لي شهر تقريبًا وانا احس بالم في الركبة .. ما احسه في تمرين السفلي الا لما اسوي goblet squat او في اخر جلسة في الباربيل سكوات

طبعًا الالم اظنه بسبب زيادة الوزن والضغط وتفسيري لهالشيء لما اجلس بين السجدتين واضغط شوي توجعني +السكوات

السؤال : هل لازم اروح طبيب ولا تحسون عادي؟
وهل ممكن يزيد الطين بلة تمارين السفلي ؟

اقتحم حياتنا بكل وقاحة قطة انجبت لها قطّين ذكر وانثى، الانثى الله يستر عليها راحت حارة ثانية
اما الذكر
فهو ابتلاء ومصيبة علينا بكل ما تعنيه الكلمة
له ٣ سنوات يعامل بيتنا معاملة المسيار

اذا جته نسايم التزاوج دخل حوشنا واستقر فيه وقعد يصيح الليل والنهار ويبول (اكرمكم الله) قدام باب البيت الى ان تجي زوجته "في حوشنا" وتنزواج معه
ينتهي الموضوع هنا؟ لا .. الى ولادة كريمته لازم يقعد معاها ببيتنا

واذا مرض يدخل على حوشنا ويقعد يصيح لين نعطيه اكل
ابليس.. ابلييييييييس على هيئة بَس

قفلنا كل مداخله المحتملة من جدران البيت البيت اللي مطلة على الشارع، وجندنا عليه اخواني الصغار وأنفسنا لطرده كل ما سولت نفسه للدخول من قراج المنزل
ومع ذلك مافي فايدة، داخل داخل الله لا يعوق بشر

الان جته نسايم التزاوج
وبدينا موسم جديد من الازعاج
ابوي يرحمه – ولكن انا يشكل لي ازعاج مو طبيعي
يا ناس يصيح يصيح بقوة لدرجة كل من يتصل علي او يسمع تسجيلاتي الصوتية يحسب انه جنبي يصيح، وانا اساسًا في الدور الثاني!!! وهو في الحوش!!!!! صياحه ما يوقف لا ليل ولا نهار

ارجوكم ارحموا عزيز قومٍ ذل ودلوني على كيف نتخلص منه؟ كيف تكفون كيف كيف كيف

من اجل لحظةٍ كهذه: لا توقفوا صملة لا توقفوا صملة لا توقفوا صملة

رجاءً اللي بيلومني لا يلومني – هذي فضفضة فقط

وحدة من صحباتي كانت علاقتي فيها جيدة، مو القووووية ولا بيننا سواليف كثير ولكن بيننا عيش وملح، وكنا نطلع مع بعض بشكل دوري كل اجازة او متى ما سمح الوقت ...
طبعًا كنت ملاحظة اني اغلب الوقت انا اللي ابادر في هالعلاقة سواءً بالسؤال عن الحال او طلب الطلعة او غيره ولكني ما اهتميت كثير كنت اقول العمر واحد وانا انبسط معاها وهي تنبسط معاي ليش اعقد عمري بالتفكير في من يبادر فالمواضيع

ملّكت وما علمت احد وعرفت من ستورياتها وطبعًا تفهمت هالشيء لأن هذا الطبيعي
بس اللي صدمني : تزوجت ولا علمت احد
ومو بس كذا، بل عزمت صحبتنا المشتركة اللي معطيتها "اشكل"، صحبتنا اللي ساحبة عليها وما تعطيها وجه كثير ومخلية العلاقات بينهم رسميييية لموقف بينهم
انا ما عرفت بزواجها الا من ستوريات صحبتنا
ومن بعدها تحول الود وتبدل تمامًا، وكرهها قلبي كره فضيع
ابكون متفهمة لو بلّغت بزواجها واعتذرت عن العزيمة للحضور واقتصرت العزيمة بعدد قليل .. عادي
لكن اني كذا اعرف بزواجها بهالطريقة ! من صحبتنا ؟ حتى هي براسها ما نزلت شيء بحساباتها
الزعل؟ ما زعلت منها
قلت بكيفها ولعل عندهم ظروف وكذا

بس اجمالًا ؟ الود ماعاد فيه ود، وكلل اللي بقلبي لها تحول للسيء
انا اساسًا ماخذه موقف سيء من زمان من اللي تتزوج وما تعلم احد، وهي جت وزادت الطين بلّة
اللي جدد اللي في خاطري اني اليوم احتجت اكلمها على موضوع تخدمني فيه، ويوم ردت عليّ ردها كان غير مستساغ
كان علقم وسيء على قلبي.

الله المستعان.
اسألوا الله عز وجلّ ألّا يتبدل الود في قلوبكم تجاه من تحبون.

هل اشتغلت على بناء براند من قلبك وبكل حماس بعدين وصلت لمرحلة حيرة في طريقة تقديم البراند ومنتجاته/خدماته ثم وقفت ؟

انا للأسف وقعت فيها
ابي اقرا قصصكم .. واللي وقعوا فالمشكلة وحلّوها كيف حليتوها؟ ابغى استفيد منكم