u/Due-Bother-586

Office Politics core

ಕಲ್ಲಿನಲಿ ಕಾವ್ಯವನು ಕೆತ್ತಿದ ಪರಮೋಚ್ಚ ಜ್ಞಾನದ ಬೀಡು,

ಇಂದು ಬರೀ ಪ್ರವಾಸಿಗರ ಸೆಲ್ಫಿಗೆ ಸಿಲುಕಿದ ಅನಾಥ ಕಾಡು.

ಆರು ತಿಂಗಳು ಬೆಂಕಿಯಿಟ್ಟು ಗುಡಿ ಒಡೆದವರ ಹೆಸರೇಳಲು ಅಂಜಿಕೆ,

ಸತ್ಯವನು ಮುಚ್ಚಿಡುವ ಪಠ್ಯಪುಸ್ತಕಗಳೇ ಇಂದಿನ ಹೊಸ ನಂಬಿಕೆ.

ಸುಟ್ಟವರ ಮನ ನೋಯಬಾರದೆಂದು ಚರಿತ್ರೆಯನ್ನೇ ಅಳಿಸಿಹಾಕಿದೆವು,

ನಾವೆಷ್ಟು 'ಮುಂದುವರಿದೆವು' ಎಂದರೆ, ಗತವೈಭವಕ್ಕೇ ಮಣ್ಣುಹಾಕಿದೆವು.

ತುಂಗಭದ್ರೆಯ ಮೂಕ ರೋದನವನು ಅತಿ ಸುಲಭವಾಗಿ ಮರೆತುಬಿಡಿ,

ಭಗ್ನ ವಿಗ್ರಹಗಳ ಮುಂದೆಯೇ 'ಸಹಿಷ್ಣುತೆ'ಯ ಪಾಠವನು ಓದಿ ನಲಿರಿ!

ಅನಕೃ ರವರ ಪುಸ್ತಕಗಳನ್ನು ಓದಿ, ಎರಡು ದಿನ ಹಂಪೆಯಲ್ಲಿ ಕಳೆಯಬೇಕು ಎಂಬ ಆಸೆಯಿಂದ ಬಂದೆ, ಇಲ್ಲಿ ಇರುವದನ್ನು ನೋಡುವುದಕ್ಕಿಂತ ಇಲ್ಲವಾಗಿರುವುದೇ ಹೆಚ್ಚು ಕಾಡುತ್ತಿದೆ.

ಸರಳವಾದ ಒಂದು ಘಟನೆಯನ್ನು ಆಧರಿಸಿ, ಮನುಷ್ಯ ಸ್ವಭಾವ, ಸಮಾಜದ ಒತ್ತಡ ಮತ್ತು ವ್ಯಕ್ತಿ-ಸಮುದಾಯ ಸಂಬಂಧಗಳನ್ನು ಅತ್ಯಂತ ಸೂಕ್ಷ್ಮವಾಗಿ ಚಿತ್ರಿಸುವ ಕೃತಿ ಇದು.

ಕರಾವಳಿ ಭಾಗದ ಒಂದು ಸಣ್ಣ ಹಳ್ಳಿಯಲ್ಲಿ ನಡೆಯುವ ಕಥೆ. ಹರೆಯದ ಹುಡುಗಿ ನಿರ್ಮಲೆಯೊಂದಿಗೆ ಸಂಬಂಧಿಸಿದ ಒಂದು ಸಣ್ಣ ಗಾಳಿ ಸುದ್ದಿ ಹಳ್ಳಿಯಲ್ಲಿ ಹರಡುತ್ತದೆ. ಆ ಒಂದು ಘಟನೆಯು ಊರಿನ ಜನರ ಮನಸ್ಸಿನಲ್ಲಿ ವಿವಿಧ ರೀತಿಯ ಪ್ರತಿಕ್ರಿಯೆಗಳನ್ನು ಹುಟ್ಟುಹಾಕುತ್ತದೆ. ಭಯ, ಸಂದೇಹ, ಅಪವಾದ, ಪ್ರೀತಿ, ರಕ್ಷಣೆ, ನೈತಿಕತೆ ಇವೆಲ್ಲವೂ ಒಂದೇ ಘಟನೆಯನ್ನು ನೋಡುವ ವಿಭಿನ್ನ “ದಾರಿಗಳು” ಆಗಿ ಪ್ರಕಟಗೊಳ್ಳುತ್ತವೆ.

ಚಿತ್ತಾಲರು ಈ ಕಥೆಯಲ್ಲಿ ನೇರವಾಗಿ ತೀರ್ಪು ನೀಡುವುದಿಲ್ಲ. ಬದಲಿಗೆ ಪ್ರತಿ ಪಾತ್ರದ ಒಳಮನಸ್ಸನ್ನು ತೆರೆದು ತೋರಿಸುತ್ತಾರೆ. (ಉಳಿದವರು ಕಂಡಂತೆ vibes😅)

ಮನುಷ್ಯ ಸಂಬಂಧಗಳನ್ನು ಆಳವಾಗಿ ಅರ್ಥಮಾಡಿಕೊಳ್ಳಲು ಬಯಸುವವರಿಗೆ ಇದು ಉತ್ತಮ ಓದು.