u/BrainThumb

هذا الموضوع منرفزني إلي هو شروط اللبس في اماكن الدراسة او العمل، افهم اهمية احترام المكان باللبس المعروف والشكل الطبيعي لكن نقطة التشديد وانك لما تقدم بمكان سواء لدراسة او العمل وتلقاهم حاطين شروط عاللبس تنرفزني خصوصا الاماكن المغلقة تكون خاصة فقط بالنساء ماني فاهمة تحطون شروط عاللبس ليش ؟ الهدف والغاية السلوك العام والانضباط وتأديت العمل او المذاكرة، يعني مثلا معهد لغة او جمعية تحفيظ انا كطالب اقدر اتعلم من البيت اسجل اونلاين وخليك انت وشروطك الغبية، جامعات كثير ماتحط شروط للبس تجي انت معهد او جمعية تحطونها عجيب

اقضى اخر ساعات اخر اجازة سنوية لي بالشركة باقي لي اسبوعين دوام واترك الوظيفة والهواجيس لاعبة فيني بس كل خطوة تغيير لابد اعيش بهذه المشاعر، وهذا الكلام موجه لكل شخص يمر بنفس المرحلة

لا جد جد احتاج دعواتكم

الحين سؤال لما يرسل لكم شخص عنده استفسار ويبدأ بالسلام وكيف الحال (وهذا الشخص من الاهل) الطبيعي انت ترجع تسأله عن حاله؟ ولا تسوي سكيب وتجاوب سؤاله على طول؟

بقول لكم وجهة نظري والي يصير معاي؛ الحين انا اشوفه عيب اذا احد سألني عن حالي اطنشه ولا بس ارد عالسؤال بدون ما اسأله

بس الي يصير معاي اني ارد على سؤاله واسأله عن حاله بعد، بس هو يتجاهل سؤالي تماما ويتكلم عن استفساره فقط… هل هذا عادي ودارج ولا ايش تفسيره؟

تدرون ان من فتح كنتاكي دااااايم طلبي منه تويستر ولا قد جربت الزنجر حقهم إلا اليوم! ماعرف وش كانت عندي اسباب بس الي متاكدة منه اني ضيعت علي جزء كبير من الاكل

يجماعة صدمني واحد الغلط عليه ١٠٠٪؜ وحجزت موعد بتقدير الموعد بكرة، قبل شوي وصلتني رسالة تقدير الاضرار، اعتمد عليه ؟ ولا اروح الموعد الي حجزته بكرة اضمن ؟

يجماعة قبل ١٠ ايام تقريبا كنت اعيش نفس الروتين وكنت مبسوطة و ممتنة واليوم رغم اني بنفس الظروف الا اني احس بخنقة وكتمة فضيعة

كيف تشوفون انجازات امهاتكم ماليا؟ وش حققوا من وظائفهم؟ هل عندهم نجاح مالي ارضاهم بعد التقاعد؟ اسئلة تهمني جدا

شخصيا ماما الله يحفظها كانت موظفة وتقاعدت، عاشت وهي تصرف على اهلها وعلينا (بس لاهلها النصيب الاكبر مثل البيت وزواجات اخوانها وما إلى ذلك)، احنا تصرف علينا الكماليات والاشياء الي ابوي يشوفها مو ضرورية ويرفض يجيبها ولانه عارف بالاخير امي بتشتريها لنا

صحيح امي عاشت مرتاحة ماديا جدا على صعيدها الشخصي ولكني اشوف النتيجة الي وصلت لها غير مرضية تماما لها بس ما استوعبت إلا بعد سنوات ورغم انها تقدر تاخذ حقها (زي انها تكلم اخوانها تاخذ حقها بالبيت الي بنيته) بس هيا رافضة..
الي اشوفه ان امي شخص مستغل ماديا سواء على صعيد اهلها او زوجها، فكل التعب والجهد من "وجهة نظري" ما يستاهل، هي تشوف انها ندمانة على نقاط كثيرة بس بنفس الوقت راضية.

انا كموظفة محتارة هل اكمل سعي بالوظيفة أو بالاخير تعبها وشقاها ماراح يثمر؟ بما اني قاعدة اشوف امي
شخصيا ما احب الفراغ وتاكلني الهواجيس والفضاوة بس اكيد اني قاعدة اضحي باشياء كثير بحياتي مقابل التزامي الوظيفي.

شاركوني رأيكم..