ناس الايلو حقهم فوق 850 ولسى يلعبون بافتتاحية نابليون ولا الدفاع الصقلي🥱طفش صرت اجيب الطاوله والعب مع نفسي لساعات كخصم ودفاع امتع وافضل
البرنامج صاير سييء وخاايس وناس يصرعوني بلعبهم الغبي الله يقرفهم احسهم بوتات وما يمر يومين الا من نفس التطبيق راسلين لي مثل الصوره
مو كل الناس ربي رازقهم هذي النعمة ياالله لك الحمد والشكر💗 وصدق عبداوي يوم قال المحبه ما تجي في كل روح الله اللي حطها لك في ضنينك
وانا عند كراسي الجلوس بالعياده في وحده نادوها ولما تبي تدخل بس معاها طفلها بحضنها وتبي تعطيه لزوجها يمسكه وتدخل والله العظيم ماكذب ولا استحى حتى رفع صوته وقال ماني فاضيي له وهي ما ردت عليه احسها متعوده على اسلوبه فما ناقشته او استنكرت كلامه وخذته معها ودخلت سريع وهو جنبه ولده تقريبا عمره ١١ وجلسته منحنيه ولا يرفع راسه وساكت ولا يتحرك الله لايوفقه احس زرع فيه ضعف الشخصيه
والاب على ايش شايف نفسه؟ لا اخلاق ولا اسلوب ولا احترام لزوجته او طفلهم وفوق ذا كرشته مترين وعلى وجهه هذا مفروض ما يدخل المستشفى لان وجهه يسبب مضاعفات للمرضى
لما فكرت بالزوجه وحاولت اختلق قصص ومواقف وكيف زوجها بيتصرف معها وضح لي انها تعاني من الاهمال العاطفي والاهمال على باقي المستويات حتى شنطتها بحاله مزريه ولونها الاصلي مختفي من كثر الاستعمال
تخيلوا لو هذي خانته وبالاصح بحثت عن رجل يعطيها كل احتياجاتها؟ هل بنسميها خاينه اصلا؟ لو نجي للزوجات اللي ازواجهم مهملين ونشوف ليه ما تطلقوا بنعرف ان هي ما يمديها تتزوج عليه وما يمديها تتطلق لان واضح لو تقدر كان خلعته وافتكت بس واضح ظروفها مانعتها او ما عندها مصادر دخل وسكن مستقل ويمكن اهلها العيشه معهم ما تنطاق عشان كذا صابره عليه
بناءً** على هذا كله انا اايد وادعم وانصحها تخونه وتبحث عن رجل يستحقها ويعطيها عاطفه وامان واهتمام ومال ومحبه واخلا**ص
كل ما اتذكر ردة فعله القاسيه والله اتالم بدالها انا كل شي الا القسوه والغلظه والمعامله الجافه هذي وبالاسلوب هذا
عشان كذا اي متزوجه وتخون زوجها دايم اعذرها لان ما عندها خيارات ثانيه
بس خيانة الرجل شي مقزز لان عنده كل البدائل اللي يكون فيها صريح ويقدر يتزوج الدين معطيه هذا الحق لكن خياناتهم تجي بمراسله واضافات وكلام رذيل وفاحش ماهو جريء يفصح عن خيانته فيخليها بالدس ويقدر يطلق بس جبان يختار يخون بعكس المراه عشان كذا اعذرها
وهذا رايي اللي عنده اعتراض يناقش ويتكلم بادب او يسكت
فيه وحده من جيراننا دايم تجي عشان امي وكل ما تجي تتكلم عن ولدها وولدها سوا وولدها حط وجاب وشرا اوكي مو كل شوي بس دايم تسويها وواضح كذب بس فيه احساس يقول انها تبي تسوق له عندي بس انا مالي بذي الامور واليوم قالت اشحني جوالي ورحت شحنته بشاحني بغرفتي بس يوم اشتغل ووضح انه يشحن المجنونه مو حااطه رمز!!! انصدمت قلت مستحيل يوم فتحته على طول كان فاتح واتس بمحادثه ولدها والله كنت بطفيه بس لفتني ان كل المحادثات فويسات مافيه ولا كتابه ضغظت عشوائي وفتح صوته اويلييي يالصوت شيي شيي ويسولف وين راح وش سوا بيومه مسجل فويس لها وهو يطبخ يقول مشتاق لطبخها هههه اخخ وهي حاطه عند اسمه ثلاث قلوب والله ما تنلام اول مره اشوف رجل كذا ياخي محترم وخلوق يسولف بسواليف مالها دخل بالمراتو وهذا الخياس حتى وجهه مو بذاك القبح بس يجي منه وصووته الله يلعنه جميل
