​
ترا العلبة كانت مليانة بس اكلتها 🤣 لذيذة ما ادري متى اخر مره طلبت حلقات بصل بس شفتها بالمنيو وقلت اجرب وهذي كانت وجبتي المفتوحه 🫣 طعمها كلاسك اونيون رنقز مافيها لا شي زايد ولا شي ناقص
اعطيها 8/10
والكمية مره حلوه على السعر ١٧ ريال
​
هالاتي عقدتي بهذي الحياه جدا قوية زي الصوره بالضبط دائرة كاملة حتى على عظمة الانف، وتعطي شكل مرهق وتعبان حتى انا دايم انام بدري وماعندي فيتامينات ناقصه واشرب مويه كافيه
مين كانت تعاني مثلي وجربت شي اعطاها نتيجة؟ سواء كريم او سيروم او ليزر او اي شي
​
انا اقوم قبل الدوام ب٤ ساعات تقريبا بس احس من اول ما افتح عيوني عقلي يتذكر كل شي لازم اسويه اليوم واقوم مستعجله عشان انجز اكبر قدر من المهام 🫨 احس اني مسكينه خلاص لازم ارتاح انا اوريدي عقلي شغال من الصبح لين الليل استحق راحه بالصباح، ولا احب نظام اقوم قبل الدوام بساعه ولا نص ساعة
ف الحين ابغى اسوي روتين صباحي بطيء وهادي ايش تقتروحون او ايش جربتوا وفرق معكم؟ مثلا قراءة شاور كتابه او حتى ممارسه هوايه او تحضير الفطور بروقان
مؤسس السناب وزوجته عارضة الازياء سابقًا
هو ملياردير وهي مليونيره
هو شاطر بمجال التقنية وهي شاطرة بمجال العناية والصحة
هو ناجح وهي ناجحة
كل واحد عنده شركته واشغاله الخاصة المستقلة عن الثاني
يدعمون بعض في احتفالات شركاتهم
دايم يتبرعون ويسوون أعمال خيريه سوا، مثلا يدفعون رسوم طلاب الجامعات وقبل كم يوم سددوا الديون الصحية لسكان كاليفورنيا بقيمة نص مليار دولار
ما ينشرون غسيل بعض زي باقي الكبلز المشاهير محافظين جدا على خصوصيتهم وخصوصية أطفالهم، عندهم ٤ اولاد
شفت له مقابلة يقول سبب نجاح علاقتهم انها هي انسانة ناجحة ومشغولة بنفسها من قبل يتزوجها مو فاضية وناشبه له طول الوقت لأن هو بعد عنده شركه عالميه يديرها مو فاضي ف صار فيه توازن وتفاهم بينهم كل واحد مشغول ويحس بالثاني لما ينشغل ويفهمه
الحمدلله على النعمة اولا
ثانيا الطعم اسوء شبس قد ذقته بحياتي كأنه حلاوه بطعم الاناناس بس فيها حراره؟ مافيه طعم هالبينو بس حرارة ونكهة الاناناس كأنه عصير أناناس KDD مرررررره ما أعجبني ولا قدرت اكمله حتى بس اكلت كم قطعه عشان اتأكد من الي قاعده اذوقه هو صدق ولا انا اتخيل
تجنن احبها ماعندي غيرها لأن انا جنوني كله بوقت مسح المكيب لما تنزل المسكرا واجلس افرك عيني مليون مره عشان تروح البقايا
هذي بس ابلل وجهي واسحبها تحت وتنزل على شكل خيوط ولا تذوب وتروح بسرعه تقييمي لها ١٠٠٠٠/١٠٠
وهم فقط تكلموا عن جودة الحياة!
