u/No-Guidance6850

اسمها مشهد من الجحيم

رسمتها بقلم فلوماستر اسود عادي جدا من العلبة اللي فيها 6 الوان ب 10 جنيه دي

مرت عليا فترة تقريبا خسرت فيها حاجات كتير جدا .. خسرت صحتي بكسر ف رجلي و ازمة قلبية و بالتالي سبت الشغل وصرفت فلوسي كلها اشعات و ادوية و خسرت البنت اللي حبيتها وصاعت عليا دورتين ف التجنيد وكل دا مخرجاش من البيت اصلا الحمد لله على كل حال

اول م بدأت اتحسن شوية من مرضي الجسدي دخلت ف نوبة اكتئاب حاد وكنت عاوز افضفض مع حد و يخرجني من حالتي ولكن محبتش اعمل كدا مع اقرب اصحابي لانهم افشوا ب سر كنت مأمنهم عليه ف فقدت الثقة فيهم

ف قررت افضفض بنفسي وكأني ببص ف المراية لكن اللي ظاهر فيها حد تاني واللي هي ورقة بيضا ورسمت اللي بحس فيه و دي كانت النتيجة بعد شغل فيها 5 ايام

نزلتها ع الفيس قبل كدا وجابت تعليقات جميلة و الناس دعمتني جدا لدرجة ان فيه واحد عراقي مقيم ف بريطانيا وبيشتغل ف احد المتاحف الفنية المحلية ف لندن كان عاوز نسخة منها علشان يعرضها هناك و دا بدون كذب حصل فعلا بس طبعا مقدرتش اعمل كدا لاني كنت ملازم الفراش

الطلب الاول مقبلات اسمه هالفا هن : يعني نص فرخة بس ف الواقع بيجيلك عيش وزبدة وجبنة اسمها جاودا و دي ليها قصة تاريخية مش غلط ف الاوردر

الطبق التاني معرفش اسمه ايه بالالماني بس هو عبارة عن بطاطس مسلوقة و شرايح بريسكت من العجل وعليها صوص فجل و تفاح 🤍