انا انبني ضميري اني تطفلت بس هي الغلطانه بكل جلسه تجيب طاريه وتمدح وترفع فيه هيا تستاهل وفوقها مو حاطه رمز ترا كل الامهات يحطون حتى لو اصفار او واحدات بس واضحه نيتها وتبيني افتحه عشان انفتن واجي اتودد لها عشان تخطبني له
والله عجبني الادمي بس مدري احس بحزن وشيء غريب مدري وش سببه مع اني خذت رقمه بس مستحيل اكلمه شكلي بحطه بصب المصاريه على اساس انثى وحيده في المنزل تبحث عن انيس قامد آوي
انا اقول لا ابوي يقول ايه
من صح؟
كل التعليقات نفس كلامه ونصهم اصلا يقول انها بنته والمقطع عاادي ما فيه اي شيء بس ذول فيهم سعار جنسي كيف يشوفون امهاتهم وبناتهم واخواتهم🤮**؟؟؟؟** مخيف اننا نعيش بين ناس كذا
الامريكيين على انهم مقارنه بباقي الشعوب يعتبرون مستحدثين ومو شعب اصيل كلهم خليطي من دول ثانيه الا ان فيهم صفه تعجبني عندهم شغف الاحتفاظ بموروثهم ويحافظون على ارثهم العائلي حتى لو اشياء سخيفه وتافهه يحافظون عليها وعندهم اذا احد مات او بينقلون من البيت ما يرمون اغراضهم ويتخلصون منها يحطونها بال carage sale ويخلون وجودها مستمر لمدة اطول ويحبون يجمعون الاشياء القديمه علب والعاب واشرطه الكاسيت حتى اذا كان معهم اجهزه ترجع للثمانينيات موجود كرتونها والكتالوج معها مو زينا يجي مبهذل
وعيونهم تجي مليانه وشبعانه مو اي قطعه قديمه عندهم قابله للبيع زي الهطوف اللي عندنا تجي فيهم شفاحه ويبي بس يبيع ويعامل القطعه كانها شيء تجاري فقط ما يشوفون ابعادها الفنيه والتاريخيه وخذلك غش حتى بالبيع واسعار مو معقوله
وما يقهرني الا يجي هندي ويبيع جنبيات او سيوف لها عشرين سنه واكثر واي سؤال زي كم لها ووش تستخدم فيه؟ ما فيه معلوم! معقوله ما عندنا ناس يحبون الاثريات وعندهم اهتمام فيها غير التصوير ليش ما فيه ناس تحب توثق هذي الاشياء؟ ليش يجيبون عماله مال امهم بهذي الاشياء اذكر زمان نجي لحراج بن قاسم كان ممتع وفيه سعوديين وكبار بالسن يعطون معلومات عن القطعه ووش الاحداث اللي صارت بوقتها وكيف تستعمل وسوالف عجيبه يصير الواحد وده يجيب شاهي ويسمع ويسأل ويسمع ويتعجب الحين اكثره اجانب ويقرف محد عارف شيء بس يبون يبيعون وكله طمع ونصب ومحد مهتم يذكر تفاصيل وقصص اللي هي اصلا تعطي القيمه للقطعه
وليش ما تقفل فمك بعد ما تدخن وتفرش اسنانك وتتروش او على القليل تبدل ملابسك يا وصخ؟ او لا تختلط بالناس ترا هذا اذى كل الناس يتكلمون عن سوء النظافه ورائحة الفم بس محد يجيب طاري المدخنين وقد ايش انهم مهملين وفيهم رائحة كرييهه غريبه زمان ما اذكر ان ريحة الدخان مقززه كذا اللي اشمه حاليا هو زي زمان ولا هذي صناعه جبل علي
اوكي صح قلت يكون خاضع شوي لي بس اللي بالكومنت زعلوا عشان معتبرين الخضوع صفه انثويه!🤮
وليشش وكيف ومن انتي عشان فيه رجال يسمع كلامك واذا فيه هذا مو رجال؟! وش التفكير الارعن هذا بكيفي ومزاجي شدخلكم
اسمه عبدالمجيد الزهراني للي يبي يقرا له لكن عندي قاعده كيف اعرف الذكي والمبدع؟ لما يخلي اي شخص ماعنده اهتمام بمجال معين ويصير فجاه منتبه ومعطيه اهتمام ومنصت له وهذي انا صراحه مالي بالشعر كثير وكرهني فيه النبطي لانه معقد ولا افهمه
بس الشعر اللي كذا مظلووم شعر ساخر لكنه يناقش قضايا عميقه ولما اقرا له احس he is the kind of person who makes you laugh first then think!!!
