u/Asm-780

الفيزا** **
الفيزا الكترونية مايحتاج حضورك انصح عن طريق مكتب او اي برامج التاشيرات لان دقيقين جدا اليابانيين.
يحتاج صور شخصية، صورة الجواز، صورة الهوية، تعريف راتب مايهم كم الراتب او كشف حساب ٣ شهور برصيد لا يقل عن ١٥ الف، نموذج خطه سفر، وتحديد التواريخ بالضبط. ممكن في بعض الاختلاف في المتطلبات.

بعد ما تطلع الفيزا تسجلها بموقعهم هذا عشان تعدي الجمارك عند الوصول. https://www.vjw.digital.go.jp/main/#/vjwplo001
الموقع ما يطلب تدفع اي شيء انتبهوا تاكدوا من الموقع لان في مواقع مشابهة تحاول تسرقك.

الدفع** **
اغلب الاماكن عندهم بطاقات وابل باي، ودايم لما يعطونك الجهاز ويقولون اختار اي عمله دايم اختار عملة البلد لان تطلع ارخص عليك. يفضل دايم تاخذ كاش معك لان بعضهم ما يقبل الا الكاش. تسحبه من صرافات 7 eleven يعطونك افضل سعر

التنقل
افضل شيء المترو حقهم افتح قوقل ماب وحط المكان وبيعلمك بالضبط مع اي مدخل تروح واي مخرج بالتفاصيل.بس تحتاح بطاقة مترو تدخل المحفظة بالجوال وتضيف بطاقة SUICA IC CARD وتعبيها وبس تقدر تستخدمها بكل التنقلات داخل المدن وايضا تقدر تدفع فيها بالبقالات وبعض المحلات.
التنقل بين المدن بقطارات
Shinkansen
Limited-express
تحتاج تذاكر تشتريها من الاجهزه بالمحطه سهل جدا في انجليزي وتعليمات واضحه.
اوقات الذروة الصباح من ٧:٣٠ الى ٩:٣٠
المساء ٥:٣٠ الى ٧:٣٠
اول قطار الساعة ٥ الفجر
اخر قطار بين ١١:٣٠ الى ١٢:٣٠ الليل

شحن** **الشنط
لما تنتقل من المدن انصح بقوة شحن شنطك الى فندقك الثاني بيخفف عليك سحب الشنط في المحطات وتخزينها بالقطار
اغلب الفنادق يقدرون يشحنونه لك لكن اذا ما عندهم الخدمه في شركه
Yamato يشحنون لاي مكان في اليابان حتى المطارات

الفعاليات** **
برنامج Klook
تقدر تحجز منه كل هذول وغيرهم
Universal studios Osaka تجنب الويكند
Disney ما تسوى لاينات طويلة
Fuji q highland حلوة ومظلومة اغلبها قطارات سريعه
Tokyo Tower
Shibuya Sky
وايضا تقدر تحجز تورز معهم الى جبل فوجي وغيرها باسعار حلوه

السكن** **
هذا اغلى شيء بيكون لان فنادق طوكيو غالية واغلب غرفهم صغيرة.
شخصيا افضل اسكن في منطقة
Ginza
Ueno
Roppongi
Azabudai
تجنب Shinjuku اغلبها بارات واشياء ما تنفعلنا ومزعجة
وحاول تكون قريب من محطه بحدود ١٠ دقايق مشي لان بيسهل عليك التنقل كثير
سلسلة فنادق Mitsui Garden جيده سكنت فيها اكثر من مره

المطاعم** والاكل **الحلال
في طوكيو واوساكا وكيوتو مليان مطاعم حلال موجودة باللستات.
الاكل البحري ما احبه شخصيا فاعتذر مافي مطاعم بحرية باللستات

طوكيو

Tokyo restaurants

https://maps.app.goo.gl/hwC1vPeXUVvRb99eA?g\_st=i

Tokyo pizza

https://maps.app.goo.gl/E6EjPkciJg9FcjWM6?g\_st=i

Tokyo cafes

https://maps.app.goo.gl/cKhJAGujLLbrxrm96?g\_st=i

اوساكا

Osaka restaurants

https://maps.app.goo.gl/4WjpAfxED9Nru2BPA?g\_st=i

كيوتو

Kyoto Restaurants

https://maps.app.goo.gl/gD6VjSBEFaMM6m8m7?g\_st=i

سابورو

Sapporo restaurant

https://maps.app.goo.gl/pPGRmmh5Y89aHsk47?g\_st=i

افضل مواسم السفر
من اكتوبر الى نهاية مايو
اغلى موسم الساكورا في ابريل
تجنب القولدن ويك لان تكون اجازة للشعب كله و كثير محلات تكون مقفلة بين ٢٩ ابريل الى ٥ مايو

النت** **
انصح في Journey Japan esim
لا محدود وكان اقوى نت من كل اللي تجاربي

ترا اليابان كل شيء ما يفتح الا ١٠ او ١١ قبلها ما عندك إلا الحدايق او الجبال صباح افضل تتجنب الزحمه و اذا مهتم في معابدهم كثير منها جميلة تتامل فيها لكن لا تسوي مثلهم من الانحناء او غيرها عشان ما تقع في الحرام.

نظام التاكس فري للاسف بيتغير من شهر ١١ هذي السنة بيصير زي كل الدول تدفع كامل وتاخذ التاكس من المطار.

ان شاء الله قدرت اغطي كل شيء الي عنده اي سؤال او استفسار اكتبوا بالكومنت

السلام عليكم بغيت افيد اللي رايحين اليابان هذي لسته فيها اكثر من ١٤٠ مطعم حلال في طوكيو مسويها من اول سفره وحدثتها مع اخر سفره ان شاء الله تستفيدون منها