u/themode7

I remember after a class that we just discovered the third domain of life I kinda cried xD .

راجع الى مدينتي ومن بداية السفر واجهتني المشاكل بالبدايه ماجاني نوم وكنت مرهق جدا لاني مواصل وفوقها تعب لازم اواصل يوم كامل اضافي ..

المهم فجاة استوعب ان نومي لمدة ساعتين ماراح يفيدني و مايمدي اتجهز وارتب اموري ونسيت احسب مسافة الطريق الى المطار ..

فزعت واخذت شور سريع و رتبت شنطتي بسرررعه وركضت انظف كل شيء واخذ قهوة واطلب اوبر بنفس الوقت ..

طلع اوبر قريب مره عندي واستعجلت والحين لازم ارتب كل شيء بسسرعه ..ياليل ..

كنت شبه نايم ولما سالني على وين قلت المطار برجع لديرتي وطبعا مافهمت سؤاله لاني حسبته يحقق طيب والمطار وين يوقفني بالضبط باي صاله / بوابه لكن بعدين سال سؤال دقيق وفهمت ..

المهم كان معي قهوة والخطه اني اقص البوردنق واخذ بريك بالمطار واتقهوى ثم ادخل .. لكن الي خلاني افزع واستعجل شوي هو اشعار المطار اني لازم الحق بسرعه ودخلت عند الفحص الامني ولان عقلي حاط خطه اني اتقهوى ثم ادخل نسيت ان معي قهوة بالشنطه 😭 كذا يشتغل عقلي ..

المهم كان المكان زحمه على غير العاده وتنرفزت شوي لدرجة اني سبيت بصوت عالي 🤣🫩 ومحد يساعدني من الموظفين اخدم نفسك بنفسك ..

المهم بعد الحوسه الي صارت مريت من التفتيش ونسيت ان معي قهوة وصادوها قالوا يمديك تطلع وتاخذها قلت مامعي وقت وزحمه خلها لكم .

المهم دخلت وتقهويت من المحلات الي بالردهه Concourse

والحمدلله لحقت وقصيت البورد من الداخل قبل ساعتين من الرحله ..

لما وصلنا للمطار الاخير وتعرفون هالوقت حجيج ف يجيك اجانب من كل مكان بالعالم فللاسف مافيه تنظيم احاول احافظ على اعصابي لكن للاسف يمكن اني فصلت على بعض المسافرين وللاسف بعضهم كبار سن

الحجيه كانت جالسه تكلم وانا بالممر على ولازم هي تغير مكانها عشان امر لكن ماعطتني وجه ورحت من الجهه الثانيه وفجاة صار واحد يسحبني طلع شنطتي معلقه بالكرسي الي عند العجوز لقت صحبتها تسولف معها ومانتبهت لي ولازم ارجع عشان اطلعها والمسافرين مستعجلين على الدخول وفيه تزاحم ودف ، الوضع يقههر ويضحك بنفس الوقت لان العجز لقوا بعض ومحد واعي بالي حواليه لقوا بعض بالسوالف ..

طلعتها بطريقة ما بعد هواش وحرب وركض على مقعدي اخيرا برتاح من التكفيخ الي جاني من السرعه والاستعجال اتوقع اني جلست على يدي بالغلط 😭 وجتني أصابه هد شوت بالراس بمخده ( زين مو شنطه بعد 😃)

المهم بعدما خف الادرينالين حسيت بالم باليد خفيف ولما شفتها انصدمت من المنظر يدي صار فيها قلتش ماقدر اسكرها 🤣 والله منعفطه مثل سبايدرمان 🤟 لازم استخدم يدي الثانيه عشان امددها لكن لما اسكر يدي ماقدر ارجعها احس جاني ايررور بمخي قلت اكيد.جبت العيد بالاعصاب اول مره تصير لي تخدرت بعض الاصابع بعد حركات خفيفه الحمدلله رجعت طبيعي لكن اخذ وقت يمكن خمس دقايق جاء طفل بجنبي يحسب اني اقوله عطني هاي فايف 🤚

وبالرحله الاخيره لقيت ناس جالسه بمكان مو لها وصار حوسه وتاخير 😒

ليه ذا بس عندنا حتى مافيه التزام مسافه بالصف تخلف للاسف بس عندنا

والحمدلله جت سليمه 😅

والله صدق الحمدلله على سلامتي 🙂‍↕️😐

لما يكون عندك اختبار او سفر وماتقدر تنام 💔..

السلام عليكم ,

انا الصدق ماقدرت استوعب الي قاعد يصير لي !

صدمه ورى صدمه كلما اقول هالمره افضل سمستر يصير خطا صغير جدا يخرب كل شيء !

