شرح و تحليل للفلم القصير "قصة واحد عادي"
احب اقول انه ان ده بلا مبالغه من افضل الافلام القصيره اللي تحمل معنى انا اتفرجت عليه , مش بيحشيلك المعنى في بقك، بيسيبك تركز وتوصل للمعلومة بنفسك، والتفاصيل كلها شارحة نفسها للي يركز. وهحاول اختصر
شوف الفلم الاول بعدها اقرأ عشان متبوظهوش على نفسك
فده هيبقا طبعا من فهمي و اتمنلى تصححلي او تضيف فهمك كل واحد مختلف بفهمه.
مين هو ميد؟
ميد هو البطل الرئيسي , من اول الحكايه خالص . ميد ده يتيم قاعد في دار و ميد حصلتله حادثه ادت انه مبقاش قادر يشوف التلفونات او يعرف حاجه عنها او النت او العالم ده كله
ايه هي الحادثه دي و مين السبب فيها ؟
عشان نعرف ايه هي الحادثه لازم نعرف السبب الاول , السبب فيها بيشار اليه قدام في الفلم انه شخص اسمه مستر اكس , مستر اكس مش شخص فعلي حقيقي بل هو بيمثل دور الانترنت و الموبايلات و العالم ده كله بالتالي نقدر نستنتج ان ميد الحادثه اللي اتعرضلها مش حادثه فعليه بل ان هي صدمه التكنولوجيا اللي طبيعي ايي طفل منعزل يتعرضلها
ليه بعد الحادثه ميد مبقاش يشوف او يعرف اي حاجه عن النت و التلفونات ؟
بعد الصدمه اللي ميد اتعرضلها قرر انه هيخلق وهم و عالم بدون نت او تلفونات و هيعيش فيه و فضل مقتنع بكده بالتالي مبقاش قادر يتعامل مع اي بشر تانين و لا قادر يكون اي روابط معاهم
بيظهرلنا شخصيتين مهمين جدا و هما نتجوا عن ان ميد عايش فالوهم بتاعه منغير اي انخلاط بالعالم الحقيقي , و هما سمكته الما و مو , مو هو ميد و لكن تقدر تقول ذاته او كيانه و بما ان ميد انسان و لازم يكون رابطه عاطفيه مع اي شيء خارجي فكان الاختيار سمكه صغيره و هي دي الما
كده احنا فهمنا كل حاجه و بيبدأ الفلم يتغير و ده بدأ مع موت الما , و دي كانت اول علامه ان ميد مش قادر يعيش في الوهم بتاع و انه بدأ يدرك ان هو مستحيل يكمل في الوهم ده و هو نفسه كان عارف ان هييجي وقت و الوهم ده يقف بالدليل لما ميد كان زعلان مو (كيان ميد) قاله انت عارف السمك اخره 15 سنه فهو كان عارف , بعدها مو بيفكره بالحادثه
سوق الزمالك , سوق الزمالك هو دلاله على العالم الحقيقي مش الوهم بتاع ميد و كان الطريقه اللي ميد يبقا فرد منه هو انه يطلب من مستر اكس او بمعنى اخر يتخلى عن وهمه اللي كان عايش فيه , و كان هدف ميد الاساسي انه يقدر يدخل سوق الزمالك , ده يبان انه من التناقضات فازاي ميد من ناحيه عاوز يفضل منعزل في الوهم بتاعه و من ناحيه عاوز يشارك و يبقا جزء من العالم الحقيقي , اه تناقض بس ليه سبب و هو ان ميد انسان , عاوز يحس انه موجود و ان مهارته اللي هي صناعه الايبوكسي مش مجرد حرفه ملهاش لازمه , فده مش هيتحقق غير انه يروح سوق الزمالك و الناس تشتري منه و يبيع كل الايبوكسي
اللي حصل ان بعد ما الما ماتت ميد رجع لم حاجته و راح على سوق الزمالك و هناك لقى مستر اكس و طلب منه ممكن اخر عندك بوث , بمعنى ميد بدا يستسلم و بدأ يكلع من الوهم بتاعه و ينغمس في العالم الحقيقي و ينغمس في النت بعد ما كان عازل نفسه و هنا بيظهر مو بيحظر ميد من انه ينغمس في العالم ده و النتيجه مييد استسلم , بيظهرلنا مشهد و ميد بيصحى و بعدها بيمسك تلفونه و بيشرب فيب و بيفطر بأكل مغلف و شكله نوعا ما تعيش , فميد بدل ما كان بيصحى كله تفاؤل و يقوم يعمل فطار لنفسه بدون مشتتات و من اقل حاجه بينبسط , حاجه لازم اقولها مشهد النهايه ده فعلا يمكن اجمل حاجه فالفلم ,كنا زعلانين على تغير حال ميد و جت النهايه عشان تطمننا على ميد
مشهد النهايه بيبان لنا ميد و هو معاه تلفون و بيصور و كانه بيكلم مو لكن فالحقيقه ميد مش قادر يكلم مو زي زمان و لا قادر يحط ايده على كتفه و بيقوم ميد ماشي و بيظهر مو شايل طفل صغير (بيقولو انها بنت ابو اسماعيل في الحقيقه) انا مفهمتش رمزيه الطفل و لكن ظهور مو دليل على ان ميد لسه كيانه جزء منه موجود اه مش قادر يتواصل معاه بنفس القوه و لكن لسه فيه جزء مستر اكس و لاالعالم الحقيقي هيقدر يجي جمبه
, طبعا فيه حجات كتير انا مدكرتها سواء لاني مش فاهمها او عان اختصر الفلم لسه فيه كلام كتير عاوز اقوله زي مثلا كسر الجدار الرابع او كام كلمه اتقالت او مثلا الايبوكسي او مثلا في الاخر لما كان ميد زعلان على انه مش قادر يكلم مو و يتواصل معاه و زعلان على ازاي حاله اتغير جه اشعار من التلفونات و وقف حاله الحزن اللي كان فيها الراوي مثلا اللي مألف كل ده و بيحكيه لينا و كيف الراوي يكون مثلا ميد مكتتأب و يقوم عارض لنا اعلان دلاله ان الراوي مش مهتم بمشاعرك او مشاعر ميد هو عاوز انتباهك بس , اخراج الفلم و تأليفه ولا غلطه و برضو لو عندك اي اضافه او وجهة نظر ضيفه
عادي ميكنش عجبك و لكن مش معنى انه معجبكش يبقا الباقي بيطبل و بس ممكن يكون عجبهم فعلا
