u/seryyy123

اختي الكبيره من وهي مراهقه لحد الشباب وهي بتتصرف بطيش وجنون وجبروت كانت بتضرب امي وتضربني وخناقتها مع اختي التانية لازم تنتهي بانهم يكسروا حاجات ف البيت ويفرجوا علينا الجيران والشارع عارف ان لازم ف كل سنه يحصل خناقة الجيران بيدخلوا فيها وامي ماستحملتش ونقلت محافظة تانية وخدتني معاها وبابا اختار يفضل ف المحافظة بتاعته

اختي ماسبتناش وجت ورانا واتخطبت لحد وفركشت وعملت مشاكل وبقت تكسر ف البيت ف كل نوبة غضب وهيستيريا بتجيلها احنا بنعاني معاها

اتجوزت وجوزها سافر وامي خدتها تقعد عندها واستحوذت عليها وبقينا لما نروح لامي تتخانق معاها وبتغير عليها مننا ومش عايزة حد يقعد ف البيت وامي كانت فمرة عايزة تجيب نجار يصلح الشبابيك اختي قعدت تصوت وتقول لجوزها الحقني عايزين يدخلوا عليا رجاله مع ان خالي كان موجود والوضع كان مجنون وامي تطلع تصالحها مترضاش تفتحلها وترزع الباب ف وشها وتقولها انا اللي كنت بشيلك وبعملك لو جرالك حاجه محدش هيعبرك من اهلك وتدعي عليها وبلاوي والحمدلله جوزها خدها عنده

ولما راحت عملتلنا بلوكات للعيلة كلها وبقيت تفك البلوك بمزاجها وتعمله تاني لامي كل ماتتقمص وتقاطع امي بالشهور وهبل وبعدها جوزها توفى وهي ماكنتش متوقعه ان فيه حاجه هتهزها وتنزلها من برجها العالي واضطرت ترجع مصر وتفك البلوكات وبتتزللنا عشان تسيب عيالها وتروح تقضي مشاويرها الحكومية

هي دلوقتي قاعدة معايه ومفيش مكان تاني تقعد فيه اول ما نزلت مصر قعدت عند امي وجوزها وجوزها ماستحملش وقالها مش قادر وجابتها تقعد معايه انا مش قادرة استحمل صوتها ولا صويتها ولا عيالها الموضوع صعب فوق ما تتحمله الكلمه العيال اشقيا فشخ وبيتكلموا كتير وبسرعه ومابيسكتوش وبيجروا وهي مابتعملش حاجه ولا بتأكلهم ولا بتهبب خرا وانا بجد جبت اخري اني مضطرة كل مرة ارجع من الشغل ابقى محرجه وانا باكل او لازم ازود ف الكمية عشان عيالها وانا مش قادره استحمل بجد انا مرتبي ع القد اصلا ومش عايزة ارتبط بيها ولا اكل معاها ولا مع عيالها اعمل ايه انا بجد بفكر اقتل نفسي مش قادرة استحمل

لو عايزة انقل دهب المرتبات ف حدود كام وعدد الساعات واسعار السكن

​

انا بجد اعصابي تعبت بشتغل سيلز ٣٠٠٠ و ٦ ساعات ف احدى اقاليم مصر والمحل بيكسب عادي وبيجيب مبيعات ف اليوم حلوة بس مباخدش عمولة ولا اي تقدير لمبيعاتي وبالعكس الناس بتخش تفاصل وتطلع ميتين اهلي وانا اعصابي بتسيب وبتوتر، انهارده دخلي عميل حرفيا وانا بقفل وخلاص هقفل المحل بس دخلتهم برضو ومقدرش اني دخلتهم وجيت ع وقتي قعدوا حرفيا ساعه يقيسوا ٥ قطع وبيستعبطوا يقولوا هاتي مقاس تاني وانا شايفة لو جبت المقاس دا هيبقى صغير قولتلو انه هيبقى صغير ضحك وقالي اه منا مجرب ف المحل التاني 😀😀😀😀 قعد نص ساعه يقيس ونص ساعه يفاصل ومحترمش اني اتاخرت ع بيتي ولا اني باين عليا التعب والانهيار والبنت اللي معاه تضحك وتقوله ما تجرب لون تاني كدا وهي شايفاني متاخرة وقاعدة بطقطب صوابعي عايزة اخلص وجم ف الاخر قالوا نساعدك ف حاجه وانتي بتقفلي؟ انا تعبت بجد وعايزة اعيط يعني صاحب المحل قدرني وقالي خدي ٥٠ ج اركبي تاكسي عشان متتاخريش ع بيتك بس انا بتعب وايه النتيجة؟ تمن تاكسي؟