u/Abode20118

اني احب البنية من شقين الاول اخلاقها والثاني شكلها

الاخلاق (تصرفاتها وعقليتها) :

تكون هادئة وبنفس الوقت روحها مرحة

عقليتها حلوة ماريدها تتصرف مثل الاطفال

تكون تعرف الحلال والحرام

تحاول ماتسب او تفشر فشار بذيء

تكون كيوت بكلامها

وهمين ماريدها تكون فقيرة ولا كوية

اريدها بالوسط(الصراحة موحيل متشدد على هذي النقطة)

وبس هذا الي اريد من الابنية من هذي الناحية

الشكل:

اريدها بطولي واذا اكصر مني عادي ماكو مشكلة

بشرتها بيضة او حنطية

عيونها سود او بنية او بنية بس فاتحة

وياريت تلبس نظارات دائرية

وعادي اذا خشمها جبير او صغير ماعندي مشكلة

شعرها اسود طبعا وطويل نسبيا يعني ياريت يوصل لخصرها او اقل ماكو مشكلة

صوتها كيوتي او حلو

وجها دائري او مائل للدائري

تكون رشيقة واذا مو رشيقة عادي بس ياريت تكون رشيقة نوعا ما

تكون محجبة هذا اهم شي عندي

واهم شي تكون ملامحها حلوة اني ماريدها حلوة كلش اهم شي جميلة

وبس اني ماريد جمال اوفر

هسة واحد يجي يكلي بعد تريد جاي او محتاج شي

وها اكو وحدة نشرت صورتها هنا قبل فترة اتمنى اتزوج مثلها لان نفس المواصفات بيها (تعرف نفسها)

هذا s21 ultra

شاشته مكسورة

وحاير بنوع الشاشة والمكان

هل اشتري شاشة وكالة ب ٢٥٠

او شاشة صيني درجة اول ب ١٤٠

او اشتري تفصيخ بس ماعرف وين

وماعرف من وين المكان الموثوق الي اشتري منه

مكاني بغداد

الي عنده تجربة اتمنى يفيدني حتى لو غير جهاز

1:الزواج التقليدي

مجرد ان تتعرف على اهل البنية من شخص لاخر وبس اي بس وراها تشوفها تسالها عجبتك اخطبها وتعرف عليها اكثر بفترة الخطوبة عجبتك بفترة الخطوبة شفتوا نفسكم مرتاحين تزوجوا اهم شي انك تكون مرتاح للطرف الاخر او مثلا تراسل اهلها وتشوف مواصفاتها العامة صورتها وبعدين تروح تشوفه يم بيت اهلها بعد بكيفك

اكثر نوع قانوني وشرعي بنفس الوقت مابيه اي مخالفة شرعية وقانونية ويضمن الحق للطرفين ومالكيت بيه اي عيب الا شي واحد لازم يكون الشخص هو الي راح يحدد هذا عيب لو لا

العيب المتداول انه انت ماشفت شريكك بكامل شخصيته وتصرفاته في النظرة الشرعية مثلا او حتى الخطوبة ....بس انت تكدر تعرف عنه هذني الشغلات بطريقة غير مباشرة شلون....مثلا انت تسال اسئلة او تتصرف تصرفات معينة وتشوف ردة فعل الطرف الاخر وهكذا اني اشوف هذي احسن طريقة

ف انت وشطارتك السالفة يمك انت

2 الزواج من التعارف

هذا الزواج حاله حال النوع الأول طبعا راح يشبه النوع الاول في حال انك ما سويت علاقة وياها وطولت بالعلاقة هواية كلش هواي الي اقصد ان تسولفون وي بعض عادي بس بشكل محترم بعيدا عن العاطفة

يعني اذا جانت متطلبات للزواج جاهزة عندك وشفت اخلاقها وشخصيتها حلوة...روح لبيت اهلها واخطبها يعني ليش تسوي علاقة وانت تدري انك مراح تكدر تتزوجها بسبب ماعندك المتطلبات في الوقت الحالي ليش تورط نفسك افترض نفسك اجوها خطاب وهي تزوجت انت شحتسوي بوقتها

باختصار هذا الزواج ناجح ايضا بس في حال كدرت تلزم شهوتك وتتبع عقلك فقط ومو اي واحد يكدر يتحكم بشهوته خاصة بفترة الشباب

3 زواج من خلال الانترنت

يعني مثلا لكيتها بالانستا او بالفيس وراسلتها وصارت علاقة و و و الخ واكثر الناس الي يسوون هيج معوزين حنان بس مو كلهم بس الغالبية

هذا النوع اقل نوع بيه نسبة نجاح عالية النسبة كلش قليلة ان ينجح اوكي هو ينجح بس قليل

لان انت مداتشوف الشخص الي كدامك على طبيعته يعني هسة بالمراسلة راح تتعاركون لا طبعا راح تضلون واحد يتغزل بللاخ والحياة وردية و و و الخ....

