u/Apprehensive_Many753

كلموني شركة تابعه لشركة اتصالات يبوني تدريب وقلت حلو سمعتهم كويسه وشغلهم كويس والي كلمتني واضح بتشغلني زين وطبعا الشغل كثيير.. دخلت المقابلة وانا متوقعه انهم شركة كويسه ف بيسوون مثل الشركات الكويسه ويعطون مع تمهير زياده مكافأة على ثقتهم هاذي ومتطلباتهم الكثيره المهم اخر المقابلة بدا الاتش ار يقول ترا فقط مده التدريب ومانقدر نزيد ابدا عنها وولا في تمديد وكذا وانتي ايش تبغين "تطوع" او نشوف لك موضوع التمهير؟
قلت ايش يعني تطوع هل تدفعون اكثر او كيف قال لا مافي مكافأة😅 بس تبين مكافأة بشوفلك تمهير وبيعطونك ٣٠٠٠ كويسه🥺 وش الضحككك ذا ما استوعبت رجعت اسال يعني انتو ماتعطو مكافأة قال اي للاسف 🥺 عجييب قسم وش الي تطووع وحتى تمهير مايدرون بيدخلوني او لا رحت شيكت طلع صدق في ناس مخلصين تمهير وقبلو يدخلون معهم "تطوع" ٦ شهور!! ويوم رفضتهم مستغربين ويدقدقون يبون يعرفون ليه

هذا الكلام منتشر بين الناس بس الواقع الي تشوفه حاليا كثير بلينكدان اعلنو انهم بدو وظيفه جديدة واغلبهم اعلنو بعد ماخلصو فتره التجربة بعضهم توظفو من ٣ شهور وبعضهم ٦ شهور. وشفت ناس توظفو بجهات حكوميه وغيره معناته السوق مو هاجد الا فيه وظايف لكن محد يعلن عنها ماشين بالسكات لحد يدري كأنها سر

اليوم قررت اني اروح معرض ليب توقعت يكون مناسب احصل وظيفه او فرصة، المهم رحنا انا وصديقتي ومثل ماتعرفون بعييد بس انبسطنا بالخط الروحة كانت خفيفه ومافي زحمه كثير تقهوينا سولفنا ونشبنا شووي بالزحمه😊

دخلنا المعرض هو عباره عن قاعات كل قاعه في شركات مختلفه القاعه الاولى زحمه زحممه مووت بشكل مو طبيعي والمشكله انهم بالقاعه هاذي جامعين كل الجهات المهمه فيها! Stc تحكم سايت سدايا زين سامي ارامكو وغيرها شركات معروفه كلها حاطينها بقاعه وحده ف الزحمه كلها هناك والمتحدثين مساكين تعبانين وموطايقين احد😂 ماتقدر تاخذ وتعطي معهم، والوظايف يقولون لك قدم كود ومافي اتش ار جايين.. رحنا قاعات ثانيه وكانت كويسه والزحمه اهون فيها ووالمتحدثين اروق وكان فيه تجارب حلوه الصراحة.

نجي للرجعه تخيلو ضيعنا السياره…. هذا وحنا مسوين اذكياء حفظنا اللوكيشن بس مايشتغل راحو جمعونا بقولف كار حنا وكم شخص مضيع سيارته وقعدنا ندور سياراتنا🤣 الحمدلله حنا ماطولنا حصلناها على طول وهنا تبدا الرحله المكان المواقف المداخل والمخارج ماتستوعب العدد الهائل الي حاضرين! قعدنا بس عشان نطلع من المواقف ونمسك الطريق نص ساعه ممكن؟ ومسكنا طريق الرياض وتخيلو الزحمه طريق سفر سريع واقف! واقفين بنص الطريق مانتحرك! قعدنا بالطريق من طلعنا لما وصلنا البيت تقريبا ٣ ساعات تخيلو😵‍💫 ساعتين برا الرياض من داخل المعرض وساعه داخل الرياض
المعرض حلو بس الزحمه والطريق تطفش ليتهم يحطون اعداد محدده لكل يوم مو كل من فكر دخل وجاء لو رتبو الاعداد بتكون مره افضل ك عروض وترتيب داخل والطريق. وبس والله اقيم التجربة ٤/١٠
استمتعنا داخل بس الروحة والرجعه والزحمه تنقص نقاط.