جودة الحياة عندنا زباااااااالة لا نوم لا رياضة لا هوايات
والحياه الاجتماعية من جمعات اصدقاء وعزايم ومناسبات كلها تبدأ بعد الساعه ٧ الليل الي هو وقت نوم الاوادم الطبيعيين
هذا غير الضيقة على النساء حجاب ونقاب ولبس اسود بكل المواسم لا تقدر تمشي وتتحرك براحتها بالاماكن العامه واذا شالتها وماكانت شقرا اكلوها بالنظرات
والله والله والله لو تتغير جودة الحياة عندنا اننا لا نصير دولة رقم واحد بكل شي
​
انا من صغري ماعمري اقتنعت باللي الكل مقتنع فيه في محيطي ودايم افكر واحلل اي كلام اسمعه او اقرأه واذا ما اقتنعت اعارض وكبرت وانا بنفس الشخصية لا يمكن ادخل اي شي راسي قبل ما افكر فيه واشوفه منطقي او لا، ولا يمكن لأحد انه يحشي راسه بأفكاره او يأدلجني وطبعا هالشي سبب لي مشاكل لأن محد يقدر يسيطر علي او يضحك علي سواء من الاهل او بالمدرسة
وكبرت وانا واثقة بنفسي وافكاري وما اخاف اني اختلط بأي احد واصادق اي احد لأني جدا اجتماعيه، عادي جدا القروب الي انا كنت فيه كانوا كلهم مهملات بالدراسة بينما انا الاولى على الدفعه. كانوا يعشقون المسلسلات والافلام وانا كنت اقرأ كتب تطوير ذات وروايات كلاسيكيه، كانوا يحبون الاغاني والفاشن والترندات وانا غير عنهم وعادي جدا لا تأثر مستواي ولا تغيرت افكاري ولا تغير ذوقي مع انهم احيانا يضحكون ويطقطقون بس عادي عندي اضحك معهم واكمل اسوي الي احب وهنا ثبتت عندي فكرة اني عادي ما اخاف على نفسي ولا على افكاري من اي احد وما يهمني مين الي قدامي دام انه يحبني بصادقه
إاااااللللللللللللى أن قبل 8 أشهر بديت اتضايق من كم صديقة حولي لأنهم جدا سلبيات بشكل لا يطاق وكل سوالفهم تذمر وشكاوي على كل شي وعلى أبسط الأشياء وجاحدين النعمة وقررت اني انسحب منهم وحذفتهم من حياتي، والنتيجه؟؟؟ اقسم بالله ذقت طعم الحياه واحس الحياه فيها ألوان!!! ووييييييين الي الناس ما يأثرون فيني؟ صح انهم ما أثروا على افكاري بس كانوا كاتميني وسادين نفسي لدرجة احس مافيني طاقة للحياه بعد ما اتكلم معهم او اقرأ سوالفهم خاصة ان تواصلنا صار يومي بآخر سنتين وخلال هالسنتين انجازي شبه معدوم ومالي خلق شي!! اول ما بعدت عنهم احس كأنه رجع لي البصر واستوعبت المستنقع الي كنت فيه وكيف أثر فيني وكيف اني اهدرت وقتي معهم وخلال ال8 شهور هذي انجزت اشياء ما سويتها في 5 سنوات متجمعه وأحلوت الدنيا بعيني واستسلمت لفكرة اني بشر وحتى لو ما تأثرت بشكل مباشر من الي اجلس معهم بتأثر اكيد بشكل ثاني
وبس والله هذا الدرس المستفاد انتقوا محيطكم بعنااااااااااية خاصة الأصدقاء لأن الاهل مانقدر نختارهم بس نقدر نختار الأصدقاء وتأثيرهم علينا كبير جدا جدا جدا، لو ٥ من أصدقائك أثرياء مستحيل ما تصير الثري السادس، لو ٥ من اصدقائك فاشلين مستحيل ما تصير الفاشل السادس
وشكرا
(إن الذين يرمون المحصنات الغافلات المؤمنات لعنوا في الدنيا والآخرة ولهم عذاب عظيم)
لا تقولون حرام بالغلط وكلنا نغلط، محد تتبعه وتجسس عليه ما صور بالغلط ولا كتب كل الكلام بالغلط ولا قذفها بالغلط
هو سوا كل هالاشياء بكامل ارادته ويبغى يرسلها لاحد بس ربي فضحه وطلعت لكل الملأ لأنه ارتكب احد الموبقات السبع بكامل ارادته