واذا انت مسوي وعندك المتطلبات روح اخطبها ليش تتطول اي والله ليش تطول وتتورط وهمين هذي العلاقة تستهلك من صحتكم النفسية وهمين حرام لان خارج الاطار الشرعي

رأي الشخصي :

بالنسبة الي اذا لكيت خوش بنية وبالمواصفات الي اريدها ليش لا اروح اخطبها من اهلها واذا عجبتني اتزوجها واذا لا فمراح اتزوجها

وكذلك اذا عرفتها من شغل او بالحياة بشكل عام فماكو مشكلة ان اتزوجها

مدام ليكيت خوش بنية مؤدبة ومحترمة عن طريق النوع الأول والثاني فماكو اي مشكلة

اما النوع الثالث ماعتقد اني راح تزوج منه ماريد اشوف بالمحادثة شكل وبالواقع شكل اخر لان ان تتعلق بشخص وتتركه مباشر شي كلش صعب منو يدري يجوز اتزوج منه هههههه لا بس ماعتقد

الصراحة

اطو اكثر ممن سبب

اولا... اني اريد واحد يسولف وياي اتونس وياه بيومي اريد شخص يفهمني وافهمه اريدها اسولف وياحد مو شرط بنية بس اهم شي شخص اسولفله كلشي بس اكو مشكلة .... ان ماكو احد راح يفهمك غير شريك حياتك اوكي ادري اكو اصدقاء كلش ما يتعوضون ومو قصدي ان تقطع علاقتك بيهم بس شريك حياتك راح يفهمك بشكل اكبر كلش كلش حتى اكثر من اهلك

ثانيا: معوز حنان .. اي نعم هذا حال الغلبية الي هنا ولو انت اهلك منطيك حنان شجابك بريددت هاه ههه لا اتشاقة .. المهم ... اهلي ما مشبعيني حنان او اصلا ما محصل مثلا ابسط شي الحضن محد حاضني من اهلي من جنت صغير لحد الان ما عرف ليش هل الاهل يستحون مثلا ؟ او ما يريدون تصير ميانة؟ او حتى يردون يسووني صلب وقوي مثلا ... يعني عل اقل كلمة حلوة بحيث يوميا صرت اهلي يرزلون على ابسط الاشياء والكورتيزول واصل للنخاع

ثالثا: الزواج هو شي غريزي من الاساس باي بشر ان يحب الجنس الاخر وحتى الاسلام حث على الزواج بشكل جبير وايضا يقلل التوتر وهوايا امور مفيدة للجسم ومابيه اي مضرة خاصة لو انت متزوج الشخص الصح

رابعا (السبب الاهم : اني اهلي ما دايمين الي خاصة لو جانوا اهلك اعمارهم جبير وانت صغير يعني مثلا عمرك ١٥ واهلك ٤٥ او اكبر ف اهلك راح يتوفون باجر عكبة ومراح احد يضل وياك بحياتك مجرد بس انت ف لازم اكو شخص يعيش وياك

مثلا مثلا .... من ترجع من الشغل وتروح للبيت او الشقة وماتلكة احد بس انت وكاره نفسك ولعبان نفسك من الشغل لو مثلا راجع من الشغل ومرتك موجودة تنتضرك تخفف عليك هم العمل والضغوطات وغيرها من الامور المزعجة بالشغل هنا الفرق كلش واضح .....

اوكي ادري بعدني صغير على هيج موضوع بس مو مشكلة ان نفكر للمستقبل

ادري هسة الي يضرب اخته شيحس مثلا او زوجته
يعني انت جاي تستقوي على إنسان ضعيف حتى لو جبيرة بالعمرة او بنيتها الجسدية قوية ومنو كلك ان انت داتاذيها بس جسديا؟؟ ها انت جاي تأذيها نفسيا وطبعا مو بس الأخت المتزوجين الي يضرب مرته ويعنفها والله علمود ما جابت لي مي والله لان مامسوية أكل طيب ترا هي مو خادمه عندك يعني اني اشوف كرايبي يضربون اخواتهم او يغلطون عليهن انقهر اني من يمي واني مالي دخل ذاك اليوم واحد من كرايبي د يصيح على أخته اني بداخلي اريد اكوم اكتله يعني هسة انت تستخدم قوتك على أهل بيتك وهو منو كال الحل بالضرب وهو مو بس الضرب اكو يهنون اخواتهم بلسانهم وهذا ياذي البنية أكثر من الضرب الألم النفسي يضل لفترة أكثر من الجسدي وهي البنية بطبعها حساسة يعني ماعرف والله وحتى ذولي العوائل الي عدهم مصطلح "غسل العار" اذا البنية غلطت ترا هي بشر واي بشر يغلط

||||

الصراحة ماعرفت اقيمكم

لان الانسان ما يتقيم

وهمين اذا الإنسان يغلط مو لازم نقيمه على اغلاطه

كليتكم احبكم وماحبيت اكسر خاطر احد

الي ماحطيتك أسف كلش

ولو يصير جان هسة كلكم حضنتكم

" كلمة اخيرة "احبكم