u/Ichigohand

اشتريت قلادة وما تهنيت فيها اقل عن اسبوع وضاعت، قلت ماعليه بشتريها مرة ثانية لاني حبيتها وايد، فترة قصيرة وانقطعت، قلت ماعليه بخلي المحل يعدلها، يوم رحت عشان اخذها بعد ما مرت فترة ومحد كلمني حصلت المحل مسكر😭😭😭

البوست للتوعية وما اقصد أتهجم على حد وكتبته لعل وعسى اقدر افيد ولو شخص. أنا كنت الطرف الي انرفض والسبب كان لعيب مب موجود فيني اصلا بس مممككنن يصير ف المستقبل، انقهرت وايد على نفسي لاني تنازلت عن أشياء تهمني وهو مارضى يتنازل عن شي مب موجود حتى مع اني أناسبه ف كل شي. ف يا جماعة الخير لو عندكم علم بانه الطرف الثاني فيه شي ماتتقبلونه لا تلعوزون عماركم ولا تلعوزون الخلق وياكم🥲💗اكتب هالكلام لانه التجربة اثرت فيني وذبحت الشغف عندي🤣واعرف بنات مب رايمين ينسون الرياييل الي رفضوهم مع انه مرت سنين، ف الله يخليكم فكروا عدل قبل لا تخطون هالخطوة والله يحقق أمنياتكم جميع💞

اشتريت رقم الموتر قبل اكثر عن ثلاث سنوات ومن يومها الي اعرفهم وما اعرفهم ماخذينه محتوى ف السوشل ميديا، طول هالفترة ما صار لي اي شي غريب، والحين افكر احط صور موتري ف الميديا بعد بس ملاحظة وايدين يشددون على تغطية رقم الموتر، هل فيه خطورة لو ما غطيت رقم اللوحة؟ باستثناء ان الأولون والآخرون بيعرفون انه الاكاونت اكاونتي😂بالذات انه الرقم باسمي، هل في شي بيضرني؟

داخلة عيادة تجميل بسوي ليزر للبشرة إلا واشوف آخر شخص اتوقعه على الكوكب واقف عند الرسبشن يحاسب ويحجز موعد.. واحد عشوائي من زملاء العمل😭!!ماعرف ليش يوم شفته انحرجت وتفشلت مع اني البنت يعني هذا مكاني طبيعي بس انت شو تسوي ف عيادة تجميل؟؟؟ واحاول ادور مخرج بس مافي المكان ملعب مفتوح، رحت قعدت اكثر قعدة معاقة على الكرسي عشان أعطيه ظهري وما ينتبه علي لين الحمدلله طس وطلع.. اهههخخ هاذي عيادتي المفضلة الي اروح لها من سنين مابا اشوفه فيها مرة ثانية بس للأسف العيادة مب عيادة ابويه ماقدر اسوي شي😔

موتري نيسان باترول 2023 وفيه خرابات بسيطة، ممكن تدلوني على مكان زين يصلحها وما يخلي السيارة عنده عشرين شهر ويكون جدى الخوانيج وضواحيها
وشكرا🫶🏻
1-To replace spare wheel – TPMS indication
2-Rear coil spring support arms
3-Wiper washer sensor
4-Rear axle lubrication