انا محتاج حد شغال او كان شغال في teleperformance هسأل عن شوية حاجات

و الف شكر

من حوالي تلات اسابيع و انا ماشي بالعجلة كنت طلعت علي طريق سفر كده (ايوة انا عبثي شوية و بحب اطلع طلعات طويلة بالعجلة لدرجه اني بوصل علي طرق سفر مثلا من القاهرة للفيوم) المهم و انا ماشي بالعجله الكاوتش فرقع طبعا انا بقيت في موقف زبالة مش عارف اعمل ايه و انا في طريق صحرا فضلت طبعا واقف حاولت اصلح الكاوتش بتاع العجله اهو علي الاقل بس اثبته يدوب اطلع علي اي مكان منفعش خالص

فضلت واقف مش عارف اعمل ايه و معنديش حد اكلمه و كنت واقف عادي علي جنب مش مثلا بشاور لقيت حد بموتسيكل محترم اسمه استاذ شريف بيقولي مالها العجله قلتله لا مفيش الكاوتش بس اتخرم قالي طب تعالا انا عارف عجلاتي قريب بصراحه اترددت قلت هتخطف خلاص 💀

قعدت قلته لا ولله مفيش حاجه خلاص و علشان ميبقاش فيه عطلة و هو مصمم حطيت العجله ما بيني و ما بينه و مشي كتير جدا جدا لحد ما رحنا عند عجلاتي نزلني عندة و قعدت اشكرة جدا جدا و قلتله لو فيه حاجه او كده (فلوس يعني) قالي ولا اي حاجه ابدا و قام مشي علطول حتي انا قبل ما يمشي قلتله اسمك ايه و دعيتله

يمكن يبان موقف بسيط جدا بس فعلا بجد انا كنت علي تكه و اعيط ولله لسه فعلا فيه خير وسط كل الشر و الظروف و الأوضاع الزبالة اللي عايشين فيها ياريت بجد لو في ايدك تعمل موقف واحد كويس اعملة و متبخلش كان ممكن الراجل عادي يمشي و يسبني و اكيد مش هلومة لكن هو شاف ان في ايدة يساعدني و عمل كدة

ربنا يباركلك يا استاذ شريف بجد مش هنسي الموقف دة (خصوصا اني كنت هطلب عربية بحوالي 400 جنيه علشان تيجي تخدني 💀)

انا محتاج حد شغال او كان شغال في teleperformance هسأل عن شوية حاجات

و الف شكر

انا فيه بنت بحبها حب نقي بمعني الكلمة كنت بفرح بس لمجرد انها قدامي كنت ببقي مبسوط لما اشوفها كانت معايا في المدرسة

من و انا صغير لحد ما بقيت في جامعة مش عارف اطلعها من دماغي كل مره بحاول انساها افتكرها اكتر مش عارف اطلعها من تفكيري 9 سنين عدو و لسه برضو كأني شفتها امبارح عمري في حياتي كلها ما شفت واحده اجمل منها و معتقدش اني هقدر اطلعها من دماغي معرفش لو ده عقاب اني مش عارف اوصلها ولا اكلمها لكن انا بجد عمري في حياتي ما حبيت حد قدها ولا عمري شفت حد في جمالها كان نفسي تعرف اني موجود او علي الأقل كان يكون عندي الشجاعة اني اكلمها لكن اللي حصل حصل

خدو القصه دي كا نصيحه لو في حاجه في حياتك عايز تعملها (حب, فرصة, سفر, شغل) و خايف منها اعملها لان اكيد اكييييد العواقب مش هتبقي اسوء من الندم و انك تقعد تقول ''يارتني عملت'' فا اعملها حتي لو هتحصل مصيبه المهم انك متقولش الجمله الزباله دي

في الأول بس عايز اقول ده بوست طويل علشان لو حد مش عايز يقرا كلام طويل اكون وفرت وقتك

انا واحد طول عمري بحاول اكون كويس ومأذيش حد ولا اتعمد اضر حد
يمكن اكون غلطت من غير ما احس يمكن حد اتأذى مني وانا مش واخد بالي بس اللي انا فيه ده مش فاهم سببه ايه من يوم ما صاحبي اللي كبرت معاه واكلنا وشربنا وضحكنا سوا من الطفولة بطل يكلمني فجأة و كان بيقعد يتجاهلني قصد واختفى واحدة واحدة من حياتي من غير سبب واضح وانا حاسس ان في حاجة اتكسرت جوايا الاصعب انه بقى يخرج مع دفعة المدرسة اللي كانت اصلا مش طايقاني و كانو بيأذوني و هو كان الوحيد اللي مهون عليا فترة المدرسة و ده لمجرد اني هادي ومختلف ومش بحب الزحمة

نفس الحكاية اتكررت في الجامعة برضو نفس النظرات ونفس الاحساس انك مش مرغوب فيك عشان انت ساكت وفي حالك محدش طايقني يمكن الحاجة الوحيدة اللي كانت مريحاني شوية ان علاقتي بالدكاترة والمعيدي كويسة

