u/News5PH

Hinatulang guilty ng Supreme Court 1st Division ang isang lalaki dahil sa pagdudulot ng psychological violence, sa ilalim ng Republic Act No. 9262 o ang "Anti-Violence Against Women and their Children Act," sa kaniyang buntis na kasintahan.

Kasunod ito ng pag-atras ng lalaki sa marriage license application nila ng kaniyang fiancée.

Pinagtibay ng SC ang naunang desisyon ng Regional Trial Court at Court of Appeals sa kaso.

"His 'willful' withdrawal of the marriage license — knowing the victim was pregnant and had already announced the union constitutes a form of emotional manipulation and public humiliation that fits the definition of psychological violence," saad sa desisyon ni Associate Justice Ramon Paul Hernando.

FULL DECISION: https://sc.judiciary.gov.ph/.../uploads/2026/08/E-00648.pdf 

Panlunas sa leptospirosis ang antibiotic na doxycycline at may mga lokal na pamahalaan at pribadong institusyon ang namamahagi nito nang libre.

Ngunit hindi basta-bastang makakukuha ng gamot na ito. Alamin ang batayang impormasyon ukol dito; at kung hindi maiwasang lumusong sa tubig-baha, magpakonsulta na sa doktor!

Bagaman may mga lugar na nakaranas pa rin ng pagbaha, iginiit ni Pres. Bongbong Marcos na "mas bawas na" ang pagbaha sa kasalukuyan.

Sinabi ito ni Pangulong Marcos, Jr. matapos ang isinagawang situation briefing kaugnay sa epekto ng Southwest Monsoon o Habagat sa bansa.

Ayon sa Pangulo, hanggang tuhod na lang umano ang baha sa ibang lugar at hindi na rin binaha ang iba pa. Mas mabilis na rin umanong nakalalabas ang tubig.

Nasa 1.7 milyong pamilya at 4,700 barangays naman ang apektado ng pag-ulan, batay sa ulat ng Pangulo.

Ipinunto ni House Prosecutor Rep. Joel Chua ang umano’y tila "patern" sa paggastos ni Vice Pres. Sara Duterte sa confidential funds mula sa pagiging Davao City mayor hanggang sa pamumuno sa Office of the Vice President (OVP) at Department of Education (DepEd).

Makikita sa Commission on Audit (COA) records na mahigit P2.6 billino ang halaga ng confidential funds ng Davao City noong 2016 hanggang 2022, o noong termino ni Duterte bilang alkalde.

Binanggit din ni Chua ang paghiling noon ni VP Sara na pamunuan ang Department of Defense (DND) sa ilalim ng Marcos administration.

"Ano naman ang kinalaman niya sa national security? Isa lang ang maiisip mo: Dahil 'yung Defense, it involves national security, dito, kakailanganin ng confidential funds… Kinargahan ng confi funds ang DepEd, ang OVP.'" | via Marianne Enriquez

Pinatawan ng Amerika ng sanctions sina International Criminal Court (ICC) President Tomoko Akane at senior trial lawyer Abdoulaye Seye, ayon kay US Secretary of State Marco Rubio.

Bahagi ito ng kampanya ni US President Donald Trump laban sa The Hague-based court na itinayo noong 2002 para usigin ang war crimes, genocide, at crimes against humanity.

Hindi miyembro ng ICC ang US, pero noong nakaraang taon, naglabas ng executive order si Trump para i-authorize ang sanctions laban dito. | via Reuters

Muling nanawagan si Counsel for the Prosecution Atty. Lorna Kapunan kay Vice Pres. Sara Duterte na dumalo sa impeachment trial at sagutin ang mga paratang sa kanya.

"If you want transparency, you should start with yourself. Where are you spending your billions in vice presidential funds?" saad ni Kapunan.

"Hindi 'yan (confidential funds) regalo sa 'yo; public funds po 'yan," dagdag pa niya.

Hindi naniniwala si Vice Pres. Sara Duterte sa mga nagsasabing mas mapapabilis ang usad ng kaniyang impeachment trial sa Senado kapag personal siyang dumalo rito.

Giit ng bise, "fully represented" siya ng kaniyang Defense team.

"Wala akong matutulong sa proseso ng pag-present ng witness, cross-examine ng witness," aniya.

May panawagan ang News5 at One News kaugnay ng nangyaring insidente sa Zamboanga City.

Maraming bansa umano sa Asya ang nais maging bahagi ng Pax Silica hub na planong itayo ng Amerika sa Pilipinas.

Ayon kay Philippine Ambassador to the United States Babes Romualdez, maraming maling impormasyon ang kumakalat ukol sa industrial hub kaya marami raw negatibong komento ukol dito.

Dagdag niya, mas mabuting tingnan muna ang positibong epekto nito sa bansa lalo’t may kaugnayan ito sa teknolohiya at minerals.

Kung palalampasin daw ito ng bansa, maaaring maibigay ang oportunidad sa ibang interesadong bansa.

"If we don't take this one, there are many other Asian countries that are prepared to take it on," aniya. | via Camille Samonte

Itinalaga ni Pres. Bongbong Marcos si Ayala Healthcare Holdings, Inc. Chief Health Officer Dr. Beverly Lorraine Ho bilang bagong President at CEO ng PhilHealth.

Pinalitan ni Ho si Dr. Edwin Mercado na magsisilbi na bilang kalihim ng Department of Health (DOH).

Dati na siyang humawak ng mga posisyon sa DOH at PhilHealth.

Dismayado si Baguio City Mayor Benjamin Magalong sa takbo ng imbestigasyon sa maanomalyang flood control projects sa bansa.

"Frustrating and very disappointing. Senador pa lang ang nagagalaw," saad niya.

