u/HOETASSIUHM

Last week, sinubukan kong mag-Bumble kasi imposible 'yung organic encounter sa akin bilang isang taong bahay na puro trabaho at mga aso lang ang buhay. I happened to match with a cutie & it was great at first kasi parehas kaming yapper & had a lot of things in common.

I quickly got overwhelmed in a few days, though, because of the ff:

1. Sobrang bilis mag-respond kahit madaling-araw. Night shift ako at day shift siya (office pa ha) pero parang hindi siya natutulog AT ALL. Kahit 2 pm o 2 am walang difference e!
2. Nagmi-miss call siya kapag hindi ako nakakasagot agad. Once, nag-upload pa siya ng stories na nagdadrama na kunwari busy lang ako pero ayaw ko na siyang kausap (Marami akong clients, haha). Nagsabi rin before na selosa siya e nagsisimula palang kami mag-usap.
3. Bumili na agad siya ng movie tickets for a horror movie na napag-usapan pa lang naming panoorin… Like Day 3 yata ng pag-uusap, binili niya na agad without consulting me.
4. Nag-trauma dump malala na agad siya tungkol sa family in less than a week. Sobrang heavy pa ng context ng discussion, to the point na heavily emotional siya.
5. May gusto siyang ipadala sa condo (Alam lang niya 'yung condo at hindi unit ko... maraming towers dito) pero HUMINDI ako thrice since hindi pa kami nagme-meet officially. Tinadtad niya ako ng audio call at missed calls sa backup sim ko (hindi nag-appear bilang red kasi nirerejek ko). Hindi ko sinagot kasi na-overwhelm ako.

Ngayon, after a day, balak ko sanang kausapin ulit kaso nagdadrama na naman sa IG stories niya... Halos one week palang kaming nag-uusap?!

Further context: Parehas kaming girl. Bisexual ako na first time palang mag-eexplore sa wlw territory haha... ganito ba talaga?

[Pls huwag i-post outside of Reddit]

Tinapon ko na ‘yung mga damit at gamit ng ex ko kaninang madaling-araw.

Nakailang balik din ako sa floor namin at Basement 1 dahil sa dami ng plastic bag na ginamit ko. Buti na lang at mabilis mag-deliver ‘yung TikTok shop kasi XL ‘yung inorder kong size, haha. 

Aminado akong nakonsensiya ako pero sobrang liberating din na wala na siyang nakatambak na gamit sa condo. Tuwing nakikita ko kasi, ‘di ko maiwasang mapikon at maalibadbaran - ‘Di ko maisip bakit ko pinatulan ‘yung lalaki na ‘yun. 

Ten months ago, pinalayas ko siya sa condong nirerentahan namin dahil ninakawan niya ako ng pera sa Wise - Around 20,000 PHP ang nahuli ko pero sigurado akong may iba pa siyang nanakaw sa weekly at bi-weekly clients ko. Wise niya kasi ang gamit ko noong wala pa akong valid ID dahil subsob ako kakatrabaho… Meron na akong mga valid ID ngayon.

‘Di ko malimutan kung gaano ako kapagod magtrabaho simula 7 a.m. hanggang madaling-araw kasi may sakit siya sa puso. Lagi akong takot na baka atakihin siya at kulang ‘yung pera ko para sa hospital niya. Nangyari na once at nagbayad ako ng around 60K, excluding his medications, para lang sa isang gabing confinement. Samantalang siya, living the dream at hinayaan akong mapagodkakatrabaho. Walang alam gawin kung ‘di mag-League at magreklamo na hindi flexible ‘yung mga nahahahanap na clients. 

Anyway, nakapag-impake siya ng mga ilang gamit, kasama na ‘yung Macbook Pro na ako ‘yung pinagbayad niya, pero hindi niya nadala lahat. Akala niya yata temporary thing lang ‘yung “tampo” ko kasi ang sabi niya sa mga kaibigan niya, may pinag-awayan lang daw kami. 

(Sino ang tatanggap ulit ng magnanakaw? Ang sarap ng buhay niya rito sa condo, parang ako na ‘yung lalaki sa relasyon e ‘nung nililigawan niya ako, halos ipangako niya sa akin ‘yung buong mundo. Ni hindi naman gwapo at mas matangkad ako nang ‘di hamak.) 

Four months ago, inatake ulit siya ng sakit niya. Naawa ako at hinayaan kong kunin ng mga kamag-anak niya ‘yung mga pwedeng ibentang gamit na pagmamay-ari niya, ‘tulad ng mga gitara, keyboard, at PS5. Balak ko sanang ibenta noon dahil may utang siyang halos 200,000 PHP. 

Pero ni hindi man lang nila kinuha lahat ng gamit para sana wala nang nakatambak dito, diba? 

One month ago, nag-reach out ulit sila - Pinsan niya, childhood friend niya, at siya mismo. Gusto nilang kunin ‘yung mga natirang gamit. Wala akong nireplyan ni isa. 

After a week, tinapon ko lahat ng mga ‘di kinuha (dahil nga hindi mabebenta at puro luma na) sa basement 1. 

Hindi pa rin tumitigil sa mga scam Tatay ko. Nawala na lahat sa kanya - bahay namin (sinangla ng over ₱800K para sa mga scam), mga hektaryang lupain na binila ng Lola (para ulit sa mga scam), at kami ng kapatid ko.

Nauto ng Canadian immigration scam, bitcoin scam, forex scam (sinangla niya ‘yung natirang lupa ng around ₱50K lang), fake job posting scam na may application fee, at sobrang dami pang iba.

Ilang beses na naming pinagsabihang lahat pero hindi talaga naniniwala sa amin. Sobrang sakit sa ulo.

(Nakiusap na ako noong buhay pa yung Nanay ko na magpatingin siya sa psych pero ayaw talaga. Di raw siya baliw… pero ang hilig mag-tantrums kapag di nakukuha yung gusto. At one point, nagdabog at binalak pang laklakin ang isang banig ng morphine ni Mama).