انا دخلت تمهير بجهه وقعدت معهم اقل من شهر وخلالها ختمت كل شي بالقسم وطفشت الصدق خلال ذا الوقت ردو لي جهه ثانيه تمهير احسن منهم بالبدايه رفضت والحين صرت اقتنعت اني اروح لهذولاك وقلت بكلمهم اني مهتمه ووو. بس المشكله هنا مديرتي بالتيم مافي الا هي وانا متدربه وهي صارت كانها صديقتي مره ف احراج اني اقولها بنحسب مره منحرجة منها😫 قاعده تعلمني بذمه وضمير وكذا بس الجهه الثانيه افضل بكثير احس بتفيديني عشان اتوظف حتى لو مو عندهم شرايكم انتو؟ تسوى؟ وكيف اقولها مره منحرجة بشكل

ياجماعة ما امزح اليوم صحت بشكل مو طبيعي بسبب شح الفرص الوظيفية التفت يمين ويسار بحياتي واحصل عاطلين سواء انا او صديقاتي او احد من اهلي ادخل ريديت كل احد يدور وظيفه اخر شي اليوم بالتدريب جاء اكثر من شخص يقدمون يدوي وجدا واضح مهتمين ادخل لينكدان كثير يرسلون لي يبون وظايف وهذا اكثر شي يجيب لي ضيقه لان ادخل حساباتهم والله واضح شادين حيلهم وقاعدين يشتغلون شهادات وتفاعل وحساب مرتب ويبذلون الاسباب بس ماعرف وش المشكلة ويجوني انا مو قادره اساعد نفسي عشان اقدر اساعدهم الله يفتح علينا ويرزق كل عاطل، مشكلتنا مافي وضوووح نظام الموارد البشريه عندنا عالساكت مافيه رد بالرفض يكون فيه فيد باك عشان الشخص يطور نفسه ومافيه تسامح مع شخص لو يبغا يسوي شفت كرير او اخذ قاب يير لأي سبب كان… وحتى الفرش يبغونهم افضل شي يعني والله مدري ايش الوضع

السلام عليكم انا احتاج اشاور احد بقول موضوعي هنا والي يقدر يشور علي، انا تدربت تدريبين واحد اخذت خبره بمجالي كله سويت روتيشن وصار عندي خبره منوعه وكويسه والثاني اخذت خبره بمجال معين نادر ونادر توظيف لحديثي التخرج.. الان ثالث تدريب دخلت تمهير الجهه جدا كويسه لكن عندي كم ملاحظه اخاف تاثر علي ك توظيف بعدها
اولا قالو بعد تمهير ندخلك وظيفة او GDP مو اكيد ومدته سنه وبعدها يشوفون لو في شاغر وميزانية او يلا باي.. وانا ماكنت اعرف ذي النقطه يوم جيتهم.. عالعموم اصلا القسم الي دخلته في شواغر وشكلهم مو ناوين يوظفون بالوقت الحالي بيعتمدون علي.
نجي هنا للاساس الي هو الخبره
دخلت لقسم كويس وانا حابته وفيه فرص توظيف بالجهات الثانيه لكن…. عندنا جهه عالميه ف تختلف البروسس وبصير بنظر الجهات الثانيه كاني تقريبا اسوي نص البروسس.. ف بديت اتردد ولدرجة اهوجس بالانسحاب من الفرصة بما اني بالاسبوع الاول للان طبعا ذي الخطوه صعبه خصوصا اني شوي people pleaser بس اني حاسه تمهير مهم جدا. المكان كويس صراحة من جميع النواحي ومديري جدا كويس ويبي يمكني بكل شي وعطوني اكسس شغل موظف لكن تركيزي على الفرصه والخبره نفسها انها بتكون ناقصه..مع ذلك انا قد اشتغلت بتدريبي الاول على الاشياء الي ناقصه عند هذول ف عندي نظره وفكره عن الشغل، بس اني بديت اهوجس اتردد واندم.. خصوصا كان تركيزي بكلامهم انهم بيدخلوني ال GDP بعد تمهير يوم جيت اكتشفت ان ال GDP ماهو منتهي بالتوظيف بيكون حسب الشواغر فقط… انا شخصيه الصدق بما اني جربت تدريبين وللحين ماتوظفت صايره اخاف بكل خطواتي واهوجس كثير لدرجة قعدت شهرين اتنقى فرصة تمهير توافق معاييري ولعل التفكير الزايد خرب علي اخاف اني بسبب خطوتي ذي قللت فرص توظيفي… تقريبا كذا خلصت كل النقاط شرايكم ونصايحكم؟

