u/Wonderful-List393

السلام عليكم

احد يعرف فين متوفر؟

في سن الشباب الرجل عنده حرية اكبر انه يسوي اشياء اكثر، حتى اكبر التزام بالحياة وهو الزواج او انه يخلف الى حد كبير هو مجبور ماديا فقط ومقارنه بالتنازلات اللي المراة لازم تعطيها هذا شي مره اسهل، غالب النساء وظيفتهم تتاثر نمط حياتهم وهواياتهم تتغير، حتى وقت الانفصال سهل ان الرجل يبدا ثاني من جديد (وهو ما يتاثر كثير، لان ما اضطر انه يتنازل وظيفيا في سبيل عشانه اب) بس المرأة لا تكون مربوطة باطفالها فتكون ضحت وتحس انها خسرت وتراجعت في مستوى حياتها.

​

في سن الشيخوخة احس ان النساء اكثر توازن ونضج في التعامل معها، يمكن لان نمط حياتهم في شبابهم ساعدهم ينضجوا عاطفيا اكثر ويكونوا مرنين. ادري جدا ان كثير من بيئات العمل عموما صعبة وتحتاج صلابة بس رغم كذا هي ماتتطور الانسان عاطفيا تخليه يصبر فقط (وصح الامومة فيها صبر) بس صبر بيئة العمل شكله ومشاعره غير مهو بعمق عطاء الامومة ومشاعرها اللي تخليك واعي غصب.

​

وسبحان الله لكل إنسان نصيبه من الدنيا.

​

ما اتكلم عن توقعات المجتمع ولكن الامر صار رغبة بداخلك ان ترتبط بأحد او تشيل مختلف مسؤوليات الزواج، فان تقدم التزامات يومية وتشارك حياتك مع احد وممكن رغبة ان تخلف (الاخيرة ما احس شرط تجي مع السابقين بنفس الوقت).

انا من جدة بس اختلطت بفترة من حياتي ببحارنة، لاحظت تكثر عندكم لدغة الراء. مدري هي لدغة او مجرد اختلاف لهجات فتنطقوها غير مثل تقليب الكاف لشين مثلا في بعض المواضع.

احس سؤالي سخيف بس لاني لاحظت ان الراء لكم نطق مميز لها ومعرف لهجة ثانية عندها نفس الظاهرة. عكس ظواهر الاخرى اللي بلهجتكم وهي شفتها بلهجات اخرى كمان. ففيني فضول اعرف😅

دوبي استوعب الكلام لما يولوا عن براءة الطفولة. كان اكبر همي باليوم وقت النوم واكثر مايسعدني اتفرج الامور اللي احبها بالتلفزيون. همومي تافهه واحلامي كانت بسيطة. الحمدلله اني كبرت في امان وعافية بس كل مااحتكيت بالدنيا خسرت شي، ما ابغى اتحول لشخص سلبي او يشوف الشر في الناس، بعد ما الموضوع توفيق من ربي اعتقد لهذا مهم ان الانسان يكون شخص كويس وطيب وممتن لله ليقدر يشوف الخير. طبعا بنفس الوقت من اكبر اختباراتي والامور اللي احاول اتعلمها حاليا هي وضع الحدود، الموضوع يتطلب مساحة بالنص عشان لا اكون طيبة بزيادة ولا اصير شريرة او نفسي كئيبة.

امر اخر عندي فضول حقيقي، ايش شعور ان يكون عمرك ٦٥؟

تحتاج تكون قوية عشان عيالها ع الاقل، لان كونها ام بذاته يخليها بموطن ضعف وسهل اذيتها. قوية بكل الاشكال، ماينفع تكون مو عارفة نفسها واولوياتها وتأثر بكلام المجتمع وتوقعاته بسهولة، صعب تكون بدون أدوات تمكنها على كسب المال (على الاقل في حال حدتها الظروف).

هي فعليا اكثر فئة في المجتمع تحتاج يكون عندها استقلالية بشخصيتها ومشاعرها وماديا، مو معنى هذا انها تكون مختلفة لتكون مختلفة طبعا بس معناه تعرف تحط حدود. اذا خلفت بدون هالامر سهل جدا تذوب وتشقى نفسها وعيالها بضعفها.

طبعا في زمن اقتصادنا الرأسمالي اللي يقيم الامور على اساس قيمتة مادية، يبدو ابدا مو عادل ان الامومة على رغم انها تفيد الاقتصاد فهي توفر الجيل التالي من الأيدي العاملة الا انها بدون اي مقابل مادي.