مره شفت مقابله لشاعر المهم وكان يقول حنا كسعوديين عندنا الوان مختلفه من الشعر لكن الشعر النبطي هو اللي يلاقي الدعم والترحيب الاعلامي حتى صرنا نشوف اي شاعر يكتب لون ثاني من الشعر ما يعتبر شاعر ولا يعتبر عنده موهبه وقال كمثال شاعر البيد محمد الثبيتي شاعر كبير بس ما عطوه حقه كله بسبب خلف بن هذال وجدلان شعرهم المشؤوم خرب على باقي الفنون المميزه وعطوا نظره ان الشعر له نمطط واحد حتى ان ناصر الفراعنه شفت ناس كفروه على اساس يقلد القران! مع انه يكتب فصيح فطبيعي لان القران فصيح!! جنان والله
شربت ريدبول ثم بعدها بعشر دقايق سويت كارديو والخفقان كان مرعب لدرجه ما توصف حتى بعد ما وقفت كان تسارع نبضات قلبي مو منتظم😰 الحين افضل بس وش تشربون مشروبات طاقة بالضبط وتكون شيء مناسب
ذي اوكرانيه جايه مودل وهي لا طويله ولا عندها اي مؤهل تصير مودل ما بتكلم عن وجهها لانه خلقة الله خصوصا الجبهه بس هي جت عندنا عشانها باضا وشقرا لا نكذب على بعض والميكب ارتست المهطف رفعوا فيها وطبيعي صار جيبها مليان لاهي غيره ولا حسد رزق المهبّل** عالمجنن قاعده ومعروفه لكن البنت صارت فجاه غنيه وكل مشترياتها من براندات تبدا من ٥ الاف وطالع ومصوره بالمقطع هذا مشترياته**ا
الاجنبيات يجون عندنا يسوون اشغالهم ومالهم اي احتكاك وعلاقاته قريبه من بنات البلد ولا مودل شفتها تنزل بحسابها علاقاتها وطلعاتها مع سعوديات حتى عربي مايعرفون منه الا ماشاءالله وحمدلله
الفلوس هذي اولى فيها السعوديات كيف تجي وحده من اقصى الدنيا عشانها شقرا وبيضاء وتغتني باقل من شهر!! وش الجنان هذا بنات البلد ماكلين تراب ومقموعين وتجي شقرا تتمشى وتتفصخ وولا احد يقدر يقرب او يعتدي عليهم لهم نظام حمايه مركز اكثر من السعوديه؟؟ حتى اوقح الرجال مستعد يقلب رجل مختلف معها من شدة احتقاره لنفسه ولنساء بلده عشان يثبت لها اوهام
المهم البنت اللي بالتعليق ترقع وتقول هي ما عرفت الكشخه الا من السعوديات لا حبيبتي عرفت الكشخه من الفلوس انتي محد حولك الناس ياخذون مكانك وياخذون اشياء تخصك وينهبونك وانتي من قوة ضعفك تقولين بس ستل تراه حقي
وعع يجون اجانب يغتنون بسهووله ويحققون حياه حلم للكثير هنا وبكل سهوله ويجون المغفلين يقولون واااه احسهم تعلموا منا نظافة يوم الجمعه وعلمناهم على البخور والعود؟؟؟؟؟؟؟؟؟؟ طيب انتم متى تتعلمون منهم انهم سراقين يستغلون وضعنا ويجون يغتنون من ورانا
استغلال زي الاوكرانيه لما تجي كمودل ويبررون بحجة البنت السعوديه ما تقبل تطلع على الكام
صحيت الصباح وكلي سعاده وفرح لكن ساعه بعد ساعه حسيت السعاده شيء شاذ عن طبيعتي شيء ما يشبهني وشيء ما آلفته ولا عمري حسيت انها هدف وطموح احصل عليه
مدري، انا احس بالالفه وبالامان اكثر لما اكون حزينه احس الحزن يشبهني ورفيق وفي لي بعكس السعاده تخدع ومالها امان وبطرفة عين تختفي، الحزن والالم والغضب مشاعر مريحه وامنه لي
عيد ميلاد تعيس جديد🎂🎉 انا سعيده جداا اليوم لأني حزينه
