u/thehosany

وحده يديده فالقسم مره حذالي يالسه مسووتلي ازعاج مب طبيعي، اول شي صوتها غليض وعالي ونبرتها انفعاليه، وهي كبيره فالسن يعني على وجه التقاعد بس مصممه تكمل بعد ثلاثين سنه خدمة، وايد تتكلم وتقاطع وتشوفني في تيمز ميتنغ تقاطعني وتسألني اسئله متكرره وانا اقول هي عندها خبره فوق ال25 سنة ليش تعور راسي المفروض تعرف اغلب الشغل. الابتلاءات انواع وهي صارت ابتلاء يومي اتحمله ماقدر انجز على راحتي وغير جذي تنقل الكلام اي شي اقوله اسمع انه انتشر، حتى المكالمات تسمعها كلها، وبعد تتكلم عن الناس وفي وحده الله يستر عليها خبرتني سالفتها وانا اساسا ماسالت وقالت لي تراني ماخبرت حد عنها الا انتي وبعد فتره اسمعها تقول سالفتها لوحده ثانيه قلت فخاطري مسكينه هالبنت فضفضت للشخص الغلط. الزبدة انا جدا متضايقه يعني حتى بوميا الصبح يوم انش اكتئب اني بقابلها ثمن ساعات، وحتى فالويكند اشل هم كبير، طلبت اغير مكاني بس مافي مجال لان كل المكاتب ماخوذه قالولي بخبرج يوم بيفضى اي مكتب. جربت البس سماعات واحط white noise بعد ماشي فايده متسك جتفي يوم تبا تتكلم، اقولها مشغوله تقول كلنا مشغولين، خلصت اجازاتي بسبتها، ماقدر اكون وقحه وياها عشان فارق العمر اللي بينا بس صدق اذا انتو كبار خلاص تقاعدو فكونا مشاكلكم ارتاحو فالبيت جابلو بيتكم 💔💔💔💔💔

ودي اخترع جهاز لlower your gaze يلزمونه على كل الذكور

مهاراتي الاجتماعية بدت تقل يوم اني عزلت نفسي وقت طويل واحس اني قمت استوي غريبة اطوار يوم احاول افتح سالفه وش الحل🫩

عندي هوس شنط شانيل الصغار، small leather goods واحس انه مرض المهم لاحظت كل ماشتري قطعة الاحظ الquality يقل ويصير اسوء والمصيبه اسعارهم تزيد 💔 ترا جربت اخذ تقليد وحسيت مايسوى لان الجلد غير. المهم بعد اخر عمليه شراء سويتها عاهدت نفسي اني ماخذ مره ثانيه.

تعبت وانا امثل اني بخير، اذا مصدر الامان عندي مضروب من وين احصله، احس اني تحت تهديد عالي وفاي لحظه ممكن اييني انهيار نفسي، ماريد اعتمد على اخصائيين النفسية او طبيب في العلاج لان بيخلوني اتكلم عن تفاصيل تؤلم ممكن انها تخلد في ذاكرتي وبذات اني جرب استشارات نفسيه وما زادتني الا ضيقة وجربت كذا دكتوره وكلهم يوصفون ادويه وعندي تخوف اني اعتمد على هالادويه،
واللي معور قلبي اكثر اني ماقدر ابر امي على اكمل وجهه بسبة الاشياء اللي حصلت واللي تحصل لازالت تأذيني، امي استغفر الله تقولي مابتدخلين الجنة بدون اذني، تستغل مكانتها فالاسلام كأم عشان تطيحني في فخ تأنيب الضمير. صرت ماعرف الحدود الصحيه اللي لازم احطها، يا اني اتجاهل مشاعري وادوس عليها واتحمل او اني ابتعد واشتري راحتي لكن هني بقطع الصلة.

وانا هني اتساءل هل ربي بيحاسبني على هالمشاعر وردة الفعل؟

كنت اصلي العصر فالصالة و اول ركعتين الامور طيبة بعدين حسيت العامله يايه تمر قلت يمكن شاله اغراض توديها الغرفه اللي على يساري وحسيت بخطواتها ولمحتها بالوان ملابسها وهي تمشي صوبي فكان لازم تمر وراي عشان توصل الغرفه
مجرد ماوصلت وراي وقفت وانا حسيت وقتها ان ظهري فيه شعور غريب كانه حد بيمسكني او حد يراقبني وقريب مني، كملت اخر ركعه وكنت مستعيله لان ابي اشوف شو سالفتها ليش وقفت، من خلصت التفت مافي حد!! ونحن حاطين كيمرا وبالعاده ماتصور الا اذا لقطت شخص قريب يمشي او يتكلم صوبها ومكانها بعيد وانا بعيده يوم كنت اصلي المفروض ماتسجل شي، لكن سجلت فهالوقت اللي حسيت فيه بوجود العامله ويوم شفت التسجيل مافي حد واستغربت ليش قررت تسجل هاللقطه🫩🫩🫩 يعني ليش ياذوني يوم الجمعة ووقت العصر ترييو المسا انزين. المهم اني معصبه وابا اطردهم كيف الطريقة.

