u/BrainThumb

ببدأ، منظر مكتبي وهو مليان كتب واوراق، ومنظر كورنر القهوة

يهمني مستوى ثقافة زوجي واخلاقه اكثر من راتبه وفلوسه وشكرا

ناسية كم لي حاذفة السناب و ما ادخل منصة اكس كثير، بس حبيت اكتب تجربتي بعد حذف السناب خصوصا، السناب يخليك تركز وتهتم على حياة غيرك اكثر من حياتك، بذات انه محتوى "لحظي" وتشاركه كثير من الاشخاص الي تحبهم و يهمونك بالحياة زي الاهل والاصدقاء، سناب يخليك تفتحه كل لحظة وتلقى محتوى وليد اللحظة وفضولك بيدفعك انك تفتح السنابة حتى لو بيدك اهم المهام لانك بتعرف فلان وش ارسلك الحين، وعلى قد مايزيدون على قد مايزيد فضولك حتى لو هو يشارك لحظة عادية (زي انه يشرب قهوة)، مجرد ما يروح الوقت على تطبيق يغذي عندك الفضول بشكل لحظي على قد مابيكون عندك مشاكل كثيرة بلحظات حياتك، كونك مبسوط وتصور بتشوف سناب لشخص تحبه زعلان او محبط فيها (طبيعي بتحس بتداخل المشاعر وقتها) والعكس صحيح، سناب يسلب منك الكثير من متع حياتك "اللحظية"، سناب يدخلك بمقارنة مع انجازات ولحظات ناس كثير، والمشكلة الحقيقة ان متعته سراب ولا له اي عائد عليك.

مرات يكون وجودك بغرفة مظلمة مع ناموس اكبر صورة لانعدام الامان، جاب لي الارق

تصير الرسالة منه ثقيلة وطاريه غثيث

اخر مره كان فيها شعري قصير في ٢٠٢٣ يعني تقريبا مدة ٣ سنوات وشعري طويل لين اخر فترة كان طويل بزيادة فقررت اقصه، وحسيت لا جد جد وش هذه الراحة؟ وليش كنت حارمة نفسي منها؟ رغم ان شعري مو كثيف مره ولا هو خشن بس لاحظت فرق فضيع بالراحة والوقت وانه يزبط معاك اسرع.. صحيح بعد ماقصيته ندمت شوي وفقدت شعري بس خلاص لا للشعر الطويل والقروشة

كشخصية افضل الانعزال عن المجتمع بس قاعدة اغير هالشيء فيني، كيف تشحنون انفسكم اذا عندكم جمعة عائلية كبيرة؟

يجماعة انصحكم تشترون مصباح للقراءة وتشترون كتاب (حتى لو ماتحبون الكتب) وتحافظون على القراءة قبل النوم، روتين تمنيت لو اني بديت فيه من زمان، مخي صاير يكره اني اقلب عالجوال كثير وبذات لما اصحى اكون مره مو بمود افتح جوالي وهذا كله من القراءة قبل النوم

ليش اغلب الاهالي يعيشون نمط حياة منطوي بعنوان "العيب" او "العادات والتقاليد" رغم ان الكثير من التطورات حولنا إلا انه تطور العوائل يكاد يكون منعدم؟

بحكم اني دكتورة صيدلانية واشتغل بصيدلية مجتمعية لاحظت عينة "من البنات" للاسف السرقة عندهم زي شرب الموية، يعني جد انا بنت وافهم قد ايش يعني لنا الجمال والعناية بس ماتوصل انك تمدين يدك وتسرقين وتمشين، شخصيًا ما اتحمل السرقات عشان لحد يتوقع اني تكلمت لاني متضررة بس انتي وجمالك نهايتكم للتراب ويوم القيامة كلنا محاسبين لا محال ولا الايمان باليوم الاخر والايمان بالحساب شيء ماهو على البال؟ الله شديد العقاب والي اخذتيه يعتبر من حقوق العباد والمشكلة هذه التصرفات من بنات كبار تعدوا سن الجامعة حتى!

