تقييمي ٠/١٠ شريت ٣ مرات صدور دجاج على اساس بتغدا كل يوم وجبات صحيه وفل بروتين وكل مره تطلع خربانه!؟!؟!؟
اول وثاني مره تاريخ خلص بيومين بعد ماشريت ما مداني اقول بسم الله واطبخ
ثالث مره تبلته يوم! وطبخته! بالأخير اذوقه كانه علك ومن جوا طعم دم وزفر خربان
من وين اشتري دجاج صاحي ولا بقلب نظام الطيبات آخر حلقه
قد لا تصدق السالفه لكن فيه شخص كان يتابعني بتيك توك والولد جميل جميل ملامحه تجنن يعني ماقد وريت صورته بنت قالت يع عموما أضفته بسناب عشان اكحل عيني بس من سنه الولد كان يكلمني ويرسل لي ستريك بشكل مزعج وفوق كذا يدق ويعاتب ليه ما ترسلين ليه ما تتفاعلين مع الوقت صار يكتب لي رسايل طويله كلها مشاعر وعتاب وانا احبك وحنا ما بينا اي علاقه مستوعبين ؟ علاقتنا عباره عن انه هو يحبني ويرسل لي ويبادر ويعاتب كله من طرفه وانا مو ماخذته بجديه لاني ادري انه صغير باقي مارح نتزوج بس مخليته عندي ديكوريشن لين ما خلاص قفلت معي وسويت له بلوك من كل مكان ومرت فتره ونسيته إلا يجيني اتصال منه وارد يمكن آخر مره ارد على رقم غريب. قعد يتطمن وشلونك وشخبارك أضيفيني سناب و اعترف هنا فكرت بالايقو حقي قلت الولد جميل جدًا وميت علي ويبيني ليه المكابره ؟ عطيته وجه وليتني ما عطيت يا كمية الإزعاج والبثاره كل يوم الساعه ٥ الصباح يرسل لي صباح الخير ابي اشوفك اليوم. كانّه ما بحياتي إلا هو وكانّه واحد من اهلي من قوة الميانة يبي كل يوم يجي يشوفني واصرف ما يفهم واقول لا ما يفهم وأزبد ما يفهم ويكتب لي اشعار واني خلاص صرت حبيبته ومن غبائي لوكيشن سناب كان شغال طول الوقت وقلت عادي وشو اقصاها يعرف بيتنا وين وش بيسوي ؟ متخيلين اني يوم صرت ما ارد صار يوقف عند باب بيتنا؟ بالساعات ومعتبره شفت إذا مارديت يروح يداوم هناك ! ومعترف لي بعد من البجاحه يحسب ذا حب واني بنبسط عموما انا هنا جاني بانك أتاك قلت اسمعني ترا حنا مو متزوجين ولا اني احبك ولا ابيك ولا تقرب لي ف ياليت تهدي الميانه ولا بيجيك بلوك ثاني مابي أجرحك وادري انك تحبني بس تراك مهووس وما تعرف شخصيتي الحقيقية قاعد تتخيل افضل نسخه مني وعايش معها ياليت تصحصح لأنك قاعد تضغطني وتطفشني وما جبت طاري البيت عشان ما ابيه يعرف اني خايفه والصدق اني كنت ماخذه الموضوع طقطقة وهو كبير لدرجة صرت أشيل هم إذا طلعت أتلفت يمين يسار لا يكون يراقبني وحمدلله بعد ماجرحته اخيرا صار عنده كرامة وله فتره معد يرسل لي بس ليه كل ذا ليه سويت بنفسي كذا؟ الله اعلم للحين احاول افهمني
عندي قروب صديقات علاقتنا كان فيها امكانيات بس مع الوقت قاعده اقول ليه كارهتهم استوعبت اني حلتيتة مثال في مره عزموني وارسلوا لوكيشن وتاخروا علي يوم وصلت مافتحوا مع اني اسمع اصواتهم ازعاج قلت يلا مو قاصدين ومشيتها ثاني موقف كنا راجعين بسيارة وحده فيهم وانا بيتي بطريقهم قلتلهم نزلوني بطريقكم قالوا مررره صعب واضطريت اطلب اوبر من آخر الدنيا لبيتي بوقت متاخر وبرضو مشيت آخر موقف عزمتهم وقالوا جايين بس ما انتظرتهم عرفت مكانهم خلاص صاروا يكلموني واعاملهم نفس الشي بس زهقت اليوم وكان ودي اطلع وكلموني اطلع معهم بس زعلت على نفسي الصدق مستعده اجلس طفشانه ولا اطلع معهم اصير جدول ولا احتجتهم مافي
قاعده اعاني من مشكله ان عمري صار 25 جسمي مو نفس جسمي قبل كم سنه وصحتي مو نفس الشي وقاعده يجيني هلع لاني بضعف كل ما كبرت وبطني ماصار يتحمل اي شي وماقدر اسهر ولا بتعب الزبده علامات التقدم في السن هذي شلون وانا بالعشرين تجيني كيف لو صرت ثلاثين وهل طبيعي الي امر فيه ولا بمخي لاني ادعي اني قاعده اهلوس