"'Yung mga congressman, wala pa, pangiti-ngiti lang sila. 'Yung iba nga sa kanila nandiyan pa sa [VP Sara] impeachment prosecutors eh," dagdag pa ni Magalong.

Giit pa niya, mabagal ang imbestigasyon at kaunti pa lang ang naihahaing kaso kumpara sa dami ng umano'y mga anomalya sa flood control projects.

Hindi na raw nagulat si Sen. Erwin Tulfo sa naging pagbawi ng pahayag ng ilang miyembro ng 18 "Maleta Boys" laban sa ilang opisyal ng gobyerno.

Nauna nang kinumpirma ni National Bureau of Investigation (NBI) Director Atty. Melvin Matibag ang napaulat na may ilang miyembro ng maleta boys ang gustong bawiin ang kanilang mga testimonya.

Umapela si Sen. Loren Legarda sa publiko na huwag iugnay sa mga kinahaharap niyang kontrobersya ang paghain niya ng medical leave mula sa Senado.

Kinumpirma ng senador na nasa ilalim siya ng medical leave mula Aug. 3 hanggang 5.

Ayon sa Bureau of Immigration (BI), bumiyahe palabas ng bansa sina Sen. Legarda at anak niyang si Batangas Rep. Leandro Leviste sa magkahiwalay na flight papuntang Hong Kong noong Aug. 2.

Kasalukuyang iniimbestigahan ng Ombudsman ang umano’y mga anomalya sa solar projects ni Leviste

Iginiit ni MMDA General Manager Nicolas Torre III na wala siyang planong tumakbo bilang mayor ng Davao sa 2028 at nakatuon muna siya sa kanyang trabaho sa MMDA.

Aniya, hindi niya pinapansin ang mga usap-usapang tatakbo siya at wala pa siyang idinedeklarang anumang kandidatura.

Gayunman, hindi raw niya isinara ang pinto sa posibilidad ng pagpasok sa politika.

"Kung pagdating man diyan sa banda riyan merong kung ano mang mga opportunites na ibibigay ang ating mga kababayan, tignan natin," saad niya.

Nasungkit ni Filipino Olympian EJ Obiena ang panibagong ginto sa Stabhochsprung Meeting sa Jockgrim, Germany ngayong Huwebes, Aug. 6 (Philippine time) matapos ma-clear ang 5.83 meters sa kompetisyon.

Naungusan ng Pinoy pole vaulter si Seifeldin Abdelsalam ng Qatar na naka-clear din ng 5.83 meters ngunit sa ikatlong attempt.

Ito na ang ikapitong gold medal ni Obiena sa 2026 season. | via u/OneSportsPHL

Anu-ano nga ba ang mga kasong kinahaharap ni Apollo Quiboloy sa Amerika kung kaya't pormal na hiniling ng United States government ang extradition niya mula rito sa Pilipinas?

Noong February 21, 2024, naglabas ng audio recording si Quiboloy ukol sa sabwatan umano ng mga pamahalaan ng Estados Unidos at Pilipinas para kunin o ipapaslang siya. Noong September 8, 2024, naaresto si Quiboloy at nakadetene sa Pasig City Jail Male Dormitory.

WATCH: #UnaSaLahatTV5 U.S. gov’t., pormal nang hiniling ang extradition ni Apollo Quiboloy youtu.be/w3hdjW2jgoc

Nanawagan si Senador Risa Hontiveros na aksyunan agad ng gobyerno ang extradition request kay Apollo Quiboloy sa America para harapin ang mga kasong isinampa laban sa kanya.

Ayon sa senadora, panahon nang managot si Quiboloy sa mga umano'y krimen laban sa kababaihan at mga bata.

Hinimok din niya ang Department of Justice (DOJ) na kumilos agad sa proseso ng extradition.

Nagkomento si Mamamayang Liberal Rep. Leila de Lima sa hamon ni Vice Pres. Sara Duterte kay Department of National Defense (DND) Sec. Gibo Teodoro na pangalanan ang mga opisyal ng pamahalaan na nagde-defend sa China sa usapin ng West Philippine Sea.

Tanong ni de Lima: Kailangan pa raw bang pangalanan kung halata naman kung sino ang mga ito?

"Simple lang: 'Yung mga tinatamaan sa pahayag na pro-China sila, patunayan nilang hindi. Tigil-tigilan nila ‘yung pananahimik o pagtatanggol pa sa mga pang-aalipusta, panggigipit, at pangangamkam ng China sa ating teritoryo," ani de Lima. | via Marianne Enriquez

Binatikos ni Palace Press Officer Usec. Castro ang ilang senator-judge na umano'y nakikipagdebate sa witness sa impeachment trial ni Vice Pres. Sara Duterte.

"Ang mandato nila, kunin ang katotohanan para sa taumbayan hindi para walisin ang batas, walisin ang dapat na malaman ng tao para lang pagtakpan ang kalokohan diumano ng iba," saad niya.

Iginiit ni House Prosecutor Terry Ridon na hindi natibag ng Defense Team ni Vice Pres. Sara Duterte ang isinalang nilang Prosecution witness na si National Bureau of Investigation (NBI) director Atty. Melvin Matibag.

Si Matibag ang huling testigo ng Prosekusyon para sa pagtalakay sa fourth impeachment article na may koneksyon sa umano’y pagbabanta ni VP Duterte kay Pres. Bongbong Marcos at iba pang opisyal.

Muling sasalang ang NBI director sa pagpapatuloy ng cross-examination ng Depensa sa Miyerkules, July 22.

WATCH: #VPSaraOnTrial tinyurl.com/VPSaraOnTrial