كل اخواتي شخصياتهم قويه كلهم ناجحات بكل شي ولو يمسكون اي حاجه يخلونها تنجح بالغصب فيهم كل الصفات اللي اتمناها اذا يبغون شي تلقائيا ياخذونه ما يترددون ولا يفكرون كثير وذكيات على كل المستويات ولا يتأثرون بسرعة ويواجهون كل مشاكلهم وما تاخذ منهم شهور كثيره مو غيره بس كل هذي الاشياء كل اقاربي يقولون عنهم طالعين على فلانه وفلانه ويشبهونهم بجداتي المحنكات وانا طيب؟ وش الجينات الخايسه اللي معطينياها؟؟ ظلم ليش شخصيتي مو زيهم احس فيه جده لي زوجوها وعمرها ١٣ وسافرت ٨٠٠ كيلو بعيد عن اهلها وحملت ١٤ بالبر وولدت لحالها بالغربه وسط اصوات البر وتشتغل ٢٤ س وجتها عقد وصدمات وامراض وورثتني كل شي منها لحالي الله لايوفقهم انا حزينة وكل ما احس بهذي المشاعر احاول اكتم عشان تتغير ولا اورث اي وحده بعدين من الاحفاد كل هذا القرف💔شعور صعب علي بس يمكن خييره خذت الجمال منها وربحت بشيء يسوى
الادمي ذا مستفز وله سلطه على وش نتعشا وين نطلع اي شي ما يعجبه يزعل ويقفل الباب على نفسه وامي وابوي يترجونه بالساعات و يفتح ويقولون تعال عشا اليوم على اختيارك واذا فتح يعطيهم صمت عقابي لساعتين ويسوي حركات انه دايخ وفجاه يطيح الله يلعن وجهه ذبحنا بالكرسبي رول حق الطازج الله يقرفه ويلوع كبده من امس احس روحي تصارع الموت من كميه الزيت
صرفياته اكثر مني وانا بنت لي احتياجات خاصه روبلكس لحالها يصرف عليها اكثر من الفين ريال كل شهر اللي قاهرني له سلطه وكلمه على امي اكثر مني اذا تهاوش مع عيال صديقاتها يقول لاتعزمينهم مابي عيالهم وهو عشان عنده مرض بسيط والدكتور قايل لا تخلونه يعصب صاروا مستعبدين له حتى توصل يكلم ابوي وهو بشغله ويتهاوش معه يجي يوديه يلعب نطيطات ولا يصحيه من النوم والوقت متاخر كل شي مقفل يقول انت ماتحبني المشكله حتى بعمره ذا ما علموه ابسط الاشيا يعتمد فيها على نفسه زي انه صار متعود ما ياكل الا اذا امي اكلته ما يشرب الا اذا شربته هي بنفسها ابوي مطلع له بطاقه خاااصه يشحنها له عشان يشحن العابه الزق ويطلب موهيتو توت ازرق
قبل شوي مفروض نطلع وبعد ماتجهزت قالوا خلاص اخوك يقول شمس برا يبي بعد العشا؟؟ اخخ لو انتف اذنه بس هالعنز
حتى بي سي بيشترون له عشانه ناجح اتوقع لو يتخرج من ابتدائي بيطلعون له سياره
تستهبلون؟ ترا مو عشاننا نقدر نسيطر على شهواتنا ونتحكم فيها معناته اننا مختونات!!!؟؟!!!؟!؟!! والله العظيم الصوت لحاله مثيير حتى فيه رجال من الحي دايم على الساعه ٩ او ١٠ يكلم برا المهم ان صوته عالي والله يا انه يدوخ يخررب بيته صوته لذيذ بس سوالفه زق صراحه بس كصوت فخم وعااجبني بقوه حتى اني صرت اغار وحده من الجيران تسمعه فودي اكلم الشرطه اشتكيه مسبب ازعاج وكذا
بالنسبه للطول اكثرر شي مغرري وهوتت حتى ريحة العطر الرجاليه تلفت انتباهي وتشتت افكاري وعواطفي وحواسي والوضع صار صعب علي كل ما اطلع والقى رجال يمشي وريحة عطره تفووح والله اغراء اكثر** **من اي فلم بورن للاسف خلاص صرت احس ذا الرجال قحبه اذا طلع وهو حاط عطر وعشان كذا لو تزوجت مستحيل زوجي يحط عطر الا وانا معه عشان ما يلفت انتباه البنات لاني اعرف ذا الشي يغرينا
