بينما تتوجه الانظار للاهلي/الدرعية

متحمسة لنتيجة مباراة القادسية/الشباب

صح انهم مب من الكبار الاربعة ولا هي مفصلية او شيء مهم لكن اخر مباراة للقادسية بالدوري كانت

٥ - ١ ضد الاتحاد

ف اكيد القادسية بيبدعون مره ثانية ضد الشباب

او ممكن الشباب يحطم التوقعات ويبهرنا

‏للوصول السريع إلى الصور الرسمية للقيادة، يتيح المركز الإعلامي بوزارة الإعلام صفحة مخصصة للتحميل

بنات ماني عارفة كيف اوصف المنتج بس اذكر في فترة طاحوا فيه و كنت اقول اووه هبة و بنساه على طول بس للحين افكر فيه

علبته كانه سيروم العين الرول و هو كريم عين مو كونسيلر او اي شيء بس لما تحطين الكريم ياخذ لون بشرتك (؟) الي على الحرارة و كذا عرفتوا؟

ابيييه ماعرفت كيف اوصفه ب تيك توك ولا ادري وش ممكن يكون اسمه الي عندها اي فكرة بليز تعلمني 🙏🏻🙏🏻

هو يعتبر سكين كير + ميك اب اليومي حق الدوامات اغلب البنات كانوا يستعملونه بتيك توك اذكر للترويج على منتجات ثانية زي بلشر قلو ريسبي "الطبيعي" ف تقول مكياجها اليومي طبيعي **١٠٠٪**؜

انتم تعرفون انهم ما يستهبلون او يشخصون عليكم صح؟

شفت مقطع ب تيك توك ان في بنات "يتصنعون لهجة اهل الرياض" و تتساءل عنها ف ردت عليها وحدة "انهم بنات يسوون نفسهم مايعرفون عربي" 🙁

لا في ناس صدق انولدت برا وجلسوا مدة مايعرفون عربي و ممكن انهم ما يتكلمون عربي بالبيت

والصدق العتب على المجتمع اكثر منهم، ابدا ما يساعد او يشجع ان الواحد يتكلم عربي الكل يكرّه** باللغة و يقولك الانقليزي هو المستقبل و اعرف اشخاص كذا و اذا قالوا نبغى نتعلم عربي قالوا لهم الناس "لا مو لازم احنا نبي نتعلم انقليز**ي" 🤯

هذا غير الوظايف و الجامعات و كل شيء الي بالانقليزي، وين تبونهم يتعلمون اللغة مثلكم؟

ما افهم الي ينصدمون من هالمعلومة، كثير سافروا برا و جابوا عيال برا و خلاص تربوا على هذيك اللغة و الثقافة و عاشوا حياتهم هناك

ظاهرة اسمها third culture kids موجودة بكل العالم مو بس عندنا

السلام عليكم ورحمة الله

تعرفون وش المولات الي مواقفها مدفوعة بالرياض؟ و هل النخيل مول مدفوع؟ و اذا كان في اشتراطات معينة مثلا اول ساعة مجانًا** ال**خ

شكرًا

شاركونا موقف صعب حصل لكم وقلتوا "خيرة" و فعلا صارت خيرة

مثلا انا زعلت على كورونا لان انلغى تخرج الثانوي ولا قدرت اودع صحباتي، لكن نقصوا نسب القبول و قدرت ادخل مجال ابيه

مو** شرط دراسة، زواج عمل سفرة الخ اي شيء **

السلام عليكم ورحمة الله

انا طالعة الحين، وعشان ارجع البيت يمكن ١٠ دقايق مو مر
بعيد بس لو في زحمة يمكن ٢٥-٣٠ دقيقة
مؤشر البنزين عندي ب اخر نقطة بس الكيلوات مكتوب ١٠٠
كيلو عند علامة البنزين، متى يحتاج اعبي؟

الصدق اني مطفرة و لو بعبي مارح اعبي فل بس هل اقدر ارجع البيت؟
او بتوقف علي السيارة ولازم امر محطة؟

شفت وحدة بتيك توك وقفت سيارتها بنص لفة وخفت من الموضوع هههههههههههههه

افيدوني رجا****ءً 🙏🏻

ما طلعوا من الملعب ولا فقدوا الامل و لاخر دقيقة نسمع صوتهم

يستاهلون جائزة رجل المباراة لانهم الوحيدين الي قاتلوا بهالمباراة

هاردلك للشعب العظيم و الجمهور السعودي فقط

قولوا امين

استوعبت انهم ما يهتمون لا لجمهور ولا شعار ولا شيء، بس احترموا زميلكم الي تمصع من التصديات، مب كل شيء عليه بعد

ودي اشوف هجمة طبيعية، او نلعب ١٠ دقايق متواصلة عند مرماهم، بس لا كل الي اشوفه ان الاسبان يلعبون بالكورة و ذولي مربوشين واقفين يتفرجون كانه اول يوم يلعبون كورة 🫩

ارهقتونا واحنا ببيوتنا

اسبانيا و الراس الاخضر

🫪

انتهت ٣-٠ للسعودية الساعة ٦ الفجر تقريبا

مين تفرج المباراة؟ كيف تقييمكم لمنتخبنا؟

مو انك كبرت معه، اقصد انك كبرت على انك تتابع هالاشياء، ولا اقصد الاشياء الموجهة للاطفال

مثلا اول ما نزل مسلسل رشاش كنت مبهورة فيه، قصة تاريخية كنت اتابع القصص عنها و صارت مسلسل و كان مررره عاجبني وقتها طريقة التمثيل الادتات الي طلعته بعده الكتابة الخ

يوم رجعت اتابعه حسيت 😐 مسلسل مراهقين مره، و كلما تابعت حلقة كلما تقرفت منه ولا هو جوي ابدا

ولا كنت مراهقة وقت مانزل كنت بالجامعة، لكن تغير تفكيري مره و تغير رايي عنه

عندكم اعمال تغيرت وجهة نظركم عنها على مر السنين؟

قاعدة احاول اكل انظف بس مابي احسب سعرات بس ابي خيارات صحية اكثر (ماهتم ب تنشيف او تضخيم)

الشيء الوحيد الي ما اكله ( رز و سمك ماعدا التونة اكلها )

كل الفراكه و الخضروات اكلها ولا عندي اي مشكلة فيها

ف ودي اسمع اقتراحاتكم بعيد عن هذه

وجباتي عادة بيض و معه اشياء كثيرة او تونة و معه اشياء كثيرة واذا بغير سويت باستا و مؤخرا طحت بالبرقر كبديل بروتين

وش فيه ثاني؟

بكل بساطة بعد كل بحث اكتب -ai مثلا:

المملكة العربية السعودية -ai

موسم الحج ١٤٤٧ -ai

how to learn English effectively -ai

وهكذا، بس بترجع لقبل كم سنة لما كنت تدور بالمواقع، افضل من هبد الذكاء الاصطناعي برأيي

المهم انها تكون بالانقليزي (ai) و تكون كلمة ai لاصقة بالشرطة عشان يفهمها