انا لغتي متوسطه لكويسه بس مشكلتي لما احتاج اتكلم انسى مفردات ولهذا السبب اتوتر ويطلع كلامي مخربط. اقرا كويس واعرف وافهم بس ما اتكلم حوار كامل وحاليا بدخل تدريب والبيئة كلها تحتاج انقلش يوميا وبديت اتوتر من الحين. ايش ممكن اسوي بحيث اطور لغتي واتطور من ذي الناحيه خلال الكم يوم قبل اداوم وايش نصايحكم او تجاربكم بذا الوضع؟

والله انك اتش ار ومتدرب او توك بادي فرش شينه خصوصا ان الي يكلمونك ويخلصون امورك هم نفسهم الي بتشتغل معهم يعني اي سباكة تسويها او تقولها تنحفظ وهي الانطباع الاول عنك ماتقدر تهج وتقول اي عادي ماعاد بقابلهم كثير هم تيمك اصلا🤣

اقولكم سالفه مره دخلت تدريب وفي متدربه معي بنفس التيم وكلنا ميتين نبي نتوظف صرنا نقدم وترسلي وارسلها وظايف بس جت فتره لاحظت انها تقلدني باشياء مثلا لما اشتري عباية جديده تسال من وين وتروح تجيب شي يشابهها اشتري مق تروح تجيب مثله بالضبط نفس اللون حتى جبت شوز جابت مثله لون ثاني وغيرت شنطتي غيرتها معي.. المهم مره جاني اتصال فون سكريننق وهي شافت جوالي وسالتني وعلمتها عادي يعني مو شي من بعدها قسم بالله كل مايرن جوالي تنط تسوي اي شي عشان تشوف الي دق. وجتني مره فرصه وظيفيه اتصلو يبلغوني بالقبول وشافت الاتصال باسمهم ويوم رجعت قالت قبلووك صح ومن ذا الكلام وعادي انا علمتها (كنت غبيه) وطلبو مني ارسل الملفات وسبحان الله طول وقتنا فاضين بس يوم صرت مشغوله ابغا ارسل الملفات راحت البنت و طلبت ميتنق مع المانجر ونادانا ميتنق طبعا اي شركة يكلموني تروح تضيفهم كلهم وترسلهم… وانا اصلا كانت لما تجيني فرصه بالمسار الي هي تبيه ارشحها لهم بعدين استوعبت انها ماقد رشحتني للفرص الي تجيها. المهم العرض الوظيفي الي جاني انسحب.. كذا فجاة انسحبو سويت فولو اب قالو صار اون هولد البوزشن🥲 خيره ان شاء الله المهم اخرها يوم خلصنا تدريبنا كملنا شهر تقريبا او شهرين دقت تسلم وسالت لو توظفت او لا يوم قلت لها قالت الحمدلله الله يبشرك بالخير حتى انا ماتوظفت 🥰 من بعدها ماعدت ارد عليها ابدا

