سؤال للبنات فقط 🚨
السؤال للبنات فقط، بالله عديه، ولا تعطيني رأيك وشكرا
انا الحمدلله حصلت انسانة مناسبة وناوي
اخطبها واتزوجها بأذن الله.
لكن عندي مخاوف بسيطة وحاب استفسر عنها هنا
في بعض الDealbreakers اللي كانت عندها تنطبق عليا.
فا وضحت لها هذي الاشياء، وتناقشنا فيها، في الاخير تقول انه مو مشكلة وانه عادي.
لكن صراحة انا مو مرتاح مع اني اخليها تسوي كل هذي التنازلات عشاني، والموضوع مضايقني.
من التنازلات:
١- هي تحب السفر جدا، وانا صراحة انسان محايد يعني عادي اسافر وعادي اقعد هنا طول حياتي.
اللي حصل انها طلبت انه اقل شيء نسافر لمدة ٢٠ يوم كل سنة لدولتين مختلفة يعني ١٠ في كل دولة…
انا صراحة رفضت لان ما اشوف نفسي قادر ماديا او نفسيا انه اسافر بهذي الكمية لبقية حياتي. وما ابغا اعطي وعود او اوافق على شرط وانا مو قده.
الموضوع مو انه اشوف طلبها غلط، انا اشوف انه انا غير قادر على تلبيته.
كان اقتراحها انه اذا انا ما اقدر اسافر في سنة معاها انه تسافر لحالها او مع صحباتها وانا رفضت هذا الشيء. لان ما اشوف فيه احترام ليا. فوق انه ما يجوز.
تناقشنا كثير في الموضوع وما قدرنا نوصل لحل وسط.
انا جاهز اسافر معاها قد ما نقدر، لكن مو جاهز اعطي اي وعود انا مو قدها.
٢- كان عندها صداقات من الجنس الاخر اون لاين، وطلبت منها توقف تتواصل معاهم وتنهي هذي الصداقات. لانه حرام وانا انسان محافظ الحمدلله وما عندي اي علاقة او صداقة او تواصل لا في الماضي ولا حاليا الا معاها. فا توقعت نفس الشيء منها.
وافقت بعد نقاش طويل، لكن اخاف انه الموضوع حسسها اني "متحكم".
٣- كانت تبغا نوع من القطط الكبيرة في المنزل، وانا صراحة رفضت هذا الشيء لاني مو متعود صراحة اعيش مع حيوانات
لكن وصلنا لحل وسط لي اثنين قطط عادية.
٤- هي تحب تطبخ، وانا انسان عندي حساسيات كثير تمنعني انا استمتع بالاشياء اللي تطبخها.
فا سؤالي هل نحن غير مناسبين لبعض بسبب اختلاف رغباتنا؟ حتى لو كان فيه اعجاب في طريقة التفكير والاخلاق والقيم الدينية وارتياح؟
وايش راح تحسي لو انتي مكانها؟ هل انا منجد متحكم؟
معلومات اضافية:
نحن من نفس الطبقة، بس من ثقافات مختلفة، انا عمري 27 هي 22, انا ما عندي اي خبره سابقة ، هي عندها.