بقيت بشوف سوال مش كيوت ف بتعصب ف بزعق ف بتخيل اني صحيت العفريت الي نايم وهو متعصب ف اضحك بصوت عالي ف اصحي ابويا

ف يقوم يشتمني

بِسْمِ اللَّهِ الرَّحْمَنِ الرَّحِيمِ

.

كتير مننا بيسعي لانه يلاقي ناس شبه حد يحبه حد يخاف عليه حد يهتم بيه يمكن علي الاقل حد يفهمه او يسمعه لما يبقي متضايق لو حصل منك مشكله مثلا قدام باباك مديرك حد ف العيله بتزعل جامد فشخ ومش بعيد يتضايق منك وشبه ينفجر لما تكون محتاج فلوس وتروح لحد و انت مكسور و تبقي تقيل علي قلبه ولا انت طايق ولا الي رايحله طايق الموضوع دا لما تدي لحد اهتمام و طاقه و حب و كل حاججه و ف الاخر هو ميقدركش ولا يقدر مجهودك و من اقل غلطه منك يقلب عليك

.......

( الرحمن الرحيم )

هو الي رحيم بيك و عارف ضعفك وخايف عليك من اي حاجه ممكن تاذيك خايف عليك من نفسك وقراراتك الطايشه و انت برضو لسه زي الاهبل بتدعي انك عايز السكينه عشان تدوق طعمها زي العيل الصغير عمال بيزن يزن فاكر كم المواقف الي انت كنت قربت تقع ف مشكله كنت ف ادني حته ف حياتك وطلعت منها فاكر الحجات الي قولت لا يمكن تتحل و اتحلت لايمكن تتظبط وظبطت طب ولو مظبطتش ماهو انت ملكش فيها خير ياقلبي

....

( الغفار )

لما انت بتغلط ف حد او تضايقه من غير قصد لما يحصل منك مشكله ف الشغل تفتكر لو عملتها 5 مرات المدير هيبقي مبسوط ؟ مظنش الوحيد بلا استثاء الي بيسامحك رغم انك لسه مش ملتزم لسه بتغلط و خلي بالك انت مش بتغلط مع اي حد انت بتغلط مع ربنا وبرضو مسامحك وبيغفرلك و اصل الغفران هو الستر والتغطيه و بعدها العفو ( و العفو يعني انه يشيل الذنب كانه محصلش )

.

( الكريم )

كام مره انت بتقعد تدي تدي تدي من حب و اهتمام و فلوس و ف اول موقف يتقابل بنكران طب ياعم طلع الي قدامك جدع و قابلك بحب وموده بس هل تفتكر هو فعلا شايف ان الي انت عملته كله؟ لا هو بيشوفو ب اقل من حجمه حتي لو اقل بحاجه بسيطه ف حتي ف نفسه لو هو هيردلك الاحسان او التعامل الكويس هيرده بالمستوي الي هو شايفه ده لو رده اصلا مبالك بقي الي بيعاملك بالعشر اضعاف ... والغلطه بيحسبهالك بغلطه .. فاكر كم المرات الي كنت بتقرب فيها من حد و بتبذل مجهود عشان تبقو صحاب تتعين ف شغل اي حاجه هل الطرف التاني كان بيبقي دايما بيحاول يقرب منك بنفس القدر ؟ لا مش كل الاوقات بس خد بقي عندك ان ربنا بيحبك و بيقرب منك بقدر اكبر من الي انت بتحاول تقرب منه بيه

.....

و اقعد عد ف اسماء الله الحسني من هنا لبكره وشوف قد اي ربنا جميل و قد اي انت مقصر ف حقه

كلنا بنغلط محدش كامل بس حاول تعرف عن دينك وربك اكتر هتعرف انه الوحيد الي يستاهل احسن معامله اسعد الله مساءكم

بحبكم وكدا 😘💕

اي الي هيحصل لو اتعاملنا مع الناس ف الشارع زي ما بنتعامل معاهم ف السوشيال ( بعيدا عن اني بقيت بعمل لايك حرفيا )

...

هل تعتقدو دا ممكن يحل الموضوع؟

بِسْمِ اللَّهِ الرَّحْمَنِ الرَّحِيمِ

.

في الوقت الي احنا فيه بقي في كميه كبيره فشخ من الناس قافله علي نفسها اوضتها و قاعده اغلب حياتها قدام شاشات حتي اهلهم يمكن مش بيشوفوهم زي ما بيقعدو علي الفون ناس عايشه ف عزله حتي عن اقرب الناس ليها

....

طبعا الموضوع دا بسبب الحاجه الي هما بينعزلو عشانها الي هي غالبا التلفون

.

الحل للحاجت دي هو الشغل او التطوع او انك تلتزم ف المدرسه او الجامعه الي هو انك تغير روتين حياتك عمتا ( طبعا الشغل بيبقي احسن بشوف الشغل حل لمشاكل كتير ف الحياه ) وتبدا تنزل وتتعامل مع بشر بس كدا

كانت ايامنا جميله دلوقتي كل واحد ماسك الفون وقافل علي نفسو بالب الموضوع بقي يحزن جدا