I'm gonna end up doing some fucked up shit
(خوتي سمحو ليا الى سبيت ، راه واصلة فيا لعظم) الزوا*ل ديول واليديا راه صافي اخوتي صبري تقادا طفولتي ضاعت و مراهقتي و دابة تاشبابي كيضيع باش نشرح اشنو كاين ، عائلتي من السنة و الجماعة ، النوع الذكوري المعقد و زيدها بابا نرجسي و ماما دايرا ليه كالملك لي عمرو يغلظ ضيعو ليا عمري حيت بكل بساطة انا بنت. يعني الخروج؟ ممنوع الخدمة؟ ممنوعة القراية من ورا الباك؟ حتى تخدمي تخيلو حتى من الصحاب ماعنديش والو
و اجو نقول ليكم اشنو بغا يخليني نحماق انا بابا كيفرض عليا نعيط ليه سيدي ، ايه قريتوها بصح ، سيدي و ماشي سيدي بالضحك ولا ، نو نو سيدي و انا كنخدم عليه و نشوف فيه غلظ يهرس عليا شيحاجة و ماما ، ماما نقولها راجلك هددني يذبحني و كتلاقا كتدافع عليه واخة نقولو السيدة مسكينة تزوجت صغيرة و مغسول ليها الدماغ الالة كتمشي عندو تقوليه بنتك كتبيع لحمها فالانترنت و كتصور عريانة و كتهضر مع الدراري اولا مكتهضرش معايا مزيان و هوما كيسمع هاد الهضرة و مع كيجي من الخدمة كيهرس مي اما بالسبان و لا العصا
خوتي لي غيقولو ليا خرجي ، سحاب ليكم ماحاولت؟ راه ماعندي ريال فجيبي و انا فدوار، راه حتى فاش حاولت نخدم اونلان (سرا طبعا) راه بجوجهم فيهم واحد الحالة كتحبس المخ ، فجأة كيقطعو الويفي ، بلا سابق إنذار، ولا كيفيقو و كيقررو مايشعلوه حتى 5 العشية و يطفوه مع 6 اه و جربت صناعة المحتوى بلا وجه درت شي 10 القنوات يوتوب و تيك توك و كل مرة كنضيع شهور و انا معاها و مكنشوف والو نتائج حتى فاش لقيت واحد السيت تاع دوك دير لي طاش تخلص و خدمت فيه و فعلا جمعت فيه 500 درهم ، فاش بغيت نصيفطها لباي بال تحبس عليا كونط بايبال و بعد مدة حتى السيت بلوكا ليا الكونط
خوتي راه عندي ادمان من التيليفون و داي دريمينغ عييت و الله
هاا فين المصيبة اغلب حياتي و هادشي كيطرا كتلقاني كنبكي و كيبقا فيا الحال هاد الاواخر راه مكاين هار الافكار توع الحبس نسالي مع القح*ة يماهم ولا مع راسي
عاد قبيلة حطيت ليهم الغداء ، ماما قالت لي اري الماء ، بابا قالي اري طبسيل ، مشيت جبت لما الماء هو الاول ، واش عرفتو كدار ليا؟ كرامة مسحها مع الارض ، و لعلمكم هوما كياكلو و انا كنخرج فالثلاجة و نخملها حيت ماما قالتها
خوتي راه عييت راه صافي واش ندوز الموس على رقبتي و نتهنا؟ الذل و الاهانة و العصا و الحبس و كل نهار كل نهار و بالشهور و السنين ،راه انا صغيرة و حاسة غتخرج فيا شي مرضة و بغيت نهرب و لكن خفت ، ماعندي فلوس الى بت فالزنقة انا بنت اتوقع ليا اي حاجة (الى بانو ليكم اخطاء ولا راه عندي واحد التيليفون ثقيل و النص فالشاشة ماخدام)