كان في دعاوي بس احتراما لقوانين الصب حذفتها، طبعا الكلام مايعمم على كل البنات

كشخص عاش فترة من حياته مايصلي (الله يغفرلي ويسامحني) ما اقول هذا الكلام من باب مجاهرة والعياذ بالله، بس نصيحة وذكرى لعل الله يهدي ويصلح بها شخص مقصر، كل هدف وكل شعور وكل احتياج تسعى خلفه بالدنيا على امل تحققه وتعيش مبسوط تراه ولا شيء قدام لذة شعور الصلاة، الصلاة تعطيك شعور انك حي وانك مطمئن وان الله راضي عنك وانك برعاية الله، الصلاة تهذبك الصلاة تغير حياتك تماما الصلاة تساعدك على فلاحك وتساعدك على نفسك الامارة بالسوء، حاول قد ماتقدر وجدد التوبة مع كل صلاة، اعرف انها اهم شيء بوجودك على كوكب الارض، الصلاة العمل الاول والاهم والافضل والاغنى، ضروري تراجع نفسك اذا كنت ماتصلي والله يهدينا وياكم ويثبتنا حتى نلقاه.

اذا عندكم نصيحة او دعاء تقدرون تشاركون..

قريبا بستقيل ونفتك انا وياكم من سواليف الدوام بس قلت بعطيكم نبذة عن دوام يوم عرفة، اول شيء هو اجازة بس شركتنا المحترمة مخليتنا نداوم وبتعطينا اوفر تايم، كلمتهم اني ابغاه اجازة لصعوبة الدوام وانا صايمة "ماتعودت" بس رفضوا ولِما بيني وبينهم من ايام معدودة و لكثرت وقفاتهم معاي مشيتها لهم ولان نظام العمل مو معطيني الحق وفقًا لإحدى موادهم الي ناسيتها صراحة ف انتهى بي المطاف لمداومة ولم استطيع الصيام والجدير بالذكر كمان مانمت إلا ساعتين ف احتياجي للقهوة مطلب اساسي

دوامنا من الساعة ٨ صباحا انا واحدى الزملاء الموقرين ولا احد فينا طايق الثاني بس المصالح مجبرتنا نمشيها، بالضبط زي ما تتوقعون هدوء ولا في شغل وكل واحد على جواله ننتظر الوقت يمشي، مشى الوقت للساعة ١٢ قررت اطلع اخذ لي كوب قهوة اخر استنجد فيه يسحب شوي من ال Adenosine الي عبت دماغي و رجعت وتكاسلت انزل من السيارة وقفت بظل وطفيت المكيف من باب توفير البنزين ولعلي تراجعت عن الفكرة خلال ٣ دقايق بالكثير، السؤال يقول هل المدير المباشر بيراجع الكاميرات وبيطلعني تحقيق على جلستي بالسيارة ولا بتعدي الامور سهالات ؟ والشرهه عليهم والله مخلينا نداوم عالفاضي

صديقتي سافرت مع اهلها وخلت اولادها بالبيت مع ابوهم ماعلينا الزبدة اول مارجعت وسلمت عليهم سألوها ماما اشتقتي لصاحبتك؟ "محدثتكم الصاحبة المعنية بالسؤال"
تعرفون وش يعني اطفال بعمر ٧ سنوات يسألون ذا السؤال؟

أول شيء انك تداوم وبعد الدوام تروح عيادة الجلدية تسوي اجراء ميزوثيرابي وديرما بن مو عشان النتيجة حلوة عشان دفعت فلوس ومافي استرجاع، دعواتكم اتشجع واروح

عطوني شيء اسويه بحكم انه دوام يوم السبت مافيه شغل

هذا الموضوع منرفزني إلي هو شروط اللبس في اماكن الدراسة او العمل، افهم اهمية احترام المكان باللبس المعروف والشكل الطبيعي لكن نقطة التشديد وانك لما تقدم بمكان سواء لدراسة او العمل وتلقاهم حاطين شروط عاللبس تنرفزني خصوصا الاماكن المغلقة تكون خاصة فقط بالنساء ماني فاهمة تحطون شروط عاللبس ليش ؟ الهدف والغاية السلوك العام والانضباط وتأديت العمل او المذاكرة، يعني مثلا معهد لغة او جمعية تحفيظ انا كطالب اقدر اتعلم من البيت اسجل اونلاين وخليك انت وشروطك الغبية، جامعات كثير ماتحط شروط للبس تجي انت معهد او جمعية تحطونها عجيب

اقضى اخر ساعات اخر اجازة سنوية لي بالشركة باقي لي اسبوعين دوام واترك الوظيفة والهواجيس لاعبة فيني بس كل خطوة تغيير لابد اعيش بهذه المشاعر، وهذا الكلام موجه لكل شخص يمر بنفس المرحلة

لا جد جد احتاج دعواتكم