لما تعصبو على شي تافهه و تفصلو على الي حواليكم بتعتذرو؟
قبل شوي صار موقف و فصلت على كل البيت ، بعدين نزلت تمشيت وطلعت قعدت بغرفتي حسيت اني كبرت الموضوع
فما بعرف اعتذر او اعمل حالي من ليبيا واقعد معهم ولا كانو صار شي او انام
حاسة موضوع اني اعتذر ثقيل علي ، وما الي خلق اقعد مع حدا ولا احكي مع حدا ومو نعسانه عشان انام
اليوم اجو عنا ناس (ضيوف) منعرفهم من بعيد
المهم عندهم ولد صغير عمرو ٣ سنين ويادوب سمعو بيحكي
، جيت احكي معو من باب ألطف جو حكالي "انقلعي يا بنت الك*لب" متخيلين؟💀💀💀 حكيتلو عيب و رح ناديلك الشرطة قام حكا مسبة اوسخ
المهم انا مغثوثه انو كيف بعض الناس بطلت تربي ولادها
وما يعرفوهم الصح من الغلط
وكيف طفل بعمر ال٣ سنين وصلتلو مسبات زي غبية و كلبه و اشياء اوسخ !!!
وليش كانو بيضحكو عليه وهو بسب!!!!!
اكيد انا ما رح اتدخل بتربية الناس بس لو علي كان شرشحت امه و خالته الي جايين
ما شم ربع ساعه ترباي
نفسي اكون بسة
ما عندي اي مسؤولية ولا هموم و لا افكار
وحدا يحسس علي ويهتم فيني ويشيل كل شي عني عشان ياخد ربع اهتمام وافكر اعبرو😞
صباح الخير أولا
شو الفرق بين الإبتلاء او العقاب؟
ومين بقرر اذا الشي الي بمرق فيه حد معين ابتلاء او عقاب؟
وكيف الواحد يميز؟؟؟
هالشهر كان من أسوأ الأشهر بحياتي و لهلأ الوضع مستمر للأسوأ
بلشت احس انو ربنا قاعد بعاقبني بالدنيا قبل الأخره
بلشت أحس حالي حدا عاطل وقاعد بتحساب
و للأمانه انا مو أحس مثال للناس المنيحة ، بعمل اغلاط ، بس بعدين بستوعب غلطي
وشو المواقف الي ممكن تحكو عنها ابتلاء و المواقف الي تحكو عنها عقاب
لانو حرفيا من ١ سته لهلأ كل شي قاعد بتدهور سواء معي او مع أهلي ، وبلشت اسخط لا ارادي و صار التحمل عندي صعب بس الحمدلله على كل حال وربنا يديم الصحه والعافية على جميع خلقه
صباح الخير
بدي يطلع حد اسمي Verified girly 😞
بصراحة غرت منكم وبحسها منقصه مني لانها مو موجوده
شو الطريقه
بدي صالون بعمان (((مختص))) بالشعر الكيرلي
يشوفلي شعري ويقيم شو بحتاج و كمان يعملي ياه ستايلنج
من اسبوعين بالزبط ، كنت ماشيه بشارع رئيسي ، سرعتي ٦٠ تقريبا ، و سويت حادث سياره ، كنت عالمسرب اليمين و اجت سياره من يساري لفت علي و خبطنا فبعض
كنت بقدر ادوس بريك واخفف الي صار بس ما دست ، وبعد م خبطت فيه رجعت خبطت فيه كمان مره لغايه م وقفت سيارتو وسيارتي لانو خبطنا بالصبه
فتح الايرباق تبع السياره ، بطلت اسمع اي شي لمده ثواني محدوده بعدين نزلت من السيارة ، ملابسي كلها دم ، راسي انفتح وبنزل دم و انفي بنزل دم والسيارتين انعجنو ، الحمدلله قمت بالسلامه و الولد الي خبطني قام بالسلامه
**الشرطي حط حق عليه لانو كان يساري وبدو يفوت دخله عاليمين ممنوعه اصلا **
المهم من وقت الحادث لهلأ وقفت حياتي ، بطلت اقدر اسوق السياره ، اروح الجيم ، اطلع اغير جو ، اعمل اي شي ، حتى بس اروح عالمستشفى اعقم الغرز حدا من اهلي بسوق ، وجربت اقعد ورا الستيرنق اول م رجعت السياره من التصليح ضليت اطلع حواليي وصرت ابكي
بعد الحادث كان صعب علي اقدر امضغ ، ما بقدر اخد شاور ، مو قادره نام و باليوم باخد مليون دوا ، كل جسمي رضوض وجروح ، البيسك نيدز تبعوني ما قدرت سويهم ، الكل بتطلع علي بنظره شفقه ، واكتر شي مخوفني انو هيك الحادث بسيط ، لو مو بسيط كان ممكن لا سمح الله متت او صرت عاجزه ومو مهم لو انا الي غلطانه او غيري غلط لانو بالحالتين رح اتضرر.. ففكره السواقه صارت بتخوفني بحد ذاتها
السلام عليكم، انا متخرجة بتخصص بزنس من سنة تقريبا ، وخلال السنة ما حصلت وظيفة وحاسة حالي لوزر وما إلي فايده و عبء على نفسي و اهلي و المجتمع ، تخرجت امتياز مع مرتبة الشرف وعلى الرغم من تفوقي ما لقيت مكان يقبلني او حتى يعطيني فرصة نسولف🤣 ، وهالشي مأزمني نفسيا و مخليني اندم على عده قرارات و تيجيني تساؤلات و هواجييس خصوصا انه تعبت بالجامعة على اساس احصل وظيفة بسهولة (انا مو كويتية) ، اول فتره بعد التخرج تقريبا اول ٣ شهور كانت فتره نقاهه وفترة جميلة سويت الي بخاطري و تعلمت اشياء جديده ، بعدين صارت ملل وتقليل من الذات ، سؤالي حق الي مرو بنفس التجربة كيف تخطيتو الموضوع ، وكيف اقتنعتو انه الموضوع اقدار وحظ ، وكيف لقيتو الوظيفه المناسبه بعد انقطاع عن العالم و الدراسة؟