u/thisisyasin

من حوالى سنة بالظبط، كنت في ايفينت في برلين عن الـ fintech عشان اتابع الدنيا رايحه فين و هناك سمعت مصطلح أول مرة يمر عليا "Embedded Finance"

الموضوع غريب لأن بقالي ٧ سنين شغال في المجال، بس المفهوم نفسه كان جديد عليا و هو لسه حاجه جديده مش منتشره اوى بالمناسبه

سألت عنه وقتها عشان أفهمه، ومن يومها فضلت أحضر فعاليات وإيفنتات تانية كتير مخصصة للموضوع ده عشان أتعمق فيه

الأسبوع اللي فات بقى، شوفت الشراكة الجديدة بين بلتون (Beltone) وتيلدا (Telda). الشراكة دي بتخليك تستثمر في الصناديق والأسهم مباشرة من جوة حسابك في تيلدا. تجربة سهلة، وسريعة

هنا على طول افتكرت الـ Embedded Finance اللي سمعت عنه من سنه و فضلت ادور على الشركات اللى بتقدم خدمات ماليه مدمجه فى السوق المصرى و ملقتش مع انها حاجه هتبقى مطلوبه جدا الفتره الجايه

أنا مقتنع ان فى خلال الكام سنه اللى جايين في مصر، هنشوف شركات كتيرة هتبقى موجوده عشان تملى الـ gap ده. شركات هتقدم خدمات مالية مدمجة "Embedded Services" للبنوك والتطبيقات

لو حد يعرف شركات فى مصر بتعمل خدمات ماليه مدمجه (او Embedded Finance) يقولى

أول خبر معانا هو عن شراكة Beltone وTelda، الي أعلنت عن تعاون استراتيجي يهدف لتوسيع نطاق الخدمات المالية الرقمية. في وقت بتزداد فيه رغبة المصريين في الاستثمار، الشراكة دي هتفتح لهم أبواب جديدة للاستثمار بشكل أسهل وأسرع. Beltone بخبرتها في السوق المالية وTelda بابتكاراتها في التكنولوجيا المالية، هيساهموا معًا في خلق بيئة استثمارية ديناميكيه

لكن مش بس Beltone وTelda، كمان Erada Finance وAxis Pay دخلوا في شراكة جديدة لتسهيل صرف القروض عبر المحفظات الإلكترونية. الخطوة دي هتكون لها تأثير كبير على كيفية وصول المصريين للتمويل، وهتسهل عليهم الحصول على القروض من خلال هواتفهم الذكية و ده هيعزز الشمول المالى

وفي خطوة جريئة، شركة MNT-Halan، المعروفة في مجال الـ fintech، تستعد للإدراج في البورصة المصرية بالتعاون مع بنكي Citi وEFG. الإدراج ده مش بس إنجاز كبير للشركة، لكن كمان علامة فارقة لمستقبل التكنولوجيا المالية في مصر

على صعيد آخر، شركة Soufra نجحت في جمع تمويل قدره مليوني دولار في جولة ما قبل pre-seed. الشركة دي بتسعى لتقديم حلول مالية مبتكرة تناسب احتياجات السوق المحلي، والتمويل الجديد هيعزز قدرتها على تطوير منصتها.

وأخيرًا، شركة Seven أعلنت عن شراكتها مع BirdNest لإطلاق خطط تمويل مرنة لتشطيب وتأثيث المنازل. المبادرة دي هتساعد الأسر المصرية على تحسين جودة معيشتها دون تحمل أعباء مالية كبيرة.

واضح إن قطاع الفينتك والخدمات الرقمية في مصر بيتحرك بسرعة، وكل يوم فيه حلول جديدة بتسهل الاستثمار والمعاملات اليومية.

واستنونا في تغطية جديدة و قولولى لو مهتمين باخبار الـ fintech فى مصر!