ياكثرهم بالتيك والله طراش وعادي تنزله وهو قامعها ويقولها كلي تبن وتحط رياكشنات وكل حسابها اخوانها بعيدا عن المديثه بس يابقره ليش ليش تعطينه مكانه وشهره مايستحقها بتقول اخوي وشدخلك بقول كلي تبن يامغفله
اشفق على البنات اللي كل جوالهم صور اخوانها ويعنني فلوقات ولا فجاه اسولف مع وحده وترسل ستيكر لاخوها كرياكشن يعني مفروض وش اسوي بالله
والنوع الثاني اللي تصور ابوها وشكله شكل واحد ذكوري بحت ويكون اصلا مو معطيها وجه وهي تصوره والله مدري وش اقول
يقول حنا نقول عنكم ان لم تكن المراه والقهوه سعوديه فلا قيمة لهما😭😭😭😭😭😭😭😭**؟** والله ضحك
بس لا تشيلون هم جلدته واهنته وبلكني سعيده
لو نجي للحقيقه راح نعرف ان التعلق صفه اساسيه وطبع بالانسان التعلق بالمبادئ والافكار ومش تعلق شعوري لا بل تعلق يخلي الانسان يحارب لاخر نفس عشان فكره هو متعلق فيها ومقتنع فيها وممكن يعرض نفسه للخطر والموت عشان امر متعلق فيه هل كان السود بامريكا بيقدرون يتحررون من عبوديتهم لو ما كانوا متعلقين بالحريه ومهوسين بالتفكير فيها ومتلهفين كل يوم وكل ثانيه على نيلها؟ وهل البشر كانوا بيقدرون يوصلون لكل هذي الانجازات لو ماكانوا متعلقين بامور كثيره؟
انا متعلقه باشياء واشخاص رحلوا لكن تعلقي ما ضرني ولا رجع لي بالسوء بل بالعكس تعلقي فيهم خلاني احاول اصير افضل نسخه مني ما كان شيء سلبي زي ما نسمع اليوم من تفهاء حياتهم فارغه وشحاذين مشاعر ضعفاء يتوسلون ويتضرعون لرساله ويومهم يخرب وقد يفوتون اختبارات واشياء مهمه عشانهم ماقدروا يضبطون انفسهم ومشاعرهم هذول ما عندهم تعلق نهائيا اللي عندهم شيء شاذ عن الطبيعي يروح لمختص يعالجه ولا يجي ينزل مقاطع وبوستات يتكلم عن اضرار التعلق وبنفس الوقت اللي يكتب يكون مستلذ وحاب وضع الانتظار نااس يعشقون الانتظار ببساطه عشان الانتظار بيخليهم يوقفون يكملون بحياتهم يخليهم في وضعية هرب من التزاماتهم وواجباتهم تجاه نفسهم وللي حولهم ولما ياذون اللي حولهم ويعيقونهم يقولون حنا متعلقين لا يكذاب انت بعيد كل البعد عن التعلق
اصلا الانسان اللي مو متعلق هذا متهاون متخلي جبان، التعلق يدخل بالتعلق باللغه والارض والوطن والافكار والمبادئ والاعتقادات وكيف نعرف الانسان القوي الشجاع؟ لما يكون متعلق برايه ومتعلق بافكاره لو تمت محاربته ولو تعرض لاختبارات كثيره تجبره على التنازل عن مواقفه وكان متعلق وثابت في تعلقه مهما كانت الصعاب هذا هو الشجاع والبطل الحقيقي
اكره اي شخص يستخدم مصطلح** **التعلق لما يوصف علاقات العبوديه اللي يعيشها باختياره لانه شحاذ!!! انت كيف تجيب شيء عظيم مهول وتحطه بسخافاتك وخياسك؟؟؟ كاني **(والله سبحانه شريف عن هذا **المثال) كاني اذكر اسم الله في دوره المياه هذا هو بالضبط اني اجيب شيء مقدس وشيء مبجل وله مكانته واصف فيه اضعف واتفه واسذج حاله فاكون اهنت هذي العظمه والقدسيه