انا حاليا عندي فرصتين تدريبيه ومحتار فيها كلها نفس المسمى ونفس المهام
الاولى شركة استشارات عالمية كبيرة
الثانيه شركة تشتغل بالتقنية (تخصصي مو تقني) ومن شركات الصندوق
ايش الافضل ك خبره ومسمى ومرغوب عندنا يفتح لي فرص بالسوق لان ابي اتوظف طفشت..
الاولى قالو لك اولويه تدخل GDP معنا اذا خلصت تدريب،
الثانيه قالو مافي شي اكيد بس تدريبك بيخلص بدايه السنه ف ممكن تفتح فرص توظيف ماندري مافي شي اكيد وتيمهم عباره عن مانجر وموظف واحد ف حسيت مدري ممكن يحتاجون يوظفوني وبنفس الوقت شفت متدربين قاعدين عندهم ٨ شهور ماتوظفو ومتدربين طلعو ولا وظفوهم ومتدربين وظفوهم ف مدري يعني صدق الوضع مخربط شوي مافهمت نظامهم،
انتو ايش رايكم لو انكم مكاني؟

انا بدخل مقابله تمهير واحتاج افاضل فرصتين من ناحيه التوظيف وودي اسال بالمقابله عن احتماليه التوظيف بس مدري كيف اقولها وكيف الطريقه المناسبه بحيث يتكلمون بوضوح ولا يلفون ويدورون عطوني صيغه او اسلوب معين اسال فيه، وهل اعلمهم ان عندي فرصه ثانيه وبفاضل بينهم او لا؟

شفتو ذولا الي بتويتر يكتب جمب اسمه HR ويسوي لك فاهم ياجماعه يضغطووني مايدلونها ولا يعرفون شي ينزلك برنامج مقفل من سنه ويقول حديثين التخرج قدمووو لا تفوتكمم!!!!
ولا تو واحد منزل حديثين التخرج شوفو هاذي من شركات الصندق منزله وظاايف يقدمو وحاط صوره الوظايف الي اغلبها (Directer - Manager- Head of) ماتعرف تقرا ولا وش كيف حديثين تخرج تبيهم يقدمون عليها تسوووقها انت؟!؟!؟ ينرفزووني

ماشاء الله تبارك الله ياجماعه دخلت مقابله بجهه عالميه كبيره مره وهي تدريب يعني بس والله ذرقت العافيه مدري وش جاني ماشاء الله عليهم التيم على مستوى صدق فاهمين وبنص المقابله يوم قلبت عربي متعود عادي كل احد مايقول شي الا هذول قالو معليش كمل المقابله بالانقلش نبي نقيم لغتك حنا نهتم جدا باللغه… هذا غير ان خبرتي وشغلي الي دايم يرفعون فيها بالمقابلات طلعت ولا شي عند هذول.. يوم خلصت قعدت اقول داخلي يارب مايقبلوني حسيت اني تحت الصفر وبتورط معهم🤣🤣🤣🤣🤣 مو تقليل من نفسي بس الواحد يكون عارف مستواه

خبرتي تدريبيه زياده عن سنه دخلت مقابلة والي يقابل قاعد يحشر لي وجاوبت كلش قام قال ماشاء الله خبرتك جدا واسعه وجاوبتي كل شي نفس الي نحتاجها واشوفك جاهزة للوظايف وزيادة ليش ماتوظفتي للحين ….. اممم والله مدري كأن الوظايف تنتظر عند الباب المهم حتى هو رفضني🤣🤣🤣🤣🤣

يوميا اصحى ٩-١٠ الصباح وابدا بحث كاني مداوم انبش واحفر ادور فرص واقدم وخلال ساعات الدوام انقل جوالي ٢٤ ساعه معي عشان لو احد دق ماشي على ذا النظام من اكثر من شهر تقريبا.

