u/Strawberry_vanilla7

​

عايزه الرجاله تقولي احساسهم لما يحسو بالظلم والقهر وان الراحه الحقيقيه في العياط وانه محتاج حد يحضنه، بس هو خايف من الهويه الرجوليه بتاعته انها تتأثر وتتكسر!

طول الوقت بلاقي الرجاله بتنصح بعض ان مينفعش الراجل يعيط ولا يظهر اي مشاعر ضعف قدام حبيبته ومراته، عشان ميقعش من نظرها وتشوفه قليل الرجوله ومش قوي وان مش ده القائد الي هتحتمي فيه كأنثي.

طيب لو انتو مش بتعملو كده مع شريك حياتكم بتعيطو وتظهرو ضعفكو لمين؟ لأصحابكم؟ ولا بينكو وبين نفسكو؟ ولو انتو من النوع الي بيرفض يعيط قدام حبيبته بتتمني انك تتخلي عن كل الشعارات الرجوليه وتظهر مشاعرك الحقيقيه ليها عشان تطبطب عليك وتكون حنينه عليك؟

انا مجربتش ان حبيبي يعيط قدامي بس اخواتي الولاد الاصغر والاكبر بيعيطو عادي، وكل الي بحسه بالغضب ان حد سبب ليهم مشاعر الظلم الي خليتهم يعيطو ورغبه في الانتقام، لاني مبلاقيش اخواتي بيعيطو غير لما يتعرضو لظلم شديد، وعايزه برضو البنات تقولي رأيها في انها تشوف راجل بيعيط سواء ابوها او اخوها او حبيبها وايه الي بتحسه؟ بتكوني عايزه تهوني عليه وتحميه من كل مشاعر اذته؟ ولا فعلا بتشوفيه تافهه وعيوطه ولازم يكتم دموعه؟

انا عن نفسي انه يخرج دموعه ومشاعره في سلوكيات زي العياط والحاجه للحنان، بدل مايكسر البيت ويضرب الي حواليه ويأذي نفسه وغيره.

+

انا مبتكلمش عن الشخص العيوطه فعلا، لان سواء راجل او ست اي حد بيعيط علي كل حاجه واتفه حاجه مبقدرش استحمله، لاني بحي بالاستنزاف العاطفي او الشخص بيحاول يستغل عاطفتي، ولكن اقصد الناس الي بتتعرض لظلم وقهر"

اي حد من اهلي لما بيحب يجبلي حاجه وقت زعلي يجيبو شوكولاه وحلويات او اكل من الشارع، وده بيحطني تحت ضغط نفسي وذنب وبحس بمشاعر سلبيه بدل ما يخلوني افرح، ضغط نفسي بسبب انهم بيجبو كميات كبيره وسعراتهم عاليه جدا ولازم افضل متحكمه في نفسي عشان مقومش اكلهم كلهم، وذنب اني بحس لو فقدت السيطره اني وحشه واني بوظت جسمي خلاص، انا كان عندي اكل عاطفي وشراهه وكان جسمي بيتعبني من كتر الاكل، واتعالجت وبطلت ده بقالي سنه ونص، ولكن لسه اهلي مستمرين في طريقتهم دي عشان دي طريقه تعبيرهم عن الحب وانهم كده مهتمين بيا، بس ده بدأ يضغطني.

انا معنديش مشكله اكسر يوم في الشهر واكل حلويات او جانك فود، بس مش كل يوم يجبولي الحاجات دي وتكون قدامي والمفروض اتحكم في نفسي كل يوم عشان مقعش في نوبه شراهه؟؟!!!

في حد زي؟ وبتتعاملو ازاي في الموقف ده؟

عاملين كام بيرسينج؟ وبتشترو من فين الحلقان يكون شكلها حلو وستانلس ستيل او تيتانيوم من مصر؟ انا اشتريت من تيمو وحلوين جدا بس خايفه اخرم بيهم في الهيلكس يحصل مشكله انه ميكونش ستانلس ستيل جراحي+ الي عاملين في اللسان او الشفايف محتاجه اعرف تجربتكو وهل صعبه في الهيلنج وكنتو بتاكلو ازاي؟ والسره برضو قولو تجاربكم 🫶🩷