اموت في التشيزكيك واي شي فيه فواكه، كانت اول تجربة لي اسوي تشيزكيك طبقة التوت كانت مش ولابد فيها طعم حديد وحالية بزيادة بس طبقة الجبن كانت متوازنة لكن اتوقع المرة الجاية بحاول اسوي التوت بنفسي بيطلع احلى، والبسكوت استخدمت دايجستف مدري ماعجبني مرة ماله طعم.
Overall 7/10 بس ما ارجع اسويه لانه ماعندي صبر وبصير اسويه كل يوم ويزيد وزني واكرهه
نقاش حامي عمره ٢٧ دقيقة بيني انا وصديقتي هي تقول الشكل الخارجي مو مهم في العلاقة من ناحية القبول، المهم هو الشخصية والجوهر ومستحيل ترفض واحد شخصيته حلوة عشان شكله مو حلو.
وانا اقول الاثنين ما يتعارضون بل "يجب" رفض الشخص اذا شكله ماعجب الطرف الثاني لانه الشكل الخارجي مهم نفس اهمية الشخصية ولا يتعارض وجودهم في الانسان مع بعض ولا هو شرط صعب، الكلام الايجابي بزيادة حق الروايات والمسلسلات وانه عمق الشخصية والروح والاخلاق هي المهمة اخر شي يجي وقت ما اقدر اطالعه لاني مو متقبلته سلامات؟ دايم اذا الشخص تكلم عن الشكل الخارجي يجي هجوم كأنه قال الشكل هو الشي الوحيد المهم، بالعقل اصلا الاخلاق والشخصية اكيد مهمة بدون ما تنذكر المفترض انها بديهيات.
What does reddit think?
فيه مدير عندنا كنا نتناقش معه انا وكم بنت معي عن حاجة في الشغل وحصلت مشكلة.
الغريب انه قال "احا" وطلع صوت تشخير قدامنا 😀..
كلنا استغربنا لكن وحدة من البنات راحت ورفعت شكوى للHR بسببها
وانا على بالي انه يمزح ما ركزنا معه. هل الكلمة لهالدرجة سيئة تستاهل تعصيد شكوى؟
Ps: لقيت فلير بنفس الكلمة هههههههه
باختصار كنت جالسة مع بنت خالي وكنا نسولف عن فيلم اجنبي مدري شلون تفرعنا وخشينا في المواريث وجلسنا نسولف ودخلنا في سالفة للذكر مثل حظ الانثيين وجلست اشرح لها ليه قامت شهقت وقالت حرام لا تفتين لين طلعت جوالي وبحثنا جلست اوريهت (i died a litte) انا جاء فوق راسي استفهامات كثيرة؟طلعت منصدمة شلون اعرف وانا اسمع اغاني واتابع افلام.
انتظر الانهيار العصبي يجيني من العشوائية اللي واجهتها احس الحياة حلم وغير حقيقية لانه الكل درس مواريث وش دخل هذا في هذا
كنت اسولف مع وحدة انه احيانا افكر بمواقف محرجة مرة بالنسبة لي، ويتفاوت حجم الاحراج حسب عمري وقتها وتناسب الموقف مع عقليتي وقتها، ولكن الثابت هو الشعور. ما يتغير شعوري في كل موقف بغض النظر عن اني كبيرة الحين واشوفها اشياء تافهة لكن اذا رجعت افكر فيها ودي اركض واصقع بجدار من الاحراج.
قالت لي بنت الحلال انه جربي تسولفين بهالمواقف بصوت عالي كأنك تعترفين فيها.
ههههه سلامات؟ اخذت زبدة كلامها لانه المعنى في بطن الشاعر وجربت اكتب كم موقف في دفتر كحلول ثانوية وماش عجزت احس اني بطرش منحرجة من نفسي وانا اكتب.
الحين جاية اكتب هنا لانه ريدت صار safe place قريت قصص تشيب الراس لين اذنت، السالفة انه تقريبا يوم كنت ١٢ سنة كنت مصيفة بديرتنا وجدي الله يرحمه من زود الفسقة باني مسجد له هو وخوالي وoccasionally اشخاص قد يرضى عنهم يوم ويوم لا. وحدة من الليالي كنت سهرانة وجميع المبزرة نايمين الا انا متعودة على السهرات لانه حسب ما كانوا يقولون "تحسبين نفسك احسن منا" وانا مادريت عن شي بس صرت فعلا اشوف نفسي احسن منهم من كثر مايقولونها. قررت وقتها انه محد يقدر يقول لي شي وعادي افك المزلاج واطلع الساعة ٢ الفجر للسطح وادخل المسجد لانه كان مرتفع وحسيت شوي اني من الطبقة الثرية لانه من عنده مسجد لهم لحالهم؟ اخذت المفتاح من فوق اللمبة وفتحته ودخلت وكنت ناصية المايكروفون.
