u/Internal-Soil-8667

السلام عليكم
صار لي فتره طويله جدا وانا في بالي فكره النسيان احس اني بديت انسى بشكل مجنون زي اشياء عني ، ذكريات ، كيف اتصرف وايش اسوي وغيره بس ما تحضرني الحين لكن بديت اخاف جدا من حالتي هذي وما ادري كيف اعالجها كل يوم في بالي تتجدد هذي الفكره ولا احد يقول لي حاولي تقمعين هذي الفكره حاولت اكثر من مره وجلست اطمئن نفسي انه انا مو قاعده انسى بس ما تغير شيء لاني احس انها مو مجرد فكره احس اني فعلا قاعده انسى ما ادري كيف اشرح اذا ممكن احد صادفه زي هذي المشكله يشارك تجربته معي

السلام عليكم
عندي استفسار وفضفضه بنفس الوقت انا في سنه ثانيه ودخلت تخصص وانا احس اني مو مقتنعه فيه من البدايه بس افضل مافيه انه مفيد جدا مستقبلا بس نفسيا مو متقبلته واحس اني مارح ابدع فيه وانه مجرد عبىء علي بس بنفس الوقت يوم افكر انا وش ابغا ما اعرف حاولت اجلس مع نفسي اكثر من مره احاول اكتشف وش يناسبني القى اجابات احيانا بس مارح تفيدني مستقبلا او انه ما اقدر اضمن اتلقى تعليم له هنا بالسعوديه يعني باختصار السعوديه ما تهتم له بالشكل اللي يكون برا وذا الشيء مره مضايقني وفيه اكثر من سبب منها الجامعه مو مناسبتني والمنطقه اللي انا فيها ما تناسبني واحس مره ضايقه على نفسي
انا نفسي ما تفضل الدراسه افضل اني اعيش بتجارب واروح اسوي واجرب واعيش فعلا حياتي بس عندي معتقد دايم في بالي انه الشهاده اهم شيء بس بنفس الوقت ابي اعيش
اعرف اني طولت عليكم بس فعلا مو لايقه حل لمشكلتي هذي وابي منكم نصايح ، تجارب اي شيء ممكن يساعدني

My doctor prescribed Solantra cream for rosacea, and I'd like to ask about how to use it. Should I apply the cream alone at night and then moisturize my face in the morning, or should I apply a moisturizer afterward? Honestly, I tried leaving it on my skin without moisturizer, and my skin felt dry and tight afterward. I don't know if this is normal or not. Please share your experiences.

السلام عليكم
دكتوري وصف لي كريم سولانترا (soolantra) وحابه استفسر عن طريقته هل تحطونه لحاله بالليل بعدين اذا قمتم تحطون مرطب وجه او يوم تستخدمونه تحطون بعدها مرطب لاني الصدق حاولت اني اتركه على بشرتي بدون مرطب بعدها حسيت بشرتي ناشفه ومشدوده ف مدري اذا هذا الشيء طبيعي او لا

السلام عليكم
الصدق معرف اذا هذا المكان المناسب لطرح هذا الموضوع بس حابة استفسر كيف اقدر استثمر في مكافأتي الجامعية وازيد منها واصير مستفيدة منها في المستقبل وفي اشياء تسوا ؟
لطفا لو بتنصحون لي منصه او مكان اشرحوا لي كيف طريقته وايش المبلغ اللي بيزداد كل شهر او كل فتره باختصار قولوا لي تجربتكم كاملة واذا احد قد واجه نفس وضعي يشرح لي علما بانه مكافأتي 990

السلام عليكم
صار لي فترة طويله اعاني من مشكله نهم الطعام العاطفي او العصبي ما اعرف ايش التسميه المناسبه لي بس الاعراض اللي لاحظتها على نفسي افكر كثير بالاكل واحس اني ممكن ما اشبع وانا اكل وافكر وش اكل بعد هذي الوجبه وحتى لو خلصتها اصير ابغا اكل زياده واكل فوق طاقتي والمشكله اني ما اقدر امسك نفسي اصير اعظ في شفايفي وراسي يصدع وفكي يبدا يعورني
* علما اني ماعندي اعراض اني احاول اطلع الاكل
ياليت تساعدوني كيف ممكن اعالج هذا الشيء لانه صاير يأثر علي واللي مروا بنفس هذي التجربه لا تترددوا تقولون وش صار معكم

انا تخصصي حاسب وهذي هي درجاتي

ج+ ، أ ، ب ، ب+ ، أ ، ب ، أ+

هذي درجات هذا الترم والصدق مره متضايقه منها بالرغم اني هذا الترم تعبت عليه كثير وفعلا حطيت فيه مجهود بالرغم من انه حالتي الجسديه والنفسيه ماكانت تساعد

وفضلا ادوني نصايح تساعد في تحسين مستواي او حتى مصارحة الاهل في هذي الدرجات لانه صار فيه تساؤل عنها

السلام عليكم

بداية انا ما ادري اذا هذي المشكلة تناسب اني اطرحها في هذا المجتمع او لا بس ما عندي غيره !

وقت الليل يجيني حرفيا رعب احس دايم انه فيه اشخاص يراقبوني وما يخلوني انام حاولت اسوي كل الطرق اني اقفل مثلا ادراج الدواليب حقتي اشغل قران اقرا اذكاري قبل ما انام بس لسا باقي احس بنفس الخوف واجلس طول الوقت اتذكر الاوقات اللي كنت احس فعلا انه فيه حد واقف ويوم التفت اشوف مين فجاه ما القى احد او ظل احد او حتى حركته بس انا اللي احس فيها واحس بعد انهم يتصيدون لي كذا فجاه وما اعرف اذا هذي اشياء فعلا قاعده تصير او انا عندي مشاكل زي الذهان او شيء لانه غير معقول اللي يصير

درجاتي حقت الترم طلعت بس حرفيا ماكانت حلوه زي ما تعبت على الماده وعلى الترم والحين مو عارفه وش اقول لاهلي اذا سالوا عنها لانهم عندهم شوي هوس بالدرجات وعقدوني من وانا صغيره انه لازم اجيب درجات كاملة لازم اسوي واسوي واسوي وحتى بعيدا عن اهلي انا زعلت من نفسي انه وش هذي الحالة اللي وصلت لها رغم اني تعبت واجتهدت

عندي اختبار اعتبره صعب بكره بناء على راي الدكتوره وشرحهم للدرجات حقت الاختبار وعندي 7 شباتر احتاج اذاكرهم بس اقسم بالله الاحتراق عندي قاعد ياكلني اجهدت نفسي جداا الاسبوع هذا لانه كان عندي اختبارات وضغط فيها لدرجه اني مو قادره اتحمل اشوف كلمه وحده ولا افتح الايباد واذاكر وحاولت حرفيا احط الايباد قدامي وافتح السلايدات واجهز لي جو المذاكره المعتاد حقي بس ما قدرت وكل شوي اماطل واقول خلاص بنام واقوم بعدها واغصب نفسي اذاكر بس حرفيا القلق ماكلني بدون حل

احتاج حل عاجل !

اذا احد بيقول لي افتحي الشابتر واقريه بس بدون حفظ او شيء سويتها وقعدت يمكن حوالي ربع ساعه ورجعت اسال نفسي هل اقدر اكمل او لا ورفضي كان قاطع لانه ضيعت وقت على الفاضي عقلي ماهو متواجد

السلام عليكم

اتمنى تساعدوني كيف تعالجون فقدان الدافع لفتره جدا طويله مع صعوبه في التفكير والتركيز لانه حرفيا هذا اللي احس فيه مع الدراسه قاعده احس بالارهاق والخوف من مستقبلي ومن قدرتي اني اكمل فيه

انا في تخصص من تخصصات الحاسب و للاسف اني مو قادره اتقبله ولا اتقبل كل من الجامعه والمنطقه اللي انا فيها بس ما عندي اي فكره كيف احاول خلاص اتقبلهم او اني انقل للمنطقه اللي ابيها والجامعه اللي ابيها رغم انه ماعندي الامكانيه انقل لاكثر من سنه رغم اني مستعده اخاطر واتدبر وضعي بس احس الموضوع اكبر من كذا واكبر من تخيلي

ادعولي تكفون ربي يلهمني الامل والشغف ويهونها علي

السلام عليكم

مشكلتي كالتالي انا بنت وعندي اخت واخ احنا الثلاثة علاقتنا جدا قريبه من بعض بس صار ظرف واضطروا اخوي واختي يسافرون لمنطقه ثانيه وانا بقيت بنفس منطقتنا وقبل ما يسافرون لاحظت انه اخوي ياخذ ادوية نفسية واختي كان عندها علم بالموضوع بس محد منهم علمني بالرغم من علاقتنا القريبه جدا ووقتها تضايقت جدا انه ليه ما اعرف هل انا شخص ما يثقون فيه ؟ او يعتبرونه شخص زياده ومصدر ازعاج

اعرف انه الموضوع حرية شخصيه من الفرد اذا يبغا يعلم الطرف الثاني او لا بس تمنيت انه علمني وحطيت اساسا اكثر من عذر قلت يمكن علشانهم بيكونون في نفس المنطقه وعايشين سوا بيكون غريب انه احد ياخذ شيء والثاني يستغرب انه وش تسوي وايش قاعد تاخذ او ممكن يساعده في الحصول على الادويه ف مدري وش اسوي وما ابغا اصارح اخوي بالموضوع علشان لا يحس بالضغط ابيه هو يقول لي يعني تجي منه وبنفس الوقت الموضوع شوي ما صار يخليني حزينه لانها رغبته وانا محترمتها بس احيانا احس بكذا مشاعر انه ليه محد علمني