اشتغلت فقضية دعارة ، و كنت فخور اني اشتغلت فيها و هقولك ليه
من فترة كبيرة من زمان كنت معدي فطرقة احد النيابات بمحض شغلي كمحامي و بشوف شغلي وكدة ،، فلقيت ف الطرقة الي فيها المتهمين .. بنت متكلبشة
و كانت خلقتها حلوة و لبسها برضو كان مغري بس شكلها نضيف نوعا ما .. فالفضول خدني اعرف جاية فايه
فرحتلها ، وبكل جراءة سألتها : بت انت جاية فايه؟
قامت بصالي بقرف ، و متكلمتش .. فسألت الحرس الي جايبها قالي دعارة
قولتلها : طب اي يخلي بنت صغيرة و جميلة زيك كدة تشتغل فحاجة زي دي. .. خصوصا انك جميلة يعني و قدامك الدنيا واسعة
قالتلي : انت جاي تقلب عليا المواجع ..ماتسبني بالي انا فيه انا ميتة م الجوع مكلتش بقالي ٣ ايام .. المهم بعت العامل الي فالنيابة يجبلها اكل وكانت بتاكل بنهم .. كأنها فعلا مكلتش بقالها ايام
قولتلها ، انت معاك محامي؟ قالتلي معييش فلوس اجيب حد
قولتلها هتفق معاك اتفاق .. اخرجك براءة بس تبطلي الشغل المقرف دا
لان ممكن يجيلك مرض .. قالتلي هشتغل اي وانام فين؟
انا ابويا و امي مطلقين و ابويا حشاش وقواد وعاوز يشغلني فالشغل دا و امي متجوزة واحد و رمياني .. هروح لمين؟ و لا انام فين؟ ولا اكل ازاي؟
فكلمت واحد صحبي بيشغل ناس وكدة .. قالي انا محتاج عاملة نضافة لشركة بمرتب كويس ، قولتله فيه سكن؟ قالي اه و وجبات كمان
عرضت عليها. ..لقيتها موافقة فشخ
و اشتغلتلعا فالقضية و خليت سبيلها فتجديد الحبس و يوم الجلسة جبتلها براءة
المهم ..انا معدي ع الشركة دي بمحض الصدفة انهاردة لقيتها بتندهلي
و بتسلم عليا بحرارة و شكلها نضيف اوي و دخلت فالريسبشن بتاع الشركة و عملتلي قهوة و كنت فرحان بأمانة اني عرفت اغير حياة انسان