القريد حقي محد يقدر يصدقه كيف يطيح كذا يفشل مره

لدرجة اني صرت اشك بفهمي للمقدار الحقيقي للقريد

جامعتنا معدل الـGPA من 4
يعني 3.5 يعتبر ممتاز

انا كنت اطمح اني اجيب 3.3 على الاقل

ادري انه مختلف عن دراسة الثانوية ولاني مجرب بكلية نظام بريطاني ف اعرف انه مختلف كثير لكن الصدمه من اول سمستر كنت اتوقع اني اجيب 3 لكن لاني اخطيت واضفت مواد كثيره صارت نسبتي اقل لرقم يفشل حتى الكسلى والي مايهتمون بالدراسة يجيبون اعلى منها بالراحه ومابي اذكر الاسباب كتبرير لكن حتى مع اخطائي مستحيل نسبتي كذا وانا شاد حيلي بذمه وضمير

يعني تخيل تشد حيلك ترسب بسبب خطا ماجور اسيمنت بـ uni 101

والله ماكذب صدق مقدمة للجامعة ارسب فيها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طبعا كلمت الانستركتر وكان موضوعها عن التعاطف وكذا خرابيط وبالاخير؟ ماطبقتها

نفس الحركة صارت مع دكتور بالسمستر هذا وبنفس الموضوع!! تخيلوا

والي يقهر ان الكلاس جدا سهل حرفياً مضمون تاخذ A لو ماتذاكر بالاختبار

انا جبت مايقل عن 80 و90 بالاختبارات حتى الكويز كامله واحاول اخذ البونس

لكن صار لي بس ظرفين تخيلوا مره تاخر الباص والمره الثانيه علق كمبوتري بالاختبار مع انه جديد وقدام الدكتور وقال مالي دخل

انا سكت وطلعت ولاكأن صار شيء

حتى الكورسات الي احبها الحمدلله افهمها لكن بسبب ضغط الوقت ماقدر ارتب اموري وماذاكر الا باخر يوم

انا مابي A واعرفه انها صعبه لكن احاول قدر المستطاع ماقدر اقلل المواد عشان اصير فل تايم

الحمدلله فيه مواد اجيب فيها A لكن قليله

الي قاعد يصير لي كانه كابوس بالجحيم

هذا وانا شاد حيلي كيف لو طنشت ؟ بعد لانه أمانه فلازم احرص وربي كل شيء ف بالي اسويه احس خلاص لو اريح نفسي وماجتهد على الاقل ما اخذ ضغط نفسي

هاذي ذمه وانا احاول لكن الي قاعد يصير مو طبيعي فيه شيء غلط بالموضوع

المشكله اني الردي متاخر الي يمر بنفس الحاله رجاء يقول حتى لو ماعنده حل الوضع كارثي احس اني اغباء مخلوق على الارض!

ادري ان الذكاء ماله دخل وكله اجتهاد وتوفيق من الله وطبعا اخذ بالاسباب مثل اخذ الكورس الي يلائم وضعك لكن بالله احد يسقط بـuni 101 ؟ ؟؟؟؟؟؟؟؟

اعتذر ان كلامي مو مرتب لكن من الصدمه خلاص احس ضميري الدراسي مات وودي الحقه استغفر الله .

الاشخاص الي يشتكون من الـتاجيل او المماطله لازم نفرق بينهم ..

فيه ناس عندهم ادهد ، ولو مايدرون .. فيه ناس لا عندهم صعوبة بتنظيم الوقت

بليز شوفوا الفديوهين ؛

https://youtu.be/UCP\_be8pT50?si=4Q9TPxxsbxDKPzHN

دايم اطلب من ستاربكس كورتادو مع فانيلا سويت كريم ، ويضبطونه ..

لكن هالمره قالي البارستا ماقدر كيف مايجي؟

ووريته طلباتي بالجوال وقال اوك واشوفه يسال الموظفه ..🫢

ليه انا طالب شيء غلطط او مايجي؟ سؤال ثاني سمعت انك تقدر تطلب تعبئة الكورتادو إذا جلست بالكوفي رايت؟.

يجيكم شعور FOMO لما يكون الجو جميل مثل الصباح بالشروق والغروب او الجو سحاب وودك تطلع وتشوف العالم وتصور كثير بس عشان توثق اللحظات وكانها ماراح تتكرر 🥺 واحس بشعور كذا كاني فاقد شخص او شيء ☕ كانه حنين لشخص مابعد قابلته

