u/Alternative_Cow_2856

انا بنت انعم الله علي بأن مشاعري متقدة
والنعمة هذه سلاح ذو حدين
لاني حرفيًا من اقوم لين انام (اذا ما كنت مشغولة) يروح بي التفكير على الحب والزواج وكيف بعيش هالمشاعر وكيف هي حلوة، واني احتاج مرة احد يحبني واحبه
يعني بالسوبرماركت تو بدال لا اخذ الشيء اللي ابغاه جاني حزن شديد لان ما عندي زوج اتقضى لنا واسوي وصفات وادلعه؟
وصدق يومي يروح بالتفكير هذا يعني اذا سمعت اغاني مثلًا اتخيل اني محبوبة من احد
وقت النوم نفس الشيء
مع اهلي نفس الشيء
الدوام هو الوقت الوحيد اللي يفصلني شوي عن هالفكرة مع ذلك لازم تمر علي

واحس عندي الجواب لكيف اوجه هذا النهم العاطفي والرغبة بالحب بس صدقًا ما اعرف كيف اطبقه، وهي اني اشغل نفسي بس بنفس الوقت اذا اشغلت نفسي انا ما منعت السبب بس حطيته على جنب

المهم، الله يعين

ما اذكر متى اخر مرة انبسطت صدق من قلبي مب بس اقضي الوقت
دايم ما لي خلق شي
اتخيل حياتي بالمستقبل واشيل هم من كثر ما انه ما لي خلق اعيشها؟
ما اذكر متى اخر مرة انبسطت بحياتي صدق احس بتعب واحتراق مب طبيعي

حتى علاقاتي قطعتها لان ما لي خلق اكلم احد ما عاد اعرف الا البنات بالدوام لاني اشوفهم كل يوم

معد ادري وش يبسطني ووش احب بالحياة، اللي احبه كله صار ممل وما لي خلقه

عنوان حياتي من فترة هو ما لي خلق وخرج الموضوع عن السيطرة
اظن احتاج اشوف ثيرابست غلى الرغم من ارائي المتحفظة جدًا عن الثيرابي

احد عنده مشكلة مع جو القهوات زيي؟ يعني مب طبيعي اذا صار الليل طلعوا شكليات وناس غريبة وصار المكان مب مريح، انا المشكلة اني ما احب القهوات اصلا وطلعتها بس اهلي ما يحبون الا طلعة للقهوة فصار فيه تضارب بين اني اطلع طلعات احبها وابيها وبين ارضي اهلي واطلع قهوة، طبعًا توني بديت اكتشف وش الطلعات اللي احبها: السينما، السوبرماركت، مب لازم اخذ شيء بس احب اتمشى واتفرج، الحديقة احب امشي واقعد مع القطاوة، واحب اروح قهوات بس ما اقعد فيها وقت طويل ويضيع يومي
خصوصًا خصوصًا ان الاشكال ما تساعد ولا تريح وجو القهاوي يصير غريب بعد وقت معين وهو الوقت الوحيد اللي الطلعة مناسبة فيه ويمدي نجتمع

مدري بس احد زيي ملاحظ هالشيء بالرياض؟ القهاوي صايرة مليانة ملح/جة وناس اهدافها غريبة همهم التشبيك والقز (يعععع) واشكال مدري من وين جاية تحسون عالم ثاني

بديت احس اني قاعدة انخنق من الحياة. حياتي حلوة حمدلله بس تعبت من الروتين والتكرار مدري ما قد حسيت بكذا قبل بس اتوقع كل ما كبرت وانا على نفس الوضع والحياة يجيني ضيقة وكتمة… اول مرة ابدا احس اني كبيرة صدق يعني معقول كذا الحياة بقعد كذا؟ كل يوم اقوم واشتغل واقعد مع الناس واكل وانام؟ مدري مدري بديت اختنق مب حتى انه روتين بس صار كل شيء ثقيل علي ومتعب

احب اهلي مرة واحب العيشة معهم ومابي اطلع (وحتى لو ابي ما عندنا هالنظام)، بس بنفس الوقت ابي بيت خاص فيني :( ودي بتأثيث معين بالمطبخ والصالة وكل شيء وابدا من الصفر ارتب واضبط البيت اااااخ مرة ودي!!! لدرجة قاعدة اقول يا رب اتزوج بس عشان يصير عندي بيت ونأثثه
مدري بس الرغبة صايرة عارمة بزيادة هالفترة ان عندي بيت وارتبه بطريقتي الخاصة من أ الى ي

اليوم بشارع من شوارع الرياض اللي ما ودي اذكر اسمه بس يجمع طبقة الشكليات هدوا قدامي سيارتين وسدوا الطريق لما هدوا وطبعًا باين وش الشغلة (حركات السربتة والقرف)، وش سويت؟ علقت عالبوري + قلتش تكبيس لا نهائي والمصيبة بالبداية واحد منهم مطلع راسه من السيارة يقول خلنا "نترزق الله" يعني يا هييييه ريلاكس ترى الوضع حبي وفلاوي مواليد لوس انجلوس، لما شافوا اني معلقة وما وقفت بغوا ينهبلون حرفيًا قام فحط بالسيارة عشان يوقفها على جنب ويتهاوشون معي بدال ما يكمل ويمشي بطريقه كل هذا عشاني قطعت عليهم رومانسية الشوارع ااعععععع والبنات عاد حدث ولا حرج

عمومًا انكار المنكر واجب الله يبلغنا عالخير دايم 😘

كل عام وأنتم بخير والهاجوسة ما لها دخل بضيقة العيد بس اليوم جتني لحظة إدراك أن حياتي شوي ماش يوم شفتني قاعدة أفكر بالدوام وأسوي سيناريوات إني جبت مشروع كبير وأتخيل الحدث هذا وردة الناس بالشغل وأسولف

بعدها استوعبت إننا بإجازة
وعيد
وأنا خيالاتي وأحلام اليقظة حقتي….. بالدوام 🥰💀

لما أفكر ب"أهدافي" ما أشوفها أهداف per se، هي طريقة حياة. وعشان أضمن حصولها واستمراريتها بالمستقبل لازم أعدي المرحلة الانتقالية الغثيثة ما بين حصولها الآن وتعودي عليها حاليًا وكونها نمط حياة اعتيادي مستقبلًا، ولذلك أحاول إني I show up in whatever ways possible عشان أخدم نفسي المستقبلية.. حتى لو half as/sed الأفعال، حتى لو ما شفت نتيجة مباشرة، حتى لو كنت طفشانة وأبغى بس أمسك جوالي وأبيع القضية.

So how did you show up for your future self today?

اليوم قرأت وكتبت عن الموضوع اللي قرأته لأني ودي أبني علم ومعرفة وخلفية قوية فيه
ورتبت مكان مزعج بالبيت عشان أحوله مستقبلًا لكورنر قهوة

I just wanna be so consumed by the things I love, and doing these little practices everyday makes it all worthwhile