انا ابا اخذ الشهاده وسجلت مع معهد هندي يدربوني وللاسف طلع كله فيدوات واللهجه بالموت تنفهم وماشي نوتس ولا كتاب اقدر اراجع منه لاني افهم بالاوراق والمراجعه الذاتيه مب كله شرح، الصراحه ندمت اني خذت عندهم والي خذها كيف درستوا له وعندكم نوتس او اوراق اراجع منها
صرت اعاني من صداع بسبب ضغط العمل وكرهت الشغل من كثره ومافي تعاون من الفريق ولا تفهم يتوقعون مني اقدر اخلص الشغل كله مثل الروبوت . هل مسموح انفجر عند المدير
انا اكد قد ماقدر لكن احياناً الواحد يعرف اللمت الي يقدر عليه وخلاص
ربيعتي اشتكت لي ان اختها يوم يا زوج ربيعتي ما عدلت الشيله وهي كاشخه فل ( مع العلم شفت اختها وايد جميله) ربيعتي تقول طلبت منها تتغشى لانها وايد متعدله ومش حلو المنظر ان هم طالعين جي في مكان عام لكن الاخت ما تبا وفوقها تعمدت تبين نفسها اكثر حتى نحرها يبين يعني مب لافه الشيله وقالتلها تغطي رقبتها حتى ( ربيعتي تتشيل عدل وما يطلع منها شي)
تحسون بالغت بالغيره لان اختها حلوه ولا رياكشن طبيعي ولا الاخت فعلاً تستس انا عن نفسي اتحجب عدل واذا سرت صوب اختي ما اتعدل وايد واذا تعدلت اتغشى شو رايكم انتوا؟!
بننات منو جربت تسوي كوزميلان وعطوني اسم دكتوره شاطره في هالتقشير ونتايجها طلعت حلوه.
هالفتره الفاست فود هو الشي الوحيد الي اقدر اكله بس بعد الجوده وايد تهم المهم كنت كل ما اطلب من kfc الدياي باارد ومب فريش ابداً ابداً واقاوم لان هالشي الوحيد الي اقدر اكله … لين جربت هارديز؟ هذا الذ شي طحت عليه نظافه وجوده والديايه جنها مذ-بوحة الصبح من كثر ما هي فريش
8.5/10 ⭐️⭐️⭐️⭐️ حطيت اقل لان مب نفس ريحة kfc
I recommend
تعرفون وين بلقى كوميونتي للعنايه حق المواطنات؟ اذا مافي تقترحون نسوي ونسمع تجارب بعض؟
تعمدت ما احط الموضوع هذا عند سب القطاو لان اغلب الي هناك عندهم وعي بخصوص هذا الشي. الموضوع هذا controversial جداً لكن لازم نتكلم عنه، تعقيم القطط لمصلحة القطط صحياً ولمصلحتنا عامة من ناحية نظافة الشارع. اذا عندكم قطو في البيت عقموه لان بيتكاثرون وبتبلشون فيهم وبتضطرون تعقونها هي وعيالها هذا غير الازعاج والحشره اذا بغت تزاوج، ونفس الشي الذكر التعقيم زين لصحته حتى شعرهم يرجع احسن وبنيتهم تصير صحيه.
اما بخصوص اذا انتوا موافقين او لا روحوا ابحثوا عن راي البيطريين عن هذا الموضوع وسمعوا عل وعسى تعرفون انه مفيد اكثر من ما هو مضر بالذات ان الاغلب فالنهايه يعق القطاوه بعيالها في الشارع ف لا تسوون عماركم تهتمون (لمصلحتهم )
الملابس الي يتمشون فيها الاجانب ف دبي ! 😶🌫️😶🌫️🤯🤯🤯🤯🤯🤯🤯 كنت اسمع بس اول مره اشوف مستحيل
انا موظفه يديده ( من شهرين ) في مجال السيلز وشغلي وايد يتطلب اقناع، ونحن اسبوعياً عندنا اجتماع المهم شي مدير ( مواطن) يدخل معانا الاجتماع المهم من اول اسبوع قال انتي من اسبوع مداومه وما يبتي حتى عقد؟! باستهزاء وصوت عاالي المهم واليوم اول ما دخل شاف اني كاتبه لبعض الشركات ( انتظار العقد) يعني هم اولردي موافقين بس باقي توقيع داخلي من طرفهم ( طبيعي ياخذ وقت اذا المدير مسافر/اجازه) وبيرسلونه!!! المهم شاف وقال بصوت عااالي يا فلانه انتي كله انتظار انتظار انتظار ! والله لو تسمعون اسلوبه كيف يستهزأ وعقب رجع وهزأ واحد عندنا بس هو قديم ومقصر وقاله نكست ويوم يا دوري قاطعني قال الي تيبينه مب شي وتم يقول نكسست وانا اتكلم !!! وبعدين قال في وايد ناس يبون يشتغلون لو انتوا ما تبون ( على اساس بيتحملون معنوياتك الاسبوعيه واستهزاءك 🙃) والله كأنه يكلم عمال صناعيه مب موظفين
والله اني قعدت ادمع ماقدرت امسك نفسي وانا المشكله حامل ونفسيتي داون ما اخذ اجازات رغم اني ف اول بداية الحمل ومتوحمه واسوي الي علي وزياده لكن مافي تقدير 💔💔💔💔
بدون ذكر اسامي بس في مطاعم مع السنوات تغيروا بس في فروع لين الحين شغلهم نظيف يعني الي مشتاق لطعم مكدونلز الاصلي و نظيفففف يطلب من فرع شيشة محد بن زايد 😋😋😋😋😋 بس لين الحين ادور فرع عدل والدياي fresh حق كنتاكي بس مب لاقيه 🥲
عطوني افكار هديه للزوج بصراحه عنده كل شي ف مااعرف شو اخذله ويسعده ف يوم ميلاده
انا داومت في كذا مكان والشخصيات هذي تتكرر وحتى صديقاتي الي يداومون ملاحظين ان في دوامهم في فئه تحب تهمش اليديده وتعزلها عن المجموعه ..يصير كان مالي وجود بينهم حتى السلام مستكثرينه شو سبب التعامل هذا مع الموظفات اليداد؟ وهالشي دايماً من بنات للاسف
بصراحة موضوع شيق خصوصاً ان نحن الحين في عام الاسره ووايد مهم ان نهتم بتكوين العوايل وزيادة الاطفال … من رايي اشوف ان تسليط الضوء على التعدد وتجاهل المشاكل الثانيه الي تكون مسبب رئيسي لقلة المواليد مثلاً عدم مراعاة الحوامل في الدوامات انا اداوم في مكان وحتى لو قلتلهم حامل بيعتبرونه unpaid leave ودوامي مش المكان الوحيد … وغيره من الدوامات الي فالمقابله اول سؤال يسالونه " انتي متزوجه"؟ واذا قلتي هيه ودعيهم لانج مرفوضه… من رأيي تسليط الضوء على صنع بيئة للام في الدوامات ومثلاً توفير عمل عن بعد والخ من الخيارات هو الاولويه لان دام الهدف اطفال لازم نسوي بيئة مناسبه تشجع الامهات على الحمل والنساء على الزواج بدون الخوف من ضغوطات الحياه وخسارة مصدر رزقها