Anemoia

قصة مستلهمه من عالم اتاك اون تايتن لكن فيها خيال علمي .. ومستلهمه ايضاء من رواية لايت نوفل لكاتب ماكمل روايته ماتوقع انها سرقة فكرية لانها فكرة عامه لكن شكل الشخصية واسمها من نفس الراوي.. طبعا هو راوي وكاتب افلام وماكمل قصته مدري ايش سالفة مسروعه لكن وقغ ف استبعد انه بيكمله وانا بديت السيناريو للتشبتشر الاول الى الخامس لكن اكيد يحتاج تعديل وعالم القصة بعد واضح لي سنه موقف عنها واتوقع يمكن ان شاء الله ارجع لها قريب عشان اشيل الفكره من راسي .. او يمكن تصير انمي قصير خاصه مع تطور ادوات الذكاء الصناعي الشيء الوحيد الي ناقصني هو جمهور متحمس ويشجعني .. والصدق محتار اخليها انمي وماعرضها الا اذا خلص الشغل او احط صورة لكل شابتر او مانقا لكل المشاهد اسهل شيء هو طبعا صورة لكل شابتر لكن احس الجمهور المستهدف بيتقلص واقدر اوسعه اذا خليته انميشن لكن احس ماراح ياخذ اهتمام ف ليه احط مجهود ومحد مهتم اصلا ف استهداف جمه ر الايت نوفل هو هدفي .. لكن كيف ووين ابدا ؟ افكر فيه موقع حق مانقا عربي تقدر ترفع مشاركتك لكن اظن بعد ماراح القى كثير ف فكرت احطها بردت بصب مخصص او تويتر كذا .. او يمكن هنا ليش لا ؟ بس اذا شفت اهتمام ماراح اكون بثر ويصير سبام غالبا يكون بوست واحد لكن مجزئ بالتعليقات حسب التفاعل .

مين عنده فضول ؟ 👀

او طلع الي وراه انسان وش ردة فعلك؟ 🫢

اقيمه error/100

لاني ماعرف اقيم ..

يمكن لان كان فيه احرجاات كثير وممكن لاني مو مهتم + ماني متحمس لبكره لكن مبسوط اني خلصت اسبوع كان مرهق جداً.

15 الف كوب قهوة باليوم + اليوم افطرت مشروب طاقه وحلى

.

تقييمي للاسبوع ]ObjObj∆§÷÷§∆$^°π/100

انعس باي

.

هاي، معرض مشاريع الطلاب علمونا عنه فجأة و كان عندي اختبار المشكله ماشتغلنا الا باخر ليله وكان بتيمي 2 . الصراحه شغلنا ترقيع مره وجاء الدكتور يشيك كذا ويسلم هو كلاس عن بعد لكن اول مره اقابله بالواقع واحس ماودي لاني انطوائي بس مطلوب ف عشان كذا جيت ... ومشرعونا برمجه مفقع قلتشات ، بعض الزوار عطونا تجبرتهم وطلعوا اشياء كثيره واقتراحات هذا شيء متوقع يعني

السالفه اني جيت بدري شوي وكان اتوقع لازم توقف عند البوث /طاوله حقتك الى ان التحضير يكتمل وطبعا لازم تلبس التاق / الاسم حقك انا تمشيت شوي والموظفه قالت لازم تحضر وتلبس التاق قلت طيب وسحبت عليها وصادتني مره ثانيه لول كانت تسولف مع واحد و اتوقع حشوا فيني عموما رحت تمشيت ولقيت مشاريع مره حلوه وذكيه و كل هذا خلال شهر واو الصدق واو لان تخصصهم ذكاء صناعي اصعب من البرمجة لكن قدرت الطالبه انها تبدع مع انها بدون تيم .وانا وتيمي تورطنا مع الاختبارات .. موقف ثاني ماينقال هو اني شفت دكتور ثاني متاكد اني اخذت معه كلاس قبل سنه بس اتوقع مايعرفني وكان شاد بالتقييم وعطاني نظرات اني اعرفك بس سحبت لاني حاقد شوي عليه .

اشوى ماجاء طاولتنا .. السالفه الاخيره اني معي بالتيم ناشاء الله اجتماعي ويعرف ناس كثير من الي جو وواحد يسلم وانا حسبته بروفسور وقمت اسلم عليه كذا اضبط علاقاتي بس ماشافني الا باخر لحظه 🙊 ويوم سالت خوينا طلع مو بالجامعه اصلا 😅🤓 ..

واللسته مليانه ملاحظات وقلتشات يلا باخذ بريك ثم اكملها ..

لو كان بيدك جمال ولا ذكاء خارق ايش تختار مافيه وسط.

View Poll

من قلب الحدث فيه مراجعه زووم للاختبار ودخلت على اساس ان الدكتور يشرح بالسلايدات واجلس استمع واجهز للسؤال لكن اول مادخلت ناداني عندك سؤال🗣️ وانا ماتجهزت كان عندي احساس فيه شيء غلط وانا مواصل 😂🏃 حسيت لازم اهرب ومارديت

Nope thanks,

الصدق عندي اسئلة بس ماحب اسولف ولا جهزتها كتابه. رايكم ارجع او اكمل نحشه 😅🤓🤣