u/Fennecfo

من اجل فسادا مستمرا. تحيا ماسر تحيا فيفي

مش عارف ليه مهما توصل نجومية اللاعب المصرى لازم كالعادة يروح الدورى التركى. زملاء صلاح اللى سابوا ليفربول بسبب السن راحوا بايرن وتشيلسى وتوتنام. الحقيقة مش فاهم اختياره للدورى التركى. اعتقد كان يقدر يعمل زى مودريتش وديبروين ويروح دورى من الخمسة الكبار براتب اقل. اكيد الفلوس كانت عامل بس لو على الفلوس كان بقى يروح السعودية ولا أمريكا. على طول كنت بقول أن سبب فشل الاعيبة المصرية هو أنهم بيفضلوا يروحوا تركيا او البرتغال (اسما فى أوروبا)، وصلاح كان ذكى فى أنه راح سويسرا لأن الدورى بتاعها متابع عن تركيا والبرتغال.

كنت عايز اكتب البوست دا من شهور بس قلت استنى لما يكسب انتخابات المرحلة الاولى. عبد الرحمن السيد أو زى ما هو معروف فى أمريكا "عبدول السيد" أصبح أول أمريكى من أصول مصرية يفوز فى انتخابات الحزب.

والدى عبد الرحمن هاجروا من اسكندرية لأمريكا وعبد الرحمن اتولد فى ولاية ميتشيجن اللى فيها نسبة عرب كبيرة وللأسف شاركوا فى انتخاب ترامب بعد ما صدقوا أنه هيوقف حرب غزة. عبدالرحمن طبيب مسلم ونزل انتخابات الحزب الديمقراطى وقدر يكسب أمام عضوة الكونجرس اللى من اكتر المرشحين خدمة لإسرائيل. دخلت الكونجرس بعد ما اللوبى الصهيونى دفع ٣٠ مليون دولار عشان يكسبها الانتخابات أمام عضو كونجرس رغم أنها مسيحية وهو يهودى لكنه انتقد إسرائيل. عبد الرحمن من الجيل الجديد الرافض لدعم أمريكا لإسرائيل واللوبى الصهيونى صرف ٦٠ مليون دولار عشان يخسره الانتخابات ومقدرش. دلوقتى هاينزل الانتخابات أمام المرشح الجمهوري لكن فرص فوز عبدالرحمن عالية جدا. الجيل الجديد اللى بدا يدخل السياسة الأمريكية وبدأ يكسب رغم مهاجمته لإسرائيل زى زهران محمدانى ورشيدة طالب والحان عمر وغيرهم من غير العرب و المسلمين أن شاءالله هايبقى لهم تأثير كبير فى قطع الدعم عن اسرائيل وتغيير السياسة الأمريكية وتغيير الوضع فى الشرق الاوسط.

ملحوظة: لو عبد الرحمن كسب هيبقى تانى عضو كونجرس من أصول مصرية بعد السيناتور جورج حلمى، لكن جورج حلمى أتعين بعد استقالة عضو آخر مانزلش انتخابات. جورج حلمى بردو من الناس المحترمة اللى انتقدت إسرائيل واتكلمت عن حرب غزة ومعاناة الشعب الفلسطينى

اسماعيل أحمد لاعب كرة سلة من اسكندرية بيلعب فى نادى الرياضى اللبنانى أكبر نادى فى لبنان. واللى مايعرفش فكرة السلة فى لبنان اهم رياضة والدورى والمنتخب اللبنانى اقوى من نظائرهم فى مصر. إسماعيل ما شاءالله عليه كلها كام شهر و يقفل ٥٠ سنة ولسه بيلعب احسن من الشباب. بيلعب سلة من اوائل التسعينيات. لعب لفترات قليلة فى الاتحاد السكندرى وخد معاه ٣ بطولات دورى مصرى وفى لبنان اخد ١٦ بطولة دورى لبنانى دا غير بطولتبن دورى ابطال آسيا وبطولات تانية كتير فى كارير اكتر من ٣٠ سنة. اسماعيل دخل موسوعة جينيس مؤخرا كأكبر لاعب سنا فى العالم يحقق triple double

