u/FREE__ROOSTER

https://youtu.be/9fvETktnaRw?si=JgBVdj08XZAZtqCE

واحدة كانت معايا فالكلية ، شفتها حبيت فيها كل حاجة صوتها شكلها هدؤها نظرتها ، بالنسبالي كانت بيرفكت ، اول ما شفتها حسيت أنني كنت عارفها قبل كده ، عارف لما تلاقي الجزء اللي كان ضايع منك ، جزء من روحك رجعلك ، ده كان شعوري كل مرة بشوفها ، كنت فالأول بلمحلها و حصل بينا اي كونتاكت اكتر من مرة ، معرفش ده كان صدفة أو قصد بس علي الأقل بالنسبالي مكنش صدفة ، بس معرفش ايه اللي حصل بعد كده مستوايا الدراسي نزل تحت الصفر الاكتآب رجعلي من تاني و للأسف المرة دي كان أقوي من زمان ، و توفيق ربنا مبقاش معايا زي الأول و كل حاجة باظت ، طبعا وسطا ده كله انا مكنتش مستعد اروح اكلمها ، ساعتها انا بعدت و تجنبت اي حاجة تجمعني بيها بعد ما كنت بنزلها الكلية و بقعد فالطريق ساعة عشان مجرد أشوفها أو ألمحها ، أكيد هي صاحبت أو كانت مصاحبة مش عارف بأمانة بس كان باين اوي يعني ، المهم انا استعوضت ربنا فيها و قلت ربنا أهم و انا مش بتاع مصاحبة أو الكلام ده و عمري ما كلمت بنت فحياتي فأكيد دي إشارة ، المهم هي للأسف بتطلعلي فالأحلام كتير كتير أوي فوق ما أنا أقدر اتحمل ، لما بحلم بيها و بعدها بصحي يفتكر كل لحظة كان ممكن أكون فيها معاها و اكلمها ، كل لحظة ضيعتها و انا يراقب من بعيد ، معرفش هحب حد تاني زيها و لا لأ بس عمري ما هنساها ، المشكلة دلوقتي عاوز ابطل احلم بيها أعمل ايه ، لو حد لسه بيقرأ يا ريت يدعيلي ربنا يزيل التعلق ده من قلبي

شخصية جيل (البطل) قريبة جدا من شخصيتي حتي فتطلعاتها و أحلامها و طريقة الحياة ، و بحب جدا نهاية الفيلم

زهقت مالتمثيل أنني عايش ، زهقت أنني لما أخرج بره البيت لازم اضحك و اهزر مع الناس و لازم اكون علاقات عشان مجيش قدام كمان كام سنة الاقي نفسي لوحدي ، زهقت من ضغط الكلية ،زهقت من شعور أنك نكرة و لا شيء و فاشل بعد ما كنت الأفضل لسنين ، زهقت من نفسي و من فشلي المستمر فكل حاجة بدخلها ، زهقت من تكرار نفس الألم و المعاناة كل سنة و للأسف الخرا ده مبينتهيش ، زهقت أنني لوحدي و شايف كل اللي حوليا بيصاحبوا (عارف أنه حرام بس الوحدة وحشة أوي ) ، زهقت ف فشل علاقتي مع ربنا و أهلي ، و حتي علاقتي مع نفسي ، انا اول مرة نفسي تصعب عليا اوي كده ، دايما كنت بهاجم نفسي أكنني السبب فكل ده ، لكن بجد انا تعبت و الله تعبت