u/ArabDevastator

انا دايم استغرب من الي ما يتزوج كويتية خصوصا اذا ما تزوج عربية بعد، شلون التعامل معاها وهل بيكون اسهل من الكويتية مثلا؟ وليه ما اخترت كويتية

والله عندي فضول بعرف😂😂😂😂😂

ياجماعة الخير بعلمكم قلتش اسطوري بيعجبكم والله واكثر شي راح يعجب الأكيلة الي يفرمون الاخضر واليابس

فيه طريقة دايت معروفة عند الامريكان وهي عبارة عن انه تقلل سعراتك الحرارية من الاكل كل يوم ب 500 كالوري مثلا او 700 كالوري تنقصهم كل يوم وتخلي يوم او يومين بالاسبوع حرفيا تفجر امها بالاكل باليوم او باليومين الي انت حاطهم بالاسبوع، وماراح يزيد وزنك ابدا!!!!!

يعني مثلا وزنك 95 طولك 179 وسعراتك الحرارية اليومية الي لازم تاكلها عشان تحافظ على وزنك 2800 كالوري مثلا، تقلل يوميا 500 كالوري وتخليهم 2300

انا طبقت هالحركة نقصت الكالوريز حقتي يوميا وحسبت الحسبة انه عندي يومين مفتوح، وحرفيا افجر امها بالاكل اكل مثلا باليوم او اليومين 4000 كالوري ولا 5000 ولا حتى 6000 كالوري باليوم هذا واعوض كل العجز الي سويته بالايام الي طافت وهكذا

طبعا انا ما انصحك انك تزيد العجز اليومي اكثر من 500 كالوري لانه ماله داعي يعني شلون راح تاكل 10 الف كالوري بيوم واحد؟؟ ما تدش الراس ماراح تقدر اصلا بطنك بتنفجر

ادري الموضوع يمكن يبان غير صحي ولا غير مستدام وكلامكم صح مو طول الوقت بتسوي جذي بس بأسابيع معينة بالشهر او بالسنة، نصيحة للأكيلة الي مايبون يمتنون طبقوا هالحركة وادعولي بتسمتعون وماراح تزيدون ولا نص كيلو!!!

ياجماعة الخير انا عرفت عت مؤشر جودة الهوا بالفترة الاخيرة وعرفت ان جونا سيء جدا بكل المقاييس وسام حيييل

انا طحت مريض قبل اسبوع وكحة وخشم يصب وكحة مع بلغم وكحة ثقيلة بعد، وكل هذا لاني تمشيت بالممشى بالمغرب لساعة بس لمدة يومين تخيلوا!!!

ياجماعة هذا الجو قاسي جدا وضار بشكل ما تتخيلونه يعني المؤشر الطبيعي لأي مدينة يكون بالعشرينات بالخمسينات واذا صار حده يصير بالثمانينات ويعتبر صحي انك تطلع وتركض وتتمشى فيه، بس اي شي فوق ال ١٢٠ مضر جدا انك تطلع فيه ولازم تطلع بكمامة N95 بعد لان جونا كله ميكروبات وجسيمات واتربة واشياء دقيقة تشخل رئتك وبلاعيمك وجهازك العصبي كله

والله اني استغرب لما اشوف ناس يمشون ولا يركضون يعني تراك تضر نفسك اكثر من ما قاعد تكون صحي، والاشعة الفوق البنفسجية الله وكيلك وجهك بعد جم سنة بيصير وجه شايب كله تجاعيد وحفر وهذا اذا ماجاك سرطان جلد بس

تخيلو مؤشر جودة الهوا اليوم ٧٠٠ !!! يعني كأنك ب نيودلهي ولا بأقذر مكان بالهند ولا مدينة كلها معامل بالصين يعني خططططرررر انتبهوا

I know this is weird but hear me out!

If you are picking chimaev don't put any thing on him winning money line, instead you should go with by sub at +110 or by Dec +300 because its better than the money line because believe me there is no value at -600 its waste of money

Go with Chimaev by sub or point at -180 its so much better than the money line and I don't think Khamzat will strike with Strickland at all and I don't think he will waste his gas tank by ground and pound we saw that with his fight with ddp

What yall guys think????

سلام

شباب اسعار ترولي والله مو طبيعية يعني ماي اكوافينا لتر ونص ب ربع بترولي وبالفروع ينباع ب ٦٠ فلس!!!!

واسعار الببسي زايد ٦٠ فلس واسعار الصمون ومشروبات الطاقة اغلى بواجد من الجمعيات والككاويات بعد، يعني ترولي شي غريب الصراحة وانا من شهرين ما امر منهم الا عشان الثلج والكوب المجاني غير جذي ماجيهم اصلا

مافي ولا شي سعره منطقي يعني اشياء تشتريها من الجمعية بدينار بترولي تدفع ٣ ونص بالراحة، الي يشترون منه بشكل يومي شوضعكم والله شكلكم اغنياااااء وعندكم فلوس زايدة وغير مناسب للناس الي تعيش بميزانية شهرية وعندها اقساط😂