u/GHJ5656

اهلاً

جدو معه SIPO ومن اسبوع ونص مسكت معه دايت عشان يلتزم،

الدايت ممنوع فيه اشياء كثييييره منها منتجات القمح، الالبان، الجلوتين والمخبوزات،صفار البيض، القهوه، الفول السوداني، الزيوت النباتيه، البقوليات، واغلب الخضار والفواكه، الخ..

اليوم كان عندي عزيمه واضطريت اكل مع الناس وقلت "يوم مفتوح" بس بعد كم لقمه جاني صداااع بذات منطقة العيون وغثيان وحاسه بدوخه مو طبيعيه.

لدرجة ما قدرت اكمل القعده رجعت البيت ارتاح، انا الان تمام بس ما ادري ايش سبب هالشيء، هل المفروض اوقف الحميه؟ وارجع لاكلي الطبيعي ولا عادي شي طبيعي الي صار معي؟

*ما عرفت وين اهبد استفساري لذالك قررت استخدم صب الهبيديه المنقذ*

اهلاً جدو جاي بعد غياب شهر وابغا اتفنن له بالفطور لذالك اقترحوا علي وصفات جديده،

اخر مره سويت له البيض مع افوكادو ولبنه واعجبته مرره ومعدته ارتاحت عليها وعطاني عليها 200 ريال

وان شاء الله بكرا باخذ خمسمييييه☝🏻

اهلاً يجماعه انا الحمدلله عطلت بعد مذاكرة لمدة ثلاث اسابيع،

كنت وقت اذاكر ابغا اسوي كل شي وقررت اسوي قائمة اي شي اشتهيه اكتبه فيها عشان اذا خلصت فاينلز انبسط واسوي فعالياتي

بس الحين مالي خلق شي حرفياً ولا شيييي لا ابغا اكل ولا العب ولا اطلع ولا اقابل احد ولا انام ولا اصحى احسني انجنيت!

بالله كيف ارجع شغفي للحياه بليز لاني والله اعاني حتى افلام ومسلسلات مالي خلق اشوفها ولا لي خلق اقابل اهلي مع اني من زمان ما شفتهم..

احتاج احد يسحبني من العزله الي انا فيهااااا

اهلاً، انا طالبة طب وتعرفت ع بنات دكاترة من بنات صديقة زوجة اخوي الدكتورة، الصراحه البنات عسسل مره وصرت اجتمع معهم اذا رحت لعند اخوي،

بنات انا مو سبيكه بس مدري اول مره ما افهم تلميحات الا بعد فتره طويله، البنات اذا سولفت معهم يقولون لي ههههه اخوي فلان كذاا ههههه اخوي فلان يقول وصلي سلامي لامك وبناتها ودايم يقولون لي ان ابوهم حبني من سوالفهم عني وكذا.

الصراحه ما كنت اعتبرها تلميحات لان والله احسبهم عيله فله ولانهم مو بدو ههههههههه وكنت دايم اضحك عليهم اقولهم وش الي يسلم علي شايفه نهاية اسمي دبيازه؟؟ يا سخفي!

الغريب جت فتره انا انشغلت وكل مره ابغا اروح ابوي يتعذر لا تروحين بنطلع لا تروحين عيب وانا كنت اقولهم ماقدرت مشغوله..

بعد سنه تقريباً من انقطاع عنهم وتواصل بس جوال + البنات حسيت اسلوبهم تغير معي بس كنت اقول يمكن مالهم خلق واحط اعذار.

الزبده قابلة امهم بعرس اخوي الثاني بدون البنات وسلمت عليها وهي طااااارت فيني لدرجة سلمت علي ٧ مرات وكل مره تسلم علي تبشرني عن ولدها فلان وتسولف عنه وعن عمره وانه اشترى شقه وانا مستغربه بس قلت اكيد يعمري فرحانه بولدها وكنت بكل مره ابارك لها بولدها واضحك واسولف معها.

بعدها بشهرين رجعت اكمل دراستي بمدينتي كلمتني ماما وقالت ضروري تزورينا الويكند معي لك خبر.. وصلت وقالت لي ماما انه ولدهم الي يدرس معي بالجامعة وتوه تخرج خطبني وانه مو اول مره يخطبك بس ابوك رافض وللان رافض يقول ماعندي بنات يدرسون يتزوجون.

قلتله طيب وش يعني ليه تقولين لي انا شوري من شوره وما اتوقع اتحمل مسؤوليه وانتهى الموضوع.

طبعاً اختكم بالله جتها لقافه ودخلت حسابه انستا لان خواته كانوا ممنشنينه ببوست بيوم تخرجه والصدمه شفته مسوي هايلايت بحرفي(: < طبعاً يوم شفته قلت اهداء يا محور الكون يمكن صدفه او حرف احد يعزه بس شفته منزل فيه اغاني تصاميم بواحد منهم حاط اختصار اسمي الي انا حاطته انستا😀! + الاغاني الي منزلها من حسابي الساوند الي حاطته انا بالبايو حقي. واحس يمه سكوتر

هبدت هنا السالفه لان ماما قالت لا تعلمين احد اني قلتلك وانا لساني يحكني

تابعت فيلم the dressmaker مرره حبيت اجوائه ونهايته رغم انهم نصحوني ما اتابعه لان نهايته قاسيه لكن حسيتها منطقيه،

اذا عندكم مسلسلات او افلام حلوه وتنصحوني اتابعها عطوني

يجماعه توني صدمة سياره بالغلط انا من الروعه كلمت ابوي ابكي واصارخ سويت حااادث سويت حااادث والي صدمته شايب فصل علي وعلى ابوي وهزئنا ع تكبير الموضوع وقال خلاص هديتي؟ وهزيت راسي اي قال خلاص توكلي بيتكم قلتله ابشر🚶‍♀️.

المشكله اني كنت رايحه المطعم بس خفت يشوفني وقفت ويرجع يهاوشني لذالك قررت انام بدون عشاء🥲

السلام عليكم

بستفسر هل فيه تجميعات لل usmle ؟ ووين احصلها