الجدير بالذكر هنا انه هذا المسجد مايصلون فيه الا في السنة حسنة ليه؟ نروح نصلي مع جماعة المسجد لانه وش بيقولون عنا؟ طيب وراك باني مسجد وهاجره ما فهمت الحين، المهم كنت اشوف عيال خالي يدخلونه احيانا ويسوون برامج مواهب وافكار الله يغفرلهم بزران كانوا، انا وقتها كنت في مرحلة مابين الغباء والذكاء يعني كنت مستوعبة انه المايك طافي بس بنفس الوقت قررت اشغل زر الاون لانه مستحيل كل شي هاجد ويوم جيت انا بيشتغل، وانا فعليا شفت اللمبة الخضراء تشتغل بس كملت وجلست اقول بالمايك اوووء اااءء ءءء بفتتت بفتتت، بعدين صٌعقت انه فيه صدى يا عالم واترك كل شي واهج بكل ما عطاني ربي من قوة الادرينالين عندي ضرب فوق تحت من الروعة ورجعت للبيت ودخلت تحت البطانية وتمنيت اموت، العامل قام وولد خالي كان سهران عند الجيران جاء وقوموا الدنيا كلها وسووا تحقيق وفيه ناس توقعوا انه جني وناس ثانية قالوا يمكن كلب يحوس في القرية وانا ميتة خوف طول ذا الوقت وليه كل ذا الناس اللي ما اعرفهم يدورون عني المهم الحلو في الموضوع انه جدي حس انها رسالة من ربي وقام يصلي في المسجد وفتحه للقاصي والداني.
احيانا الى اليوم يسولفون فيها وانا مختنقة احس اني بنقفط.
يعطيكم العافية
طلبت ماتشا جامبو من دانكن لاني ما افهم في احجام المشروبات وماقد طلبت من المحلات الا قهوة اليوم او امريكانو وتجي بأحجام طبيعية.
دايم يسألوني صغير ولا كبير واقول كبير، اليوم سويت نفسي كوميدية وقلت هههه اكبر شي، حاليا جالسة في السيارة اتأملها لاني مستحيل ادخل فيها الدوام i’d rather choke
ابي laurel وقاعدة انقمع من كل جهة يبون البيت كله ابيض، فاهمتهم انا بس وش يبون بغرفتي يخلونها بيضاء وش ذا الخياس شلون اقنعهم انه مافيه ضيف بيجي ينسدح بسريري
العطر هذا ما تتصورون قد ايش عانيت عشان اجيبه انزرفت مرتين من مواقع نصابة، ورحت الفروع ومالقيته مخلص، واندبجت كذا مرة على الزرفات لانه ادارتي المالية مو افضل شي
كنت ادوره بلا هوادة لمدة ثلاث سنين والحمدلله لقيته في موقع ما ادري نصابين ولا لا بس توكلت على الله وتجهزت نفسيا لدبجة ثانية في حال انهم طلعوا نصابين AND THEY WEREN’T !!
ابي تباركون لي تكفون عطر سخيف بس اني صرت مهووسة لاني ما اسوعبت ليه شراءه صعب مرة مع انه مو مقطوع من السوق واهلي من كثر ماعانوا معي قالوا انقلعي ريحته خايسة
بداية فترة كأس العالم ضحكت وذبيت على التيم ليدر عندنا انقفط انه يتابع مباريات اثناء الدوام ومسوي اكسل شيت توقعات كأس العالم في لاب توب الدوام قبل فترة واوكيه ذبيت عليه شوي اخذته محتوى، بعدها صارت لي مشكلة في الجهاز قام يهنق ووديته للIT وقال خليه عندي بياخذ وقت، تركته عنده ورحت كملت حياتي ورجعت له نهاية الدوام لقيته ماخذ لفة على كل شي يشيك على تجاوب الجهاز وقافط اني فاتحة اليوتيوب اقزرها على فيديوهات الداش كام حقت الشرطة الامريكية وصفحة يوتيوب ثانية مسلسل جميل وهناء وطالبة طلبية من علي اكسبرس فاتحه حسابي فيه، ومكلمة دعم apple فيه والقنبلة الاخيرة، حاطة الخلفية صورة جورج كوستانزا.
