ilo musi li ike mute a tawa mi
mi tawa tomo sona mani mi lon tenpo suno ni la, mi lukin e ijo ni: mi pini e lukin mi la mi wile ala e ni. jan wan li jo e ilo musi sin tawa tomo ni. ilo tawa pi pana sewi li tawa e ona li awen open lon monsi tomo. mi kama telo sijelo la, mi anpa lon supa li lukin e monsuta ni pi ilo ona. ona li pini awen e supa ona kepeken palisa kiwen li awen alasa e ilo wawa pi linja wawa ni: ni li suli tawa noka pi jan Emi Suma. mi tawa lili mute. mi awen toki e ni tawa mi: mi en ale li pona. ona li ken a alasa e ilo a. telo li tawa lon sinpin mi la, toki pini ni mi li pana tawa jan sama mi: mi olin e ona. jan pi pana sona li kama pana sona la, ona li open e ilo ona. suno kule li kama suno wawa tan ilo sitelen ona pi anpa kule sama ilo utala pi seli wawa la, kalama wawa li ale kute mi li ike e lon mi. wawa ma ale li kama ala. tomo li tawa mute la, ilo pi kon lete li kama tawa sike. tenpo lili a la, lon mi li tan lon pi pona wawa tawa ala nasa pimeja ni: sijelo mi li pakala tan kon wawa tan kalama wawa pi ilo lete. sijelo mi li kama anpa la, mi telo oko la, tomo sona mi en ma mi kin li kama anpa. ilo musi li ike mute a tawa mi.