u/Hanzala_Legacy

دا غير إنها ممنوعة كمان في بعض الدول يعني..

دا صوت Ai علفكرا 😅😂

الجولة الأولى مأدِّتش الغرض..

ملقيش حد مناسب

العدد محدود.. ممكن 3 أو 4 بالكتير أوي، لو معملتش اللي هنتفق عليه هتتشال من المود..

* اكتب هنا في التعليقات أو ابعتلي dm

u/lts-me777

Brave هو أفضل متصفح بالنسبالي..

نسبة الأمان فيه شايفها أعلى من كروم، دا غير إنه بيمنع قدر كبير من الإعلانات.

بعده في الترتيب ييجي Chorme

6 إبريل 1453م

مكانتش مجرد مدينة عادية..  القسطنطينية كانت أسطورة عسكرية صمدت قدَّام جيوش العالم لأكثر من 10 قرون..

تخيل مدينة متأمنة بـ 3 خطوط دفاع (أسوار ثيودوسيوس)..  

• سور خارجي: عشان يصد الهجمات الأولى..

• سور متوسط: عشان يمتص الصدمة ويشتت الجيش اللي داخل.

• سور داخلي عملاق: أبراج مراقبة وارتفاع شاهق، مستحيل حد يعديه.

أي جيش بيفكر يقرب، كان بيرجع مهزوم.. دا إذا رجع أصلا وما اتقضاش عليه.

السلطان المسلم محمد الفاتح قدر يحل الشفرة اللي فشل فيها أعظم قادة التاريخ..
طوَّر أساليب قتالية واستثمر في العقول و استعان بالمهندسين ومدُّهم بكل احتياجاتهم من موارد وحرفيين وأموال لحد ما في نهاية المطاف قدروا يصنعوا المدفع السلطاني "شاهي".. المدفع دا كان معجزة عصره..

مدفع شاهي كان بيطلق قذائف بـ وزن يوصل لـ 600 كيلو للقذيفة الواحدة، ودا وقتها كان حجم مرعب.. ولأول مرة في التاريخ، السور اللي عَصى على أعتى قادة وجيوش الأرض بقا بيتفتت قدام المدافع العثمانية..

جيش المسلمين كان الطريق اللي مفتوح قدامه عشان يوصل لأسوار القسطنطينية هو طريق البحر المعروف.. لكن السلطان محمد الفاتح اتخذ قرار عكس الطبيعي وأمر جزء من الجيش إنهم هما اللي هيشيلوا السفن بدل ما السفن هي اللي المفروض تشيلهم.. أمرهم بسحب السفن فوق اليابسة في طريق شديد الوعورة.. وعملوا التفاف حول الأعداء ونزلوا في منطقة "القرن الذهبي" ورا الأسوار من الجانب اللي مش متأمن كفاية..

الخطة الدفاعية للمدينة اتضربت في مقتل..
قصف لأسوار المدينة بالمدافع السلطانية من ناحية، وسفن في قلب الخليج بتهاجم من ناحية تانية..

وفي فجر 29 مايو 1453م..
أسوار القسطنطينية اللي صمدت لأكتر من ألف سنة استسلمت أخيراً بعد 53 يوم من الحصار.. ودخل الفاتح محمد الفاتح المدينة وهو محقق البشارة النبوية:/

"لَتُفْتَحَنَّ الْقُسْطَنْطِينِيَّةُ، فَلَنِعْمَ الْأَمِيرُ أَمِيرُهَا، وَلَنِعْمَ الْجَيْشُ ذَلِكَ الْجَيْشُ".