هل وصلتوا مرحله ان ماعندكم حد تفضفضون له، وحتى لو في اشخاص قريبين منكم تحسون ان لو فضفضتوا بتندمون او هم مابيفهمونكم بشكل صحيح وبالتالي تكتمون وتتضايقون بروحكم لين ما الله يفرجها

اولاً حبيت انوه ان الكلام اللي بقوله لا يعني الزواج والعيال شيء سلبي وان هم فعلا نعمة واستقرار ولكن هناك جانب مزعج للبعض انا كمتزوجة اقولج ان احيانا اتمنى الحريه، حريه اني انام بشكل متواصل بدون ازعاج الاطفال، حرية اني احافظ على جسمي ومايخترب بسبة الحمل والولادة، الراحة النفسية اني اسوي كل شي بدون ما استأذن من احد او ادير بالي على حد.
قبل ماكنت احاتي نفسي لكن الحين افكر لو صار فيني شي عيالي منو بيهتم فيهم؟ مصيري مرتبط فمصيرهم وتراهم ياخذون وايد من طاقتج وجهدج وتفكيرج حتى لو متزوجه بدون عيال، الزوج بروحه مسؤولية، اهله ممكن يضايقونج، اهلج ممكن تشتاقين لهم، علاقاتج مع ربيعاتج ممكن تتاثر.
باختصار اذا حسيتي القطار فاتج، انا اقولج مافاتج شي ربج كاتب لج الخير، وماتعرفين متى بيي النصيب والاهم من هذا استانسي فحياتج وحبي نفسج اهتمي فيها عشان لو حد تقدم لج وبادر هني انتي بتعرفين قيمتج وبتحتارين الشخص المناسب وما بتقبلين بأي احد بس لان تخافين الفرصه تروح عليج. وربي ييسر ويسهل على كل وحده تتمنى الزواج والاستقرار.

سرت فوق ال10 دكاتره اغلبهم ماياخذون اعراضي بجدية وبس مركزين على نتايج تحليل الدم ياخي شفيهم مايبون يشتغلون عدل؟؟؟

انتو نفسي ولا انا مخي مايحفظ الحروف وبس يركز على الالوان والاشكال

بنات لا تعلقون آمالكم فحد، خلي املج فالله ثم في نفسج. واللي بيحبج حياه الله بس لا تجبرين المحبة غصباً عن الضروف، احيانا الامور ما تمشي بسهاله لان مافيها خير لج.
واذا حسيتي الحب قل من احد، لا تتريينه يزيد ولا تعورين راسج. مش غلط انج تسعين، بادري لكن بشكل معقول.
انا ودي احب نفسي بس اطباعي تطغي ، و فالنهايه اضحي واتنازل واتغاضى،
لكن اليوم فكرت وحسيت ان لازم اتغير و اكتفي والدنيا ترا مستمره ماتوقف عند احد.
احيانا نتمى القلب مايتعلق فحد لان الواقع مؤلم.
فحبو نفسكم اولا وثم حبو اللي يستاهلون ذلك.

هل صادفتم اشخاص ويكون عندهم نفس الاسم ويطلعون غثيثين؟ آسفه لكل فاطمه

شو التحديات اللي واجهتيها كامرأة مديرة؟ وبذات لو اغلب القسم ذكور

اهلي واجدادي يتكلمون عربي بس لهجتهم تحسونها كانها لهجة مكس مابين لهجة اهل عمان والكويت وفي كم من كلمه تشفيرة، وكلهم يتبعون السنه، لكن وايد اسمع من شعبنا اللطيف ان ينسبونا للعيم، اللي احيده الاعجمي اللي مايرمس عربي. عقب بحثت وسالت وعرفت عن عرب الساحل. مجرد سؤال على اي اساس حكمتو على بعض القبايل ( الحوسني، العبيدلي، الحمادي ) انهم عيم؟

بديت الاحظ وايد ناس انانيين حولنا، والانانيه لها عدة صور ولو كانت تافهه مثلا حد يبركن بشكل غلط ويتعايز يعدل الباركنغ هني هو يأذي اللي يبون يبركنون حوله او اللي مايعطي مجال لغيرة فالشارع او اللي همه نفسه بشكل عام ، ومثال فالدوام اللي يسوي the bare minimum ومايحسن فالعمل ولا يجتهد ولا يفكر يتطور كل هالامور اشوفها انانيه، اللي مايساعد ولا يعلم ولا ينشد ولا يهتم. المفروض نعطي لوطنا المفروض نتعاون مع اللي حولنا. نفسي نفسي هاي خلوها للآخرة اما هني خلونا نتعاون لعل الله يكتب لنا الاجر❤️‍🩹

من خمس سنوات افكر اسوي هالبزنس وصح في منافسه قوية بس الطلب بعده عالي وبذات قبل الاعياد فشو رايكم؟

راضيه فالقضاء والقدر والحمدلله على كل حال، وكل ما كبرت قمت افهم شخصيتي ومشاعري وطريقة تفكيري والاغلب انعكاس لطفولتي.
اذا الطفل نادر مايحصل حنان من امه، احتمال كبير يشحت العاطفه يوم بيكبر وممكن يوصل انه ياكل من القمامه.
وحتى وانا تعديت الثلاثين احس فيني جوع عاطفي كبير واقول لنفسي مابحرم عيالي من حناني وبحبهم كل يوم وبعطيهم واكثر لين ما اطمن انهم مكتفين.
ونفس الوقت كنت اتمنى احصل هالشي لذاتي الصغيره اللي انحرمت ابسط الامور من امها.
بعدني احب امي واحط لها مليون عذر على تصرفاتها لكن فيني عتب كبييير ومب قادره اتخطى.

ومضيت**ُ خلفَ طيفِ أُلفةٍ
فعدت****ُ وقلبي للمح**بَّةِ أظمأا

ووجدت**ُ أمِّي بأول العمر بعيدةً
فما *كان دفؤُها لق*ل**بي مُستقرا

سألت : هل** وُلدتُ من ن****بعِ محبَّةٍ
أمِ الدهرُ ساقَ إل**ى الوجودِ مقدَّرا؟

وأحسب**ُ أنِّي لستُ أهلًا لمودَّةٍ
إذا** كان أقربُ** الناسِ** عنِّي تنفَّرا