ومع ذلك للان الفرص الي تجي تمهير مع ان خبرتي سنه، اقدم بالايميل وارسل بلينكدان واقدم على وظايف ومحد يتصل شي متعب والله اذا دق رقم غريب يجيني امل انه ممكن يكون توظيف واخر شي يطلع مندوب ولا شي…

السوق وضعه غريبه ومتقلب بشكل حصلت وظيفه مطروحة مفصله تفصيل علي وقدمت وتاملت يوم شيكت الحين حصلت المتقديمن ٧٠٠٠😂 الله ياجرنا ويرزقنا وظايف يارب

في اعلانات تنشر على صفحة Confidential استغربت نزل كم اعلان نفس الوصف والمسمى ونفس المتطلبات ونفس كل شي نزل ٣-٤ مرات خلال شهر والشخص الي نزله يكون اجنبي وحسابه غريب انتقالات غير منطقيه ووظايف ماتمشي مع بعض وبعدها مدري اعتقد يحذف اسمه او حسابه يوم شفت التقديمات حقتي حصلت اني قدمت عليهم ٣ مرات وكلها حذفو او انحذف اسم الشخص الي نزل الاعلان بس اني اتذكره

ايش تتوقعون هذا هل هو سكام وجمع بيانات او ايش الموضوع فعلا غريب

١- فرصة تدريب بجهه كبرى قويه بنفس قسمك وتخصصك بس شغل ماهو اهتمامك مره
٢- فرصه تدريب بجهه صغيره توها بدت تصير متوسطه وتتوسع وبنفس الشي بنفس قسمك وتخصصك والشغل بيكون نفس الي تبي تشتغل فيه

ايش تختار؟ انا متدرب قبل كثير لكن احتاج حسابي والسي في يوصل لاخصائين التوظيف او جهه توظفني

حاليا ادور شوز جديد بيكون للدوام
الخيارات الي عاجبتني اونتسوكا تايقر او شوز الو الترند بلون اسبريسو
الي جربهم شرايكم فيها وهل شكلها مرتب مع العبايه؟
خصوصا شوز الو عاجبني بس ماعرف لو شكله بيكون مرتب بعض الشوزات مع العبايه تطلع شكلها كبير ومزعجة ف الي جربهم من ناحيه الراحة وغيرها يعطينا رأيه وشكرا

ايش تعرفون عنها ك رواتب وبيئة ومميزات؟ هل رواتبهم بالمتوسط او اعلى او اقل؟ ايضا ايش مميزاتهم لو احد عنده علم؟ ومن ناحيه مهنيه هل هي فرصه كويسه ك اسم واقدر اتطور اكثر معهم؟ اي معلومه ممكن تفيدني وشكرا لكم

شي افكر فيه. الله يرزق الجميع لكن لما تشوف تمييز بمستوى الاسئلة والمتطلبات الي يطلبونها لوظيفة غصب تفكر.

كلنا حديثين تخرج تخصصي نفس المطلوب وخبرتي ٦ شهور بجهه كويسه هي حديثه تخرج من تخصص مختلف وبكليه مختلفه تماما وتدريبها ٤ شهور بالتخصص المطلوب… دخلنا المقابله وحشرولي تحشير واسئله فعليا صعبه وعميقه وجاوبت اغلبها الحمدلله
جت هي بعدي وماسألوها مثلي وكلها اسئله عامه وبسيطه واخذوها الله يوفقها. لكن هذا ملاحظته كثيير طيب وش فايده التخصص الجامعي والخبره وشهادات مهنيه اذا مارح تعتمدون عليها بالاختيار؟وهذا الشي مو بس انا لاحظته حتى زملائي بنفس التخصص لاحظوه وتكلمنا عن هذا الشي يعني مو شخص واحد او كذا.

واكثر من مره اشوف بوزشن انتري لفل لتخصصنا يتركونا ويروحون ياخذون الي مو نفس التخصص ليه طيب؟؟ كله عادي اذا البوزشن عام مثلا بس بوزشن يعتبر متعمق واحلف لكم يحتاج خبره لو تدريب تروحون تتركون الي بنفس التخصص ومتدربين بنفس القسم وتاخذون احد تخصصه مختلف ولا يعرف بالقسم شي ايش السبب؟

ايش فكرتكم انتم ايش تتوقعون السبب ليه ياخذون اصحاب تخصصات اخرى؟