هو كان يتنقل بين الصفحات ساكت اخر همه ماقال شي بس عشان يوريني انه التهنيق راح لكن انا دخت
حاليا جالسة اوصف المشهد كما هو لاني مب قادرة انام من الاحراج مع انه ضحك وقال عادي دامك مافتحتي شي يسبب لنا مشاكل، من يومها وانا شايلة الستيكرات من الجهاز ومضبطة الخلفية حاطة شعار الشركة وتاب واحد ماله علاقة بالشغل مافتحت حتى لو تشات جي بي تي
الموضوع ماخذ حيز من تفكيري ذا الفترة لاني جالسة اشوف الناس مدهرة بسواليف الزواج بعدين اكتشفت انه هالجيل جالس يتزوج بدري وعجزت اعرف ليه، ماهو غلط طبعا ولكن توقعت العكس انه رفاهية العزوبية والسفر والكماليات حاليا صارت اكثر اهمية، تم دعس الفكرة يوم بديت اشوف صديقاتي يتزوجون وهم تحت ال٢٥ سنة وعادي وانا الى حد ما منهبلة لانه موضوع الزواج مرعب يجيني تكاك منه وممكن اطرش لو احد جاب طاري الخلفة عادي الى هذي المرحلة وصلت.
سوق العمل حاليا اشوفه مندمر مافيه وظايف والامور معسرة الله ييسرها، التنافر في الاختلافات والاهتمامات حاليا بين الجنسين اكثر من اي وقت مضى فعجزت احدد ليه الزواج المبكر الحين صاير مرغوب والاغرب ليه اشوف بنات الحين يسولفون عن العنوسة وخايفات واكتشف انه اعمارهم ماتعدت ال٢٥ سنة والعيال من قبل يتخرجون من الجامعة يبدون يجمعون ويفكرون بالزواج
Am i hallucinating?
اللي بيطلب اكل من برا ارجوك جرب تطلب دبل تشيزبرقر من burger policies والمكس فرايز حقتهم.
ليه سويت بوست وكبرت السالفة؟ انا انسانة ماعندي ذوق في الاكل، والله ما استهبل يعني ماعمره احد فكر ياخذ رأي احد بأكلة ولف علي انا وقال فلانة لاني اكل الاخضر واليابس عادي، دام الملوحة او الحلاوة موزونة فعادي كل شي قابل للاكل وكل الاكل عندي بنفس المستوى ماعمري انهبلت على شي معين.
انا the worst nightmare للمتذوقين واللي عندهم صعوبة ارضاء في الاكل والعكس صحيح
ولكن جربت هالمطعم بالغلط وجتني دمعة حسيت اني بصيح مدري وش فيه حاطين سبليمنال ولا هذا شعور انك تجرب ولو مرة تكون متذوق؟ سويت حفرة كبيرة بحسابي البنكي لاني خلصت اكل وطلبت لاهلي يجربونه ورفضت اي رأي يقول انه عادي لاني ما احب احد يخالفني الرأي
اللي قد جربه يعلمني انا مبالغة ولا لا
اولا لست فخورة بنوعية الside quests اللي اسويها وقت فراغي بالدوام ولكن يحصل انني مهتمة بالايدتنق واتوقع انه فيني توحد غير مشخص والله اعلم لانه لي ثلاث سنين اتابع نفس المسلسل وعييت افكه.
المهم من هواياتي اني اسوي ايدتنق غالبا اشقلب حدث معين بمسلسل واغيره بالتقطيعات والمعالجة لين اسوي حدث جديد، ما ادري وش ركب عقلي امس وقلت لوحدة من زميلات العمل عن الموضوع وصارت تشجعني وتحاول فيني ادخل مع تيم القرافيك لانه عندهم احتياج تصميم موشن وفيديوهات وانا طبعا عييت وضحكت يعني الله يقطع سوالفك يابنت، المختلة راحت لمدير القرافيك تعلمه وجاء حشرني في غرفة الاجتماعات الا وريني وشكلك شاطرة ومن ذا الخراط لين خضعت من الضغط النفسي ووريته وانا فيني الصيحة والعجيب انه عجبه الموضوع ولا استغرب ليه الفيديوهات عبارة عن اغنية اماجن دراقونز في الخلفية وترانزسشنات شقلبة يمين ويسار وايفكتات تجيب المغص ما ادري احزن على ذوقي الزق ولا على متطلباتهم الخايسة
المهم كنت ادارة مشاريع وصرت الحين حالة طوارئ جيم في تيم الابداع على قولتهم.
بضطر اقىتل نفسي لاني ماعرف اقول لا