كان عندي مشروع مع اثنين بنت وولد وأول اجتماع سويناه ماقدرت اجي ف سووه هم بدوني وجا الاجتماع الثاني دخلت كان صمت ف قلت اوكي اول شي كيفكم ووش صار آخر مره قعدتوا ف تكلموا وشفت بينهم كذا كيمستري قاعدين يطالعون ببعض ويشرحون لبعض وساحبين علي قلت ممتاز ارسلوا لي الي سويتوه عالايميل وانا بشوف بعدين لان جهازي مايشتغل واذا بغيتوا شي ارسلولي مع السلامه وطلعت
اتوقع والله اعلم انه قريب بيصير فيه دول أساسيه والي هي الدول القويه والدول الضعيفه والي مالها داعي تنضم للدوله الكبيره وخلصنا
فكرت بالفكره فجاه وانا اقرأ اخبار الحرب وجت الصوره بوجهي حاليا احسني محنكه سياسيه وقمة في الدهاء
لازم اعرف لاني يأنبني ضميري وانا احط ملابسي بالغساله وهي ريحتها عطر احس حرام انتوا وش تسوون طبعا الي يخلون الشغاله ولا اهلهم يغسلون السوال مو لكم 😭
استغليت الدوام هدوء وطلبت اوبر بروح اسوي شوبنق واول ماطلعت دقوا علي قلتلهم رايحه اتغدا وراجعه 😔
في شي انا احبه مره بس من كثر ما احبه انقلب ضدي يعني كل مره ادوره يصير لي موقف قوي قد صارلي حادث وقد كسرت يدي وقد طحت بناس ماتخاف الله اذوني بشي ماقدر اقول بردت عموما انا سويت نفسي ذكيه قلت بخلي احد يدوره عني عشان ما يصير لي شي والشخص هذا صارله حادث!!!! من الصدمه قلت كذاب يبي اهتمام بس طلع صادق عموما مقتنعه انه مو ذنبي بس بدور طريقه جديده
تعرفون الشخصيه الغبيه الي تكون حلوه او شقرا وبيضا يعني نفس معايير جمال العالم السطحيه وتكون حماره ماتعرف تسولف ؟ احس هذي انا مع كل الأسف مو مدح اني حلوه او ماشيه عالمعايير بس صدق احساس داخلي مو تحطيم مجاديف نفسي قد ما هو صراحه وتقبل 💀
لا سناعه لا علوم لا سوالف لا ردود بس اعرف اسمع وأفكر خارج الصندوق بالتالي اطلع متخلفه في نظر العالم بس احبني
وش اكثر فتره قعدتوا فيها لحالكم بدون احد حولكم أنا عن نفسي لي يومين وأحسني بديت أنسى الناس بس مبسوطه
عمري ٢٦ ومن يوم صرت ١٨ طلعت وسكنت لحالي وكافحت كثير واشتغلت أشياء كثير ودخلت بمجتمعات كثير ونقلت اكثر من مدينه لدرجة فقدت تواصلي مع اهلي ماعندي احد اكلمه كل يوم ولا عندي احد اتحمس ارجع البيت عشانه واحس بتبنى بسه واقعد اصيح معها على الواقع المر بس بنفس الوقت الحمدالله لان ادري حياتي بنات كثير يتمنونها ويتمنون لو نص الميزات الي فيها بس الوحده مؤلمه وخصوصا وقت المرض وقت تحتاج فيه احد جنبك ويطبطب عليك ولا وقت الفرح ودي اشارك فرحتي مع احد بس محد فاهمني الا انااا🥹
ومره احبني واحب حياتي بس ابغا حولي اصوات احسني صرت عجوزه وانا توني بنص العشرين ودي اسمع حس جنبي ودي اكون في جو حميمي بشكل يومي من كثر المشاعر صرت اصيح كل يوم وانا راجعه من دوامي من التعب والإرهاق والوحده ودي احد يفرح اذا رجعت او يسألني وش سويتي بدوامك او يعرف عن الي يزعلني او الي يفرحني اشتقت اكون مراهقه وينضحك علي وادخل قصة حب بس الحين احسني ابي شي حقيقي تعبت من اللعب يااااارب
طلعت امشي وقلت الله انا بوسط الرياض هنا أجنبيات واذا طلعت بيحسبوني وحده منهم ومحد بيكلمني ولا يضايقني دقيقتين تمر سياره من جنبي لو سمحتييي واطنش الزبده كثر لو سمحتي ومارديت مسويه نفسي ما افهم الوقح قال تعالي ماخذين شقه بتنبسطين !!!!!! هذا من اي كوكب جا قسم بالله مت ضحك وش هالثقه + وش يخليه يتوقع اني طالعه امشي عشان ادور احد يعزمني ؟ طيب لو كنت وحده رايحه فيها وقلت اي هم كذا عادي عندهم يعزمون اي احد؟ الزبده ضحك