انا بقالي كام سنة بحاول أبني مشاريع SaaS، و فى الاخر بيبقى عدد المستخدمين قليل وملاحظ إن في فخ مشترك بنقع فيه كتير كـ developers وأنا أولكم اننا بنعمل products كويسه و بتحل مشاكل بجد بس مش عارفين نعملها تسويق للفئه المستهدفه

مين واجه نفس المشكلة دي وهو بيبني مشاريع؟ وإزاي قدرتوا كـ developers تعدوا الأزمة دي وتدخلوا في حتة التسويق للمنتجات اللى بتعملوها؟

بحاول أتابع أخبار الشركات الصغيرة في مجال الـ Fintech في مصر و مش لاقى او بوصل بصعوبه، الأخبار غالباً بتغطي الشركات الكبيرة بس، وصعب جداً تلاقي معلومات عن الشركات اللي لسه في بدايتها أو حتى اللي لسه في مرحلة الفكرة، الشركات دى ممكن تكون فى مجالات زى payments، accounting، taxes، PoS، bookkeeping، وهكذا

عشان كدة، انا عايز اتأبع الشركات الناشئة الصغيرة دى، وأكتب عنها عشان أساعدهم ياخدوا حقهم في التغطية، وفي نفس الوقت الناس تعرف إيه الحلول المبتكرة اللي بيقدموها

لو انت مؤسس أو شغال في شركة Fintech صغيرة، أو تعرف حد بيبني حاجة في المجال ده ويستاهل إننا نتابع اخباره ونعرف الناس بيه، يا ريت تبلغني في كومنت أو تبعتلي DM

كل سنة وأنتم طيبين وعيد سعيد عليكم كلكم، النهارده معانا خبرين fintech فى السريع .. يلا نبدأ!

1️⃣ جوميا باي.. بتودعنا ولا إيه؟
جوميا قررت تاخد خطوة جريئة ومفاجئة، وبتفكر بجد تبيع JumiaPay. طبعاً كلنا شايفين إن خناقة المدفوعات الرقمية في مصر والمنافسة شرسة جداً، وعشان كده الخطوة دي ممكن تكون ذكية ومدروسة من الشركة عشان تركز كل مجهودها في التجارة الإلكترونية وتثبت رجليها أكتر. في وقت السوق المالي في مصر بيكبر فيه بشكل ملحوظ، تفتكروا الصفقة دي هتبقى بداية جديدة لجوميا ولا خطوة لورا؟

2️⃣ قفزة 53% في التمويل الاستهلاكي.. انتعاش بجد ولا فخ؟
الخبر التاني بقى مهم جداً؛ التمويل الاستهلاكي في مصر ضربت في العالي وزادت بنسبة 53%! الرقم ده في الظاهر كده بيقول إن السوق شغال ومصحصح، وكمان بيعكس قد إيه الناس محتاجة أي تسهيلات مالية تسندها عشان تقدر تشتري وتعيش في ظل الظروف الاقتصادية الصعبة دي. رغم إن التسهيلات دي بتسند الناس مؤقتاً، إلا أن التوسع المرعب في قروض الاستهلاك بفوايدها العالية ممكن يقلب بفخ ديون يزود التضخم ويضغط على الاقتصاد كله بدل ما يفيده.

يا رب تكونوا مقضيين إجازة رايقة مع حبايبكم! 🐑✨ و لو مهتمين تتابعوا آخر وأهم أخبار fintech في مصر أول بأول، سيب كومنت وقولي إيه المواضيع اللي مهتم بها

يلا بينا نشوف آخر الأخبار المثيرة اللي حصلت في الساحة المالية عندنا اليومين اللى فاتوا

أول خبر معانا هو إطلاق شركة Klivvr لمساعد مالي ذكي اسمه K.ai، وهو الأول من نوعه في مصر! هذا المساعد بيستخدم تقنية الذكاء الاصطناعي عشان يسهل علينا إدارة أموالنا الشخصية. الفكرة ورا K.ai هي إنه يساعدنا في تنظيم ميزانياتنا وتحقيق أهدافنا المالية بشكل سهل وجذاب. مع زيادة الحاجة لأدوات مالية ذكية

فى ناحيه الاستثمارات، ما ننساش كمان نبص على شركة ARIB اللي حققت نجاح كبير في جولات التمويل، واحتلت الصدارة في أفريقيا والشرق الأوسط. الشركة جذبت استثمارات ضخمة في مجالي التكنولوجيا المالية والذكاء الاصطناعي وصلت لاكثر من ٩٠ مليون دولار وده بيشير لقوة الـ fintech في المنطقة

فى خبر ليه علاقه باكتتاب شركه Korra بس ده محتاج بوست لوحده هنزله قريب

تفتكروا الـ AI فى المستقبل القريب هيبقى بيساعد الناس يحسنوا من التعاملات الماليه؟

لو مهتم بمجال الـ fintech فتعالى احكيلك اللى حصل بعد حلقه عمرو أديب من كام يوم

أول خبر معانا هو عن شركة ثندَر، اللي حققت إنجاز غير مسبوق بإنها بقت الأولى في قائمة أسرع الشركات نموًا في إفريقيا حسب تصنيف صحيفة Financial Times. النجاح ده مش بس أرقام، ده دليل على قوة الابتكار في القطاع المالي المصري

وكمان، سوهولا مش بتتأخر! سوهولا شركه بتقدم خدمات دفع و تقسيط اللى أعلنت عن افتتاح فرع جديد لها في مول سيتي ستارز، وده خطوة مهمة بتعكس تطور القطاع. التوسع ده هيزيد من نطاق خدماتها المالية ويدّي فرصة أكبر للمواطنين للاستفادة من الحلول المالية الحديثة

وأخيرًا، البنك المركزي المصري مش سايب الأمور للصدفة! قام بتشديد إشرافه على المؤسسات المالية غير المصرفية. الخطوة دي بتأكد على أهمية الرقابة في القطاع المالي، وبتساعد على ضمان الشفافية وحماية حقوق المستثمرين. من خلال تعزيز الرقابة، البنك المركزي بيسعى لدعم النمو المستدام وجذب الاستثمارات، وده كله بيعد بمستقبل واعد للابتكار في مجال التكنولوجيا المالية.

لو شفت الاخبار دى هتحس انهم ملهومش علاقه ببعض خالص، بس فى الواقع ممكن يكون ليهم علاقه ببعض بشكل ما (اللى شاف حلقه عمرو اديب ممكن يحس بكده)

لو مهتم تشوف اخبار زى دى قولى فالكومنتات

أنا مهتم جداً بمجال الـ FinTech و شغال فيه بقالى سنين كتير برا مصر و كنت حابب اتابع اخبار الـ Fintech فى مصر، وبصراحة مالقيتش مكان مناسب ومميز يتابع أخبار التكنولوجيا المالية في مصر أول بأول، عشان كده قررت أتابع أنا بنفسي وأشارككم أهم التطورات والمستجدات. تعالوا نشوف أهم 3 أخبار حصلت اليومين دول:

فوري والتوسع المستمر 💸: عملاق المدفوعات الرقمية فوري دخل في مفاوضات متقدمة وجادة للاستحواذ على شركات جديدة في السوق، والصفقات دي ممكن توصل قيمتها الإجمالية لحوالي 2.4 مليون دولار. الخطوة دي بتأكد رغبة فوري في عدم الاكتفاء بمكانته الحالية، بل التوسع وضم خدمات وحلول تكنولوجية جديدة تدعم منظومته وتخدم قاعدة عملائه الضخمة.

صفقة جديدة لـ GrowthLabs 🤝: في خطوة بتعكس حيوية بيئة ريادة الأعمال المصرية، أعلنت شركة GrowthLabs عن استحواذها بالكامل على شركة Startup Gate في صفقة بلغت قيمتها حوالي 657 ألف دولار. الاندماج ده بيبين إن الشركات الناشئة في مصر قادرة على النمو وبناء تحالفات قوية لتقديم حلول متكاملة، وبيزيد من ثقة المستثمرين في كفاءة السوق المحلي.

البنك المركزي والتحول الرقمي 🏦: أعلن البنك المركزي المصري عن تعاون استراتيجي مع شركة Profile Software العالمية بهدف إعادة رسم مستقبل الخدمات المصرفية الرقمية. التعاون ده هيركز بشكل أساسي على تطوير وتحديث البنية التحتية الرقمية للبنوك، وده معناه إننا هنشوف قريبًا طفرة في الخدمات البنكية الرقمية، وتجربة مستخدم أكثر سلاسة وأماناً، ودعم أكبر للشمول المالي.

لو فيه ناس كتير هنا مهتمة بمجال الـ FinTech، عرفوني في التعليقات عشان أستمر وأكتب لكم تحديثات وأخبار أكتر وبشكل دوري!

I want to set up automated real-time tracking for outbound shipment costs for our B2B and B2C orders. The goal is not to be surprised when we get the invoices from carrier companies.

Did anyone manage to set up something like that? Please guide me if there is any API, tool, …etc we can use