u/-_fighter_-

شكر خاص لاخواتنا اللي فازوا بالفعالية الشهر دا , وشكرا لكل اخ واخت دعموا الصب ❤️

لما أسال حد واقوله في خياط هنا في المنطقة ويرد عليا بسؤال ملهوش لازمة و يقولي عايز منه ايه

الرد اللي في دماغي : هروح عنده عشان أصلح التلفون

الرد اللي قولته : هروح هخيط

لما اسأل برضو واقول في هنا حد بيبع ايفون ويجي يرد عليا ويقول " ايوا في حد في الشارع كذا كذا انت عايز منه ايه "

الرد اللي في دماغي : هروح اسأله على تلفون نوكيا هشوفه عنده ولا لا

الرد اللي قولته : هشتري ايفون جديد

ولما اجي انزل من البيت والوالده تقولي انت نازل

الرد اللي في دماغي : لا طالع بره اومال انتي شايفني بعمل ايه

الرد اللي بقوله : ايوا نازل

مش عارف هل كله بيشوف نفس اللي انا بشوفه ولا هي حالات قليلة وانا من ضمنها ؟

قررنا نعمل فعالية هتبقا اسمها حكواتي الشهر عبارة عن إن اكتر شخص هيكون متفاعل في الصب سواء في البوستات او في التعليقات هياخد لقب هيظهر جنب اسمه (User Flair) دايما و الالقاب هتتقسم كالأتي

بالنسبة لافضل ٣ Top Posters

المركز الأول : ملك الحكايات

المركز الثاني : شيخ الحارة

المركز الثالث : راجل بركة

بالنسبة لافضل ٣ Top Commenters

المركز الأول : قاضي الصب

المركز الثاني : عمدة التعليقات

المركز الثالث : أيقونة التفاعل

ملاحظات مهمة :

١- الفعالية مدتها شهر و بتجدد كل شهر بمعنى دلوقتي لو دخلت على ال Top Members هتلاقي اننا في شهر أغسطس هتلاقي أشخاص متصنفين بمجرد لما الشهر (بالنسبة لريديت) يخلص هيبدأ شهر ٩ والعداد هيبدأ من جديد والناس اللي كانت متصنفة على شهر ٨ هتاخد اللقب بتاعها

٢- الاسكور بيعلى لما تنشر بوستات كتير وتجيب أب فوتس كتير ودا هيعلي ترتيبك اكتر في لوحة الصدارة

٣- الموردز بتوع الصب بما فيهم انا ممنوعين بالمشاركة في الفعالية عشان احنا بنبقى متفاعلين اغلب الوقت فهتبقا منافسة غير عادلة

٤- الحكايات لازم تكون أصلية بمعنى أخر مش منقولة من على الفيس او اي منصة تواصل تانية وتكون قصص حقيقية مش خيالية يعني ملقيش بوست لواحد كاتب فيه انه اتجوز بنت طلعت في الأخر اخته من الرضاعة شغل الأفلام الهندي مش هينفع 🙂 حتى لو جابت تفاعل كبير طالما خالفت القوانين بتاعت الفعالية يبقا انت تم إقصائك منها و هتستنى الشهر الجاي

٥- تقدروا تقترحوا اي حاجة بخصوص الفعالية يعني زي تغيير الالقاب او القوانين بتاعت الفعالية ، علقوا على البوست دا عشان نعرف ارئكم وشكرا ليكم على دمعكم ❤️

صاحبي اللي كنت اتكلمت عليه في بوست قبل كدا كان طيب اوي ، غلبان يعني بس بزيادة ، كنا في المدرسة في وقت الفسحة كانت امه بتعمله اكل زي عيش توست بالنوتيلا او شاورما حاجات يعني مش كل الاهل بيعملوها لعيالهم ، فكان ولاد الكلب يجوا عنده ويقولوا له هات السندوتش اللي معاك دا والا هنضربك طبعا اللي قرأ البوست اللي فات عارف إني صاحبي مش بيضرب اساسا وكان وقتها كان جبان لسه ، المهم كانوا كل يومين يروحوا ليه وياخدوا منه اكله لحد ما قولتله يجي ياكل معايا في حتة تانية غير المكان اللي بيقعد فيه كل يوم ، طبعا ولاد الكلب مش هيسكتوا قعدوا يدوروا عليه في وقت الفسحة كله و في للآخر ملقوش الواد طبعا لسوء حظ صاحبي انه مش معايا في نفس الفصل + الشمامين دول معاه في الفصل فانتوا عارفين اللي حصل اكيد ، الواد انضرب ضرب ولا كأنوا عمل جريمة قتل ، وطبعا الموضوع مكنش مقتصر على الاكل بس دا كان بياخدوا الاقلام والاستيكة وأحيانا الكراسات والكشاكيل و طبعا هو كان بيحاول يراضي الأشكال العره دي بس برضو كان بينضرب لانه مكنش بيسمع كلامهم دايما فياريت اي حد عنده عيل في المدرسة لو هو طيب يحاول يخليه شديد شوية او بيعرف يدافع عن نفسه من الكلاب اللي معاه ولو هو بقا عيل شمام و بيستقوى نفسه على الغلابة فخليه يتعدل عشان انا اللي هاجي ار*به بنفسي لو مزبطش نفسه وخلاه في حاله

مفيش حاجة انبوسبول 😂

هو الحب في الإعدادي او الثانوي بيبقا حب حقيقي ولا حب اهبل ولا عبارة عن مجرد إعجاب ، لان في الفترة دي كان في مدرستي ناس كتير بتصاحب بنات بس مكنتش فاهم ايه السبب وكانوا حتى بيفتخروا بحاجة زي كدا

شكراً لكل واحد فيكم شاركنا حكاية أو كتب تعليق أو حتى كان بيقرأ في الروقان ، الصب دا كبر بيكم وبحكاياتكم الحلوة وشكرا لدعمكم المستمر و إن شاء الله اللي جاي أقوى

الشركة نسيت تعمل ابلود لملفات اللعبة انت متخيل وصل بيهم الحال لايه ولو فكرت تحملها مش هيبقا في غير ملف exe ولما تفتحه هيفتح cmd بس 😂

كنت في مره قاعد في الصالة عشان مروحة الاوضة بتاعتي بايظة وفاتح اللاب بخلص شغل عليه وواخدي راحتي على الاخر لحد ما لقيت ابويا داخل بيقولي شيل الحاجات اللي على المكتب قدامك قولت في نفسي جايب حاجة وعايز يحطها او هيكتب حاجة يعني , راح سبني يجي 5 دقايق وانا مش في بالي اللي هيحصل لقيت ابويا جايب اصحابه وداخلين البيت من غير صوت حتى , شافوني وحاولت ادرك الموقف بسرعة قمت قايل نورتونا يا جماعة اتفضلوا المكان مكانكم و انا عمال اعمل انسحاب تكتيكي , و من ساعتها وانا مش بقعد في الصالة وبقيت بقعد في اوضي حتى لو الجو قلب على جنهم