحد ما لقيت درجاتهم ف الامتحان ف حاجه مفتوحهاش قبل كدا
قولت يمكن عندهم حق وشكلي عندي ازمه ثقه بالنفس
انا مش متعوده ع الكلام بتاع انتي شاطره بحسه يعني مجامله مش مطلوبه انا افضل اللي قدامي يقولي دا وحش ولا انه يجامل
بس انا بعد ما شوفت نتايجهم ف الامتحان شكيت!؟
معقول انا شاطره!؟
مش عارفه
غير كدا بقا ف حاسبات حاسه بتوهان انا مش طالعه بحاجه محدده!! اشتغل بيها انا بمشي ف كذا حاجه
بحس ان انا عايزه امتحان تحديد مستوي عشان يعرفني انا فين
وخايفه من التخرج بقول يعني هشتغل ايه وانا مش عارفه انا اقدر اعمل ايه
حاجه يعني حيره وكابته ع نفسي بشكل بقت منطقيه من التفكير
اعرف قدراتي الحقيقه منين
ارجع لل prime بتاعي ازاي ايام م المذاكره والتفكير كان حقيقي
بحس ان شات جي بي تي خلي دماغي صدت عايزه اشيل الصدا دا
ارجو الدعاء
جبت البتاعه دي عشان تبعدني عن الفون والواتس اكتشفت انها اسوء مع القعده مع نفسي قعدت افكر ف حاجات كتير من اللي ورايا ايه ومنها انا ليه قاعده بعمل دي ومش بذاكر للامتحان بعد بكره وفكرت ف الناس وعلاقتي مع اللي حواليا و ايه اغيره ف نفسي وايه غلط عملته الفتره اللي فاتت
انصح بيها عامه + بس ب اشكال حلال يعني مش علم فئه معرفش مين والكلام دا بقول يعني عشان الذنوب مش عايزه ذنوب
معرفش ليه الواحد مبيعرفش يقول اللي مضايقه بصراحه مع صحابه
يعني لو حد بيعملك حاجه و الحاجه دي ف نظره حلوه ف نظرك انت مضايقاك لو علقت كانك بتقفل نفس صحبك
انا مثلا مش بحب حد يرن عليا خالص مش بحب اتكلم تلفونيا صحبتي بتحب كدا وبترن عليا لو حصلها مشكله او عايزه تطمن عليا
تخليو لو قولتلها مش بحب اتكلم ف التليفون هتتقفل مني كاني بكسر نفسها
الموضوع دا بقا مضايقني
انا متضايقه عامه يعني اني شخص مبيسالش ع اصحابه بس مش ببقي فاضيه او ببقي مكسله بحب مثلا اقعد ع التيك ترك مطلعش من برنامج لبرنامج اللي هو ابدل من الواتس عشان ارد وارجع للتيك توك بحب اقعد كدا وحلاص و مش بلوم حد لو مسالش عليا ومش بلوم اللي بيكلموني ق المشاكل بس يعني لو احتاجت حاجه هتكلم مين طالما مش هتكلمني
مش عارفه انا بكتب ايه ولا بدايه كلامي من اخره ف البوست دا يس بطلع افكاري
اللي ممكن متعجبش حد عادي يعني
هتسالو ايه علاقه دا بالعنوان ان دا بيقلل من جوده علاقتي بيهم
فين البركه اللي كانت ف الوقت يدوب الواحد بقا يرجع م الجامعه ينام يلاقي جامعه تاني