طبعا هذي كلها افكار ثانوية امام مشيئة وعناية الله، الله يرحمنا دائما من واسع رحمته وييسر امورنا ولايكلنا الى انفسنا طرفة عين فنذل ونشقى، بس اشوف اخذها بالاعتبار مهم من باب السعي اللي احنا مامورين فيه.

كمان ما اقصد انظر بكلامي، مره حال صعب ان اكون قوية وفيه من يعتمد علي وياخذ كل طاقتي وذهني وتفكيري، الله يوفقك كل ام ويرزقها بيئة داعمه واعية تعينها انها تكون أقوى 💚

ايش رايكم؟

اللي اعرفه عنه انه عاش طفولة فقيرة، بس كان مدلل عاطفيا وتلقى تعليم كويس وكان يعرف لغات، صحيح انه مسيرته المهنية صادفت زمن "محظوظ" فاشتغل ٣٠ سنة بوظيفة كويسة بس انا اعتقد انه عموما كان شخص مبروك ميسر 💚

هو اكثر شخص مؤمن اعرفه، كان قريب من ربي ويحبه الله ويحب الرسول عليه السلام ويكتب الاشعار فيه. اشهر قبل وفاته سالته عن روتين يومه، كان عبارة عن ذكر وتعبد. واللي اعرفه انه حتى بشبابه كان كثير العبادة وكان مبروك ان وفق ليسوي عبادات بعدد اغلب الناس تحلم فيه مو اكثر💚.

يعجبني فيه انه كان شخص منفتح وسهل لجيله، كان يشوف الايمان شي داخلي وحتى بعز الصحوة كان مايحب تنميطات المجتمع والتشدد اللي تخلي الدين أداة تحكم ورياء وتضعف مراقبة الانسان لله على حساب الانشغال بالناس، كان شخص حنون وسهل (ما اعرف امه الله يرحمها بس الله يجزاها خير لانها ربت شخص ممتلئ عاطفيا❤️).

ومن كرم الله عليه ان عاش لاخر عمره بصحة تعتبر جيدة لعمره، وتوفي بيوم الجمعة وكان اخر كلامه من الدنيا الشهادة💚

الله يرحمه ويرحم موتى المسلمين 💚💚

مثلا اول وظيفة لي كانت تبعد عن البيت ٤ دقايق مشي (ابدا ماشلت هم مواصلات). رحت لهم بدون سيفي ولا اي استعداد او تحضير كان عمري ١٧. قبلوني وقالولي تعالي بكرة.

في وظيفة ثانية اشتغلها برضوا ماكان استعدادي افضل شي، بين ماكتبت السيفي وبديت اشتغل معاهم اقل من اسبوع، بأوقات كان محد في الفريق يقدر يسوي الشغل غيري وكنت استغرب لان اشوفه سهل جدا، احيانا كنت احس كان الوظيفة مفصلة لي سبحان الله.

بمعايير البشر انا انسانة ذكية واتعلم بسرعة والناس دايما تقيس على مهاراتي فين لازم اكون او اسوي. الواقع ان رزقي جاني في اوقات ضعف لي.

في أوقات قريبة كنت اكبر ومستعدة ورحت مقابلات وترشحت وارسلولي العقد بس الموضوع بآخر وقت تكنسل لأسباب لوجستية خارجة عن ارادتي. صارت لي ٣ مرات للان. خيرة اكيد.

الحمدلله اني ربي يهب باختياره وحكمته وبعيدا عن "استحقاقنا" لانه شي هش وغير ثابت وقاصر النظر.

بما اننا بأيام فضيلة ادعولي وللمسلمين ان ربي يرزقني بوظيفة فيها تيسير وبركة ونمو وخير ورزق حلال طيب💚.

وكمان الشاهد من كلامي، تذكروا وين ربي عطاكم بكرم بعيد عن قدراتكم واستحقاقكم، احيانا لما الانسان يكون في حال احتياج لشي ما يقلق وينسى ويقعد يفكر في ضعفه تجاه العوائق، ما كأن ربي سبحانه رزقه من قبل وهو كان اضغف واعجز.

السلام عليكم

انا بنص العشرين مع مسار مهني غير منتظم

Nonlinear

لسه بحاول اكتشف المجال المناسب المتاح لي، نظريا فيه كثير مطلوبة بس فعليا المعيقات كثيرة ومافي شي اضمن من شي.

احس الموضوع ثقيل لاني اقرر و على الواقع مافي خيار صح او انسب وفي كلها سهل ان اشوف ليش كل مجال صعب الاقي فرصة فيه او اوصل لمكان.

اللي احاول افتكره ان علي السعي والنتيجة وان رزقي مكتوب. وان عمليا علي اصمل في مسار كفاية.