حتى العيلة الوضع مش مريح فروع كتير منهم مش بيحبوني من غير سبب واضح غير ابويا وامي الحمدلله بس عمري ما حسيت باحساس جد او جدة او عم قريب مني دايما في مسافة دايما لوحدي حتى لما ربنا رزقني بقطة قعدت معايا سنتين كانت الحاجة الوحيدة اللي مستنياني كل يوم وماتت وسابتني لوحدي

و علاقتي العاطفية يمكن دي اكتر حاجة بائسة انا شخص بطبيعتي خجول لدرجة وحشة قعدت تسع سنين معجب ببنت من بعيد حب بسيط ونقي كنت بفرح بس لما اشوفها وقلبي يدق بسرعة كان حب نقي مكانش فيه شهوة ولله ولا عمري بصلتها نظرة وحشة انا فعلا بجد لحد دلوقتي عمري ما حبيت حد قدها في الأخر كنت اجبن من اني افتح حتي مواضيع معاها و اتخرجت من المدرسة و معرفش عنها حاجة بعدين عرفت ان نفس دفعه المدرسة الحقيرة دي طلعت عني كلام و هي عرفته و اتأكدت اني لما بعتلها ادد عملتلي بلوك ولما حاولت ابقى اشجع ولو بنسبة بسيطة مع حد تاني في الكلية اتخنت كنت ناوي اخطبها وامشي صح على قد ما اقدر بس اللي حصل حصل

حتي الدفعة الزبالة بتاعت كليتي كنت انا معروف في الكلية بعمل ملخصات فا شوية ولاد عندهم عقده نقص الله اعلم بقي معجبهمش كده او متضايقين مني الله اعلم جم في اخر السنة خدو درجات الترم التاني و انا كنت واقع جدا فيه و درجاتي وحشه لان والدتي كانت تعبانة في الفترة دي و نزلو بوست علي الفيس يتريقو عليا فيه اللي هو شوفو اللي بيعمل ملخصات عامل ازاي

لحد اخر حاجة حصلت من كام شهر تاني صاحب طفولة ليا مات الله يرحمة

واحد سابني و باعني ومشي والتاني مات وكل مرة بقول الوحدة خلاص وصلت لاخرها بلاقيها بتزيد لحد ما بقيت حاسس اني ممكن في يوم اصحى ومبقاش عندي طاقة استحمل اكتر

يمكن حد يشوف ده ضعف او مبالغة او كلام تافة ويقول في ناس اسوأ بس انا محكتش كل حاجة و مكنتش عايز احكي بس علي الاقل اكون شيلت شوية من اللي جوا

انا طول عمري مقتنع انك تكون كويس ده واجب مش اختيار ليه تبقى وحش وانت تقدر تبقى كويس لا بشتم ولا بأذي حد ولا بحب المشاكل وفي الاخر لقيت نفسي قاعد بين اربع حيطان غرقان في ندم وحاجات كتير كان نفسي تمشي بشكل مختلف و علي الجانب الأخر ناس شايفهم بيدوسو علي كل حد و بيعملو كل حاجة وحشة و مليانين شر و غل و حقد وعايشين في نعيم

يمكن ده عقاب, الله اعلم
اسف لو طولت ولو ضيعت وقت حد

اللي مستنيك:

https://preview.redd.it/n73n9mpryzah1.png?width=807&format=png&auto=webp&s=007b6ff232452c707abc404c39059af19b3f4b98

تخيل ان lucia تكون دخلت السجن علشان قتلته

https://preview.redd.it/x14jws0n4w9h1.png?width=516&format=png&auto=webp&s=6c69d52cc64b1b3a96bedd30c007aaa1c295bf1d

https://preview.redd.it/eamyadhz0w9h1.png?width=1146&format=png&auto=webp&s=a339e4780ee305af9e6ab28e6ddad33e1b449cd7

هو للاسف انا بطبيعتي خجول جدا عمتا (مش بقولها علشان ابان كيوت ولله ولا العبث ده انا مش حابب ده فيا اصلا) و اكيد البنات مش بتحب ده

يعني انا فاكر في مره كنت مع بنت اعرفها من الكلية و كنا قاعدين في كافيه مسكت
ايدي فجأه انا ارتبكت و بعدت ايدي و قلتلها يلا نمشي من هنا طبعا (و الاكيد) من بعدها مبقتش بتكلمني

فا انا مش عارف هل فعلا البنات مش بيحبو الشخص اللي بيبقي خجول او خام عمتا ولا هي مثلا ممكن تكون اتضايقت اني احرجتها مع انه مكانش قصدي فعلا ده فجأه رد فعلي مني مكنتش اقصد

بس بعيدا عن الموقف ده بيحصلي برضو حاجات كتيرة زي كده و انا مبقتش حابب اني بالطريقة دي و قافل علي نفسي و غالبا هموت لوحدي 💀💀

هل مثلا فيه حلول؟ انا بقيت احاول اكون اجتماعي اكتر بس حاسس ان ده محلش حاجه

(و للمرة المليون مش بقول كده علشان عايز اتنشن فعلا لو حد عنده حل يقول 💀)