يتقولون البنت غلطانه وتستاهل؟ اكيد غلطانه وحماره وغبيه انها تصرف هلله وحده على ذكر اجنبي، بس ما ارتكبت جريمة ولا فاحشة عشان تستاهل انه يدخل بعرضها ما تستحق القذف الي لازم عليه ٤ شهود، الحين فيه مراهقات متأثرين باللي تزوجت الحارس والي تزوجت راعي السيارات وقاعدين يقلدونهم بكل سذاجه وغباء عشان يتزوجونهم
في الدين والقانون ما تتحاسب لان ادري بيجون حمير يدخلون من باب الدين وهم ما عندهم من الدين شعره 😂 بس هو يتحاسب وينجلد ٨٠ جلده بإذن الله وينلعن دنيا وآخره كما وعدنا بالله بالقرآن الكريم 🤲🏼
السبب لان امها وابوها واخوالها واعمامها واجدادها واباء اجدادها كلهم من نفس العائلة 😵💫 كلهم زواج اقارب وكلهم يتشابهون وكلهم باين انهم نتيجة زواج اقارب بكل صراحة وبدون شماته بس هذا الواضح من أشكالهم كلهم عندهم ضعف نظر وشوي ضعف سمع ومناعتهم صفررر وضعف في النمو وأمور ثانيه
ورتني صور عيال اخواتها الي متزوجين من عيال عمانها واخوالها ويا الله يالمنظر حرام حراااااام واضح مو طبيعيين والفك عندهم متراجع مره ويتعبون مره وعندهم مشاكل بالسمع بس اكيد ما قلت لها شي بس اقول ماشاءالله كيوت وكذا
اللللللى ان قالت لي ان ولد عمها خطبها ووافقت 😀 وهي من قبل تنخطب كثير ومن ناس كويسين يعني بس ترفض وبالاخير اعترفت لي انها معجبه فيه، قلت لها طيب ما فكرتي بعيالكم زواج الاقارب يجيب امراض وكذا قالت اي ادري بس شسوي وتضحك!! قلت لها وش بتكون مشاعرك اذا لاسمح الله جاك طفل مريض قامت تسكتني وتقول لا تخوفيني خلاص اسكتي ما ابغى افكر وهي فرحانه عشان منصبه بعد! يعني فكرت بنفسها بكل انانيه بس ما فكرت بالمساكين الي بتجيبهم ويعانون عشان قرارها الاناني هذا وترا بكامل ارادتها محد ضغط عليها
المهم اني سحبت عليها واعتذرت عن حضور ملكتها وزواجها وصرت اصرفها لين انقطعت العلاقة وطلعت عني كلام اني اغار منها 😂 يعني كمية أنانية وحقارة لا توصف في هالناس الي يدرون انهم يبغون اطفال ويدرون ان زواجهم من الاقارب ٩٥% بيجيب لهم طفل يعاني لين يموت ومع ذلك بكل انانيه يختارون نفسهم وسعادتهم المؤقته على حياة أطفالهم عالم مجنونة
​
يلبسون ملابس بوليستر فقط
ما ياكلون ويشربون الا في مواعين بلاستيك
يطبخون في قدور الامينيوم
يتعطرون بعطور مستوحاه ( مقلده)
يتروشون بصابون تجاري رخيص
يتروشون بمويه حاره
يشربون مشروبات غازيه وعصاير معلبه كل يوم
ممنوع الاكل الطازج ياكلون معلبات ومجمدات بس
ينامون الصباح ويصحون الليل ممنوع يطلعون تحت الشمس
يفرشون اسنانهم بمعجون تجاري بالفلورايد
ممنوع القراءة والكتابة
يفتحون تيك توك ٨ ساعات باليوم
يلبسون سماعات بلوتوث
كل اكلهم بارد ممنوع الاكل الدافي
الرياضة ممنوعه
ممنوع يمشون اكثر من ٢٠٠٠ خطوه باليوم
​
​
​
​
​
هذي شركة تقنية ناشئة مقدمين شي له منافسين كثير بالمجال يعني ماعندهم اختراع جديد ولا تقنية حديثة، ومبيعاتهم ١٠٠ الف ومنها ٢٠% راحت عالتسويق وما ادري كم كان ربحهم بالضبط بس الصدمة انهم مقيمين الشركة ب١٠٠ مليون!!!! يعني ١٠٠٠ ضعف المبيعات مستحيل التقييم ما ادري كيف صار وهذي المشكلة في عالم ريادة الأعمال الواحد يسوي شي ويفكر نفسه انه افضل واحد بالدنيا لا قبله ولا بعده احد لين ينصدم ان الي يقدمه شي عادي وفيه منافسين دائما وكان يشوف نفسه ومشروعه بنظاره ورديه وهنا يتعلم انه غلطان
​
​