يظهر أن الجهاز القومى لتنظيم الاتصالات فتح سبوبة جديدة مع شركات المحمول

طبعا لان الغلاف الجوى عندنا نصه دخان، لكن اكتشفت أن فعلا لون الخضرة فى أوروبا طبيعى بيبقى زاهى عن لون الخضرة فى مصر... على فرض انك لاقيت خضرة فى مصر خارج ملاعب الكورة ومدن الاغنياء

وليه فى لوحة مفاتيح جنب الباب من برا بالمناسبة؟ لازم يكون معاك الكود عشان تفك زنقتك؟

دا تطبيق الجهاز القومى لتنظيم الاتصالات. كان شغال من سنة او اتنين لما جربته وماستخدمتوش من وقتها. خلال السنة أو الإتنين اللى فاتوا انتشرت شكاوى ناس كتير عن أنهم فتحوا الابليكيشن يستعملوا على خطوطهم اكتشفوا أن فى خطوط مسجلة بإسماءهم وكمان محافظ (كاش) مسجلة بأسماءهم ومايعرفوش عنها حاجة ودى مصيبة ممكن تدخل السجن. وراحوا اشتكوا لجهاز تنظيم الاتصالات راح معرص على الشركات. يظهر ان استمرارا فى الوساخة والتعريص وزارة الاتصالات ريحت دماغها وعطلت الاستعلام عن الخطوط والمحافظ على الأبليكيشن عشان الشركات تسرق وتغسل أموال على راحتها.

الحقيقة الفول مكانش اكلتى المفضلة فى البيت الا انى كنت بحب سندوتشات محل معين لذلك بدأت رحلة بحث فى الطرق اللى يتحضر بيها القول فى أنحاء مصر ودى نتائج رحلة البحث.

اولا: الفول ممكن يتعمل فى البيت فى ساعتين بإنك تنفعه يوم لحد ما كل الحبوب تنقش وبعدين تسلقه زى اى حبوب بس تضيف عليه نص معلقة بيكنج باودر. النتيجة هايطلع مدمس وطعمه جميل لكن لونه غامق. لو عايزه فاتح ضيف عليه عصير ليمون فى بداية السلق.

ثانيا: طرق عمله المختلفة. (الاضافات على الفول المسلوق بخلاف الملح)

-الفول بالليمون: المفضل عندى. زيت وليمون ويضاف طماطم وفلفل حامى على النى.

-الفول بالسمنة: سمنة وفلفل اسود وشطة ويفضل يكون مع الفول بليلة.

-الفول بالتقلية: توم محمر يضاف عليه صلصة وخل.

-الفول بالطحينة: توم وخل وطحينة كتير وزيت.

-الفول بالسجق: سجق محمر 🤷🏻

-الفول بالبسطرمة: بسطرمة محمرة 🤷🏻

-فول المحلات فى القاهرة/الفول بالزيت: زيت وكمون وفلفل اسود وشطة.

-فول المحلات فى اسكندرية: زيت ونقطة طحينة وخل وتوم وطماطم وفلفل اخضر.

(بونص) الفول المكسيكى: شوربة لحوم وبصل وتوم محمر وفلفل حامى وكسبرة خضرا وكمون وزيت. مش مصرى لكن جربته وطعمه كويس.

واللى عنده طرق تانية ياريت يقول.

ملاحظة: الناس اللى بتحط بقدونس على الفول. You should be ashamed of yourself

اولا عشان اوضح سؤالى أنا بادور على كريم تصفيف مايكونش زيتى مدهنن (زى بالمرز مثلا) ولا كثافته خفيفة قوى (زى فاتيكا وأغلب كريمات التصفيف), ولا كريم جيل.

كان من سنين موجود كريم التصفيف دا (وبريل كريم الاخضر) وكان ميزته أن كثافته تقيلة شوية عن كريمات التصفيف التانية واختفى حاليا. هل حد يعرف كريم تصفيف يكون ماسك نفسه شبه الكريم دا ومش بيسيل ويكرر خالص بمجرد ما تفرده على اسديك زى باقى كريمات التصفيف؟