Dronädebakäl - wieso baumer das zügs nöd sälber?
TL:DR - Chopfläärete - wieso vergit de Bund nöd über en Wettbewerb eh Konzession zum ih de Schwiiz Dronä baue?
Han grad en Bricht über de Chrieg ih de Ukraine gläse. Det chund underanderm d'Drone Ljutyj uf dütsch "hässig" (Antonow An-196) vor. Das Teil chostet öppe 200k CHF und isch sehr erfolgrich und zerstört Ziel über 1500km hinter de Front. Notabene das Ding lauft mitemne Zwei-Takt Boxer Motor (also en bessere Töfflimotor)
Denn luegsch ah was mir da ih de Schwiiz zämeklabaustered. 300 bis 400 Millionen Frankä für SÄCHS DRONÄ. Da sind öppe 50 Mio. pro Stuck. Ja da isch no Infrastruktur und so debi. Mir isch scho bewusst dass d'An-196 eh Eiwäg-Kamizakze-Drone isch aber glich. Das VBS (sits das Departmänt git ih bürgerlicher Hand) het fascht unbegränzt Chölä und bringt eifach gar nüt uf d'Reihe. Wenn nacher irgendwelchi sozialreforme gforderet wärded chunds Argumänt "diä lingge gäbed gärn de andere ihres Gäld us". BRÜEDER ERNSTHAFT
Und niä treit irgendöpper Konsequänze für das Gäld wo da verloched wird.
Es müsst doch möglich sie für sägemer de 10-fachi - 20-fachi Priss vo de An-196 (also öpe 2-4 Mio.) eh Drone ih de Schwiiz z'baue. Mir hend ja Firme wiä Pilatus und Rheinmetall wo so en Uftrag danked würed ahneh. Wenner scho Vetterliwirtschaft möched, denn möcheds au richtig.
Wieso wet mer immer eh absoluti non-plus-ultra Luxuslösig usem Usland. Tami he, mer chönded de Ukrainer wahrschinli es paar Panzergranate und eusi alte F5-Tiger vo de Patrouille-Suisse schicke und sie würed eus ihre Plän geh, aber nei....
Bin usserdem überhaupt nöd Chriegsgeil oder so aber ich wöt eifach nöd mitemne Mässer anere Schüsserei teilneh, wenn verstahsch wasi mein.