انا ماعرف الاشخاص اللي بلينكدن طبيعيين ولا وهميين؟
تعبت 18 سنة واللي درس 20 واللي 25 سنة دراسة بالنهاية تنلام انك تقدم ياعزيزي العاطل الـ CV بشكل طبيعي زي مالشركات والجهات كلها طالبين.
ليش ماتبني علاقة مع الـ HR وتمسج له رقبته وبعدين تقوله انا عندي ماجستير احتاج توظفني ويقولك اوكي ارسل سيفيك بس انا عجبني مساجك اكثر من شهاداتك ومهاراتك عشان كذا بفكر اوظفك🤣
والله شي يحزن الله يعيننا مننا
خلال الفترة الماضية اشتغلت على مشروع الهدف منه اتعلم مجال الـ AI بشكل عام وأبني اداة تساعدني في القانون.
اعتمدت على الاوامر (Prompt Engineering) في البناء، والنتجية بفضل الله منصة (Full-stack) وقاعدة البيانات مستضافة محلياً بالرياض 🇸🇦
التحدي كان كيف اقلل نسبة الهلوسة (Hallucination) في تأليف النصوص والهبد اللي بجيمناي وشات جيبيتي وغيرهم. استخدمت عدة تقنيات ومحركات للبحث بالـ (RAG) بحيث ان الاجابات تستند بشكل كلي على النصوص الموجودة بالداتابيس بدون تأليف.
ابغى اسمع ارائكم وملاحظاتكم على اي شي بالمنصة …
المنصة متاحة الان للتجربة المجانية وبدون حدود فور تسجيلك :
دايما اشوف مصطلح Vibe Coding ويتكرر كثير، ايش الفرق بين الفايب كودر والمبرمج العادي؟ بالنهاية كلهم يوصلو لنفس النتيجة؟
عندي تجربة شخصية، انا تخصصي ماله علاقة بالبرمجة ولا بالتقنية اساسا وطحت بالـ AI هذي الفترة لي شهر وبنيت منصة شخصية تخدمني بمجالي اشتغلت على الـ Frontend بالكامل، واحتجت Backend وسويته برضو، واشتغلت على السكيورتي يعني حرفيا Fullstack واطلقته واموري طيبه الان كل شي شغال اخر حلاوة.
اللي سويته هذا هو اللي يسموه فايب كودنق؟
انا سويت منصة كاملة بالـ AI وتقريباً خلصت منها لكن وصلت لمرحلة تصميم البنرات والصور واللوقو بلشت فيها لان تصاميم الـ AI في الصور والبنرات خايسه وواضحة انها تصميم تسليكي
فيه احد يساعدني بتصميم البنرات واعطيه اللوقو ويسويه صورة بدون باكراقوند بجودة عالية
انا الظاهر اني تورطت مع هذا التخصص تخرجت 2023 بكالوريوس ودخلت دبلوم عالي وتخرجت بداية السنة ذي، وفيه ندم مع رضا بنفس الوقت.
ندم اني من تخرجي من البكالوريوس وانا اقدم على وظايف قانونية والنتيجة ولا مقابلة عمل وحدة قلت يمكن السبب معدلي 4.15/5 حطيته عذر اني حتى مانقبلت باي تدريب ولا اي شيء قلت اني استاهل.
دخلت دبلوم عالي تأهيل المحاماة وشديت حيلي واجتزت بدون رسوب ابدا الحمدلله وجاتني الوثيقة وصرت (مؤهل للرخصة) لكن هل فيه وظيفة او مكتب يقبل محامي بدون خبرة؟
لي الان 4 اشهر ادور واقدم على وظايف بلنكدن بالمواقع بجدارات وللاسف مافي شي.
دخلت دورات خلال هذي الاشهر وافكر اخذ شهادات مهنية SASL & GRCP لكن خايف اخسر فلوس زي ماخسرت بالدبلوم وماتوظف لان ماعندي خبرة.
اعتبر الان انا عاطل من 2023 بدون راتب وبدون معيل لكن راضي بقضاء الله وقدره الحمدلله بس